【錢國偉離世】陳宛蔚大讚老公是英雄 澄清無打嗎啡:一粒止痛藥都冇食過
2020年10月28日07:00

「金牌監製」錢國偉昨日因胰臟癌離世,終年58歲。太太陳宛蔚及其兩名妹妹,與錢嘉樂、吳家樂、黎芷珊和譚玉瑛,昨晚在醫院外會見傳媒,陳宛蔚首先發言:「多謝咁多位關心,佢好Peaceful咁離開,好叻仔,係我嘅Hero,好多人都好錫佢。」

陳宛蔚透露2歲囡囡有見爸爸最後一面,被問到錢國偉有甚麼遺願,她回應:「我一直覺得佢好番,所以冇討論過任何嘢。」對於有指錢國偉病情轉壞,要靠打嗎啡止痛,陳宛蔚澄清老公一粒止痛藥都冇食過:「佢係我戰士,好感恩,佢又冇乜痛,冇嗎啡、止痛藥,但佢都捱到,好叻。」

錢嘉樂發言:「錢太呢兩年都好攰,面對好多嘢。Wilson係一位毅力戰士,兩年前知道自己呢個病,兩公婆並肩作戰咗好耐,好有毅力。呢幾日有啲唔舒服就入院,好多兄弟、朋友都有嚟,有啲好似曾志偉、楊千嬅、陳小春、林曉峰,因為喺內地,就靠視象聯繫,香港嘅朋友就已經嚟晒見佢,因為呢個係Wilson嘅心願,想見晒所有朋友,喜歡熱鬧,佢人緣真係幾好。好感恩,佢喺安詳嘅情況下離開,希望佢喺另一個國度可以開心生活。兩夫婦都好正面面對呢個病,唯一牽掛係囡囡啦,但放心,我哋uncle、auntie會幫Wilson照顧佢個女。」

錢國偉WilsonChin:去年今天,歲歲月月,𢹂手同行![鮮花]@陳宛蔚Calinda ​ -- 錢國偉WilsonChin

From:微博/錢國偉WilsonChin

From:微博/錢國偉WilsonChin

From:微博/錢國偉WilsonChin

From:微博/錢國偉WilsonChin

From:微博/錢國偉WilsonChin

From:微博/錢國偉WilsonChin

From:微博/錢國偉WilsonChin

From:微博/錢國偉WilsonChin

 

關注我們Facebook專頁
    相關新聞
      更多瀏覽