【投資專欄】如何在瘋狂牛市尋找落車時機?路飛:我就預咗撞斷手,但唔好斷埋隻腳先識離場(路飛投資)
2021年02月19日18:26

近來港股升到十分瘋狂(痴咗線),很多人都持有大量貨,甚至借孖展日日將PnL(Profit and Loss)推上去(路飛都有120%倉位,PnL都好好彩已經過咗上年)。大家都好像乘坐在一部超高速移動的跑車,但其實心目中都考慮應該什麼時候下車,不想出事的時候撞到粉身碎骨。

對於什麼時候下車,其實沒有什麼特定的方法,有人會提早下車,然後以後不看股票;有人見到開始剎車,就先落車。我又想純粹分享自己的做法同想法(唔代表一定啱):首先,我就預了斷手,即是話普通的剎車我是不會落車,因為不夠痛,要真的第一次撞車之後,斷住隻手落車。因為根據多次的經驗,你提早落車其實會忍不住再上車,最後同樣結果都是斷手落車,中間還要賺少了。

其實下車的精髓是當你斷手落車之後,不要想再上車找回隻手,跟住最後連隻腳都斷掉,瘋瘋癲癲般YOLO(you only live once)踩盡油衝完一次之後,就不要再「博命」啦!

最後,你會問什麼才是斷手,其實對於每一個人都有他的數字,我就是單日PnL跌了3至4%左右,但是對於很多人可能是7至10%。至於如何量度這個數字,其實可以用你的感覺:如果跌的時候你覺得「好嬲」,或者「好唔開心」,這個只是普通的「剎車」,「斷手」那一下是跌到你靈魂出竅,「唔識嬲亦都唔會感到唔開心,成個人變咗空洞咁樣」,望一望個窗不明為何這個世界如此平靜,那你就差不多要放貨。

後記:等我戴頭盔寫返清楚先,「落車」嘅意思係放大部份嘅貨,可以去旅行唔使睇住個市,有啲似上年三月咁。所以如果預計嚟緊有啲5至10%調整,其實我都係會分段take profit,就好似上次啱啱去返30,000點咁樣,通常唔會全倉調整......

路飛投資簡介:專業投資者,前銀行分析員(香港/上海)中港長短倉策略 (0-120%倉位) ,覆蓋約250隻股票。

Annual return ~10-20%, Max drawdown ~6%主要希望透過記錄投資的思考過程,跟其他專業投資者交流。

*文章獲路飛投資授權刊登,文章標題受《Market Digest》更改,原標題:如何坐快車?

原文

關注我們Facebook專頁
    相關新聞
      更多瀏覽