【為供樓唔敢請假】鍾嘉欣全身出疹頂硬上開工 馬浚偉:我真係火都嚟
2021年05月06日12:53

馬浚偉親自構思、策劃並擔任主持的節目《緣來自咖啡2》壓軸嘉賓請到馬仔契妹鍾嘉欣做嘉賓,嘉欣在節目中透露2008年拍攝《金石良緣》時,由於壓力關係導致全身出風疹,但要供兩層樓的她不敢出聲請假,「當時係由頭到腳、腋下、頸,肚臍,剩係得塊面無紅色嘢(疹),我喺廁所拉開件衫比楊怡睇,佢即時爆喊。」

最後要馬浚偉開口跟導演講,嘉欣才肯去睇醫生,馬仔說:「我叫你休息,但你喊晒話『我唔可以倒下來』佢真係傻架,我真係火都嚟,當時導演係財叔,我話我唔舒服,唔拍啦。然後佢先肯去睇醫生,我仲要幫佢搵埋醫生。」

From:微博/香港TVB資訊台

From:微博/香港TVB資訊台

馬仔在圈中有三位特別疼愛、份外關注的妹妹,鍾嘉欣就是其一,他說:「陳法拉、楊怡從來不用我擔心,因為佢哋夠堅強,懂得照顧自己,但嘉欣之所以令我既疼愛又擔心,在於不太會保護自己,乜嘢事都收收埋藏,就算受到委屈、面對不公,都唔夠膽去為自己爭取、去拒絕他人!我2004年認識嘉欣,睇住佢入行、長大,同佢有一份特別嘅緣份,呢種親密緣份不能解釋也不需要解釋。以前睇到佢經常受委屈唔出聲,若果我知道嘅就會盡力幫佢。我係潮州大哥,實在睇唔過眼人哋欺負我疼愛嘅人,一直鼓勵佢大膽講出嚟,使乜嘢驚呢!」

From:微博/香港TVB資訊台

阿哥的關懷體貼,嘉欣銘記於心,一直希望參與他的節目拍攝,她表示︰「真係太忙,拍劇時間緊迫,婚後又多在外地,總是錯失支持阿哥嘅機會;作為妹妹,無論佢做乜嘢,我一定親身支持!今天能夠同阿哥做節目、傾偈,好開心,非常感恩。」

From:微博/香港電影吧

關注我們Facebook專頁
    相關新聞
      更多瀏覽