元朗日本菜:【新開性價比極高定食餐廳!海膽手卷勁鮮甜!刺身厚切好滿足!】- 魚匠
2020年08月10日11:38

呢間喺元朗嘅日本餐廳新開冇耐,採用日式和風裝修風格,令人覺得自己好似置身日本,好舒服!餐廳提供各種日式定食、拉麵和烏冬等,主打當然係日式丼!鍾意 厚切刺身嘅你,一定鍾意呢道「一拖三」,分別係三文魚、白身魚、吞拿魚同牡丹蝦。除咗刺身切得夠厚,亦好新鮮! 三文魚籽控都唔可以錯過「魚目混珠」, 三文魚籽鋪喺飯面,有爆丼效果!另外海膽手卷都係必食,勁鮮甜!

一拖三 ($128):一拖三分別係三文魚、白身魚、 吞拿魚同牡丹蝦 。刺身超厚切,份量好足,而且好新鮮!

海膽手卷 ($58): 海膽大大件放喺飯上面,賣相已經好吸引,而且勁鮮甜,完全冇苦澀味!

魚目混珠 ($148):入面有角切三文魚、三文魚籽、蟹肉、比目魚裙邊、墨魚籽、牛油果,全部鋪喺飯面。 三文魚籽又圓又大粒,有爆丼嘅效果!

吉列蠔 ($18):炸得夠脆,好有口感!

▲ 日式和風裝修令人覺得自己置身日本!

魚匠

地址:元朗合益路1-7號寶豐大廈地下3-5號舖

電話:2442 7755

文字來源:香港人遊香港 / 圖片來源 :@9eathk

The post 元朗日本菜:【新開性價比極高定食餐廳!海膽手卷勁鮮甜!刺身厚切好滿足!】- 魚匠 appeared first on 香港人遊香港.

關注我們Facebook專頁
    相關新聞
      更多瀏覽