黎耀祥等拍《巾幗4》 唔為利益只求回憶
2021年01月31日03:00
■祥仔非常重視《巾幗梟雄4》,透露特別Hold期等開拍。

【星島日報報道】(星島日報報道)無線賀年節目《金牛吉祥耀保良》進行錄影,由汪明荃、鄧梓峰及馮盈盈等主持,一眾藝人包括胡楓、黎耀祥、翟威廉、陳潔靈、鄭融及菊梓喬等擔任嘉賓。

黎耀祥表示往年農曆新年都會出外工作,今年因疫情關係,只可乖乖待在家中過年。談到兒子可有回港?祥仔透露兒子已回港多時,將留港於網上完成大學課程,亦因疫情關係、兒子對未來尚未有任何打算,他笑說:「我哋兩公婆不嬲都咁瀟灑,o依家屋企多個仔多咗個電燈膽,不過無所謂啦,多個人都係多雙筷。」

談到《巾幗梟雄4》進度,祥仔透露劇集將於內地拍攝,但疫情關係亦未能確定時間,他說:「初時話3月,之後話5月,又再話9月。暫時未有工作,會盡量Hold個期。」提到差不多橫跨整年,可會要求加片酬?他說:「唔會,拍呢套唔係為利益。10年前《巾幗》帶俾我好多成就,10年後再拍係一個好好嘅回憶、紀念。再加上雯女(鄧萃雯)又返嚟拍,編審又係張華標,所以我會盡量Hold個期。」

此外,馮盈盈工作不斷,她承認收入的確略有增加。談到可會置業?她笑說:「我未有任何物業,但不停認識朋友、學習投資之道。不過我要物色人買保險,咁大個人都未買過保險,唔知大家有無介紹。」談到江嘉敏在網上放售二手物品及贈品,收益作慈善用途,馮盈盈認為此舉環保之餘又可做慈善,亦啟發她將多餘物資與同事分享,例如零食。提到網民質疑江嘉敏沒有指明是哪家慈善機構,盈盈說:「都係溝通上有誤會啫。」

此外,早前佐敦強制封區檢疫,翟威廉投資酒鋪正在附近,被問生意上可有影響?他說:「的確係無咗街客,但我哋都有熟客同網上生意,生意跌咗兩三成。唔緊要啦,就算封到我嗰區都會盡量配合。」

關注我們Facebook專頁
    相關新聞
      更多瀏覽