2019回顧/二十大香港劇集,邊個話香港無人煲劇?
2020年01月08日00:00

香港劇集,頂尖卓越

香港人,其實係娛樂方面真係好幸福!唔好講咩周街都係商場,隨時有得唱K,隨時有得食各國美食喇。單係煲劇呢樣嘢,就已經超出咗好多地方,只要有講中文識中文嘅人,都會知道香港嘅劇集文化。香港無綫電視 TVB有幾咁出名,相信大家都知道,劇集一向高質多人睇,係香港電影嘅龍頭。2016年,香港仲多咗間ViuTV,創造出唔同嘅劇集風格,亦都深受香港人歡迎。今日,就等DailyView用網路大數據同大家回顧,2019年最正嘅香港二十大劇集,等大家得閒煲煲!

DV小教室:網路溫度計透過《KEYPO大數據關鍵引擎》,觀測、爬梳港澳地區近萬個網站、頻道,其中包括新聞頻道、各大討論區、FB、IG以及Blog,從中取得資料樣本數,並以AI語意程式作數據分析。「網路熱度」為主題項目相關的網路posts和comments ,數值愈大代表主題項目的討論度愈高。

image source:

image source:

ViuTV,後來居上

NO.10 黑市

——新都市傳奇

由香港才子王貽興、武打明星劉翁合作編劇、導演的ViuTV新劇,《黑市》,極力創造香港新一代嘅都市傳奇。黑暗嘅我城,到底隱藏咗幾多不可告人嘅秘密?每個人心入面,都有一片無法摸清嘅黑色慾望,總有一日會喺社會爆發出嚟。《黑市》由20個單元劇組合而成,每個都係別出心裁嘅驚人故事,碟仙、地縛靈、鬼子母神⋯⋯播出無耐,已經名列ViuTV第十!

image source:

NO.5 婚內情

——現代愛情故事

ViuTV《婚內情》,講述香港現代社會相當普遍嘅愛情故事,亦即係,唔好以為結婚就係Happy forever咁幸福。因為呢,今時今日,結婚隨時只係愛情嘅終結,無人可能保證一紙婚書嘅效用。《婚內情》點解咁受歡迎?咪就係講出咗,原來結婚都可以有意外,老公老婆隨時可以愛上嘅另一個人。鄧萃雯嘅演技已經係呢部劇嘅實力保證,真係唔到香港人唔睇喇。

image source:

NO.3 理想國

——反烏托邦

香港劇集,成日都俾其他人批評,話太公式化,劇集嚟嚟去去,都係講緊唔同形式嘅三角戀,可唔可以有更多新意?ViuTV《理想國》就用深度題材成為咗2019年香港劇集嘅一股清流。咩叫反烏托邦?即係話世界無咁理想、完美,如果真係追求烏托邦,最後結果只會係得人驚。《理想國》13集單元劇,科技、人性;現實、虛擬嘅探討,會畀到我哋有更多嘅反思。

image source:

NO.2 仇老爺爺

——家有一老

ViuTV劇集《仇老爺爺》,打破咗香港人以前成日講嘅「敬老」,反而以「廢老」、「廢青」呢個社會現實做題材,講出香港現代社會嘅老青衝突。香港新一代嘅家庭關係,其實已經大大同之前唔同,老人家未必了解後生仔,後生仔也未必知道老人家苦心。咁有趣嘅角色定位,到底爺孫之間,又點樣化對立而成就感情呢?家有一老嘅香港人,記得開嚟學吓嘢喇!

image source:

NO.1 教束

——香港教育

香港人,有邊個未做過學生?又有邊個做學生果陣,無對香港教育制度有所不滿?香港地,最出名就係學生壓力大,填鴨式教育,仲要俾人話係高分低能。ViuTV《教束》名列第一,正係講出咗香港教育制度嘅現實,對學生,對老師直頭係一種束縳。咁到底係香港生存嘅學生、老師,可以點樣面對呢個教育制度?如果想知道更多學校前線嘅情況,《教束》一定要睇。

image source:

TVB,香港龍頭

NO.8 牛下女高音

——安心睇劇

TVB早喺2018年,已經將《牛下女高音》拍攝完成,不過呢段期間,爆發咗香港娛樂圈相當有名嘅醜聞「安心事件」。呢部劇嘅第二女主角黃心穎,喺劇入面有大量戲份,為咗觀眾嘅反應,唯一暫時唔播住喇!直到2019年10月,先再次推出《牛下女高音》。Well,呢部劇咁多人留意,其實都同呢件事有關,唔知係好定唔好,更唔知觀眾睇到佢,又有咩諗法呢?

image source:

NO.6 多功能老婆

——經典三角戀

問世間情是何物?點解愛情會咁令人苦惱呢?原因無他嘅,皆因相愛很難!喺香港地,拍拖超過三個月,都已經好out。男人成日出去玩,玩到唔識返屋企,做女人嘅唔通只係留喺屋企等人咩?香港最多事業女性,真係「多功能老婆」,老公偷食,自己都有好多嘢可以做。《多功能老婆》,女主角老公出軌,之後遇到個好男人,但老公又返嚟,呢個情況點好?

image source:

NO.5 婚姻合伙人

——香港地產

講起香港,有邊個唔知香港最出名嘅地價?香港人出去同外地人傾計,人地隨時第一句就係講,你地係咪買唔起樓?TVB《婚姻合伙人》就用香港地產做題材,男女主角合作經營劏房,成功到開設埋地產代理公司,呢對最佳拍檔結成夫婦,成為在公在私嘅合伙人。不過,做人邊有咁輕鬆!隨住劇情推展,唔止有三角戀,仲有家庭糾紛。合伙人,唯有一齊上。

image source:

NO.2 白色強人

——支持馬明

TVB《白色強人》,圍繞醫生救急扶危情況發展故事,有趣緊張之外,亦都有探討醫療改革嘅問題,可謂有淺有深,值得香港人睇睇。呢部劇,仲生出咗「視帝」、「視后」。馬國明、唐詩詠喺《星和璀璨星光夜2019》以呢部劇奪得「最佳TVB男藝人」同「最佳TVB女藝人」殊榮,成為新加坡「視帝」、「視后」。演技咁出色,受國際認可,難怪第二名喇!

image source:

NO.1 金宵大廈

——奇幻穿越

TVB嘅第一名,代表咗全香港最關注嘅劇集,《金宵大廈》。點解呢部劇咁受歡迎?皆因取材獨特,內容以前世今生做主線,涉及夢、寓言、曼德拉效應、蝴蝶效應同平行時空等議題,令觀眾耳目一新。而取景又有香港味道,以尖沙咀嘅香檳大廈作主要背景,好多香港人睇落都特別熟悉。咁受得,TVB已經話要拍續集,未睇嘅朋友,係時候睇定等下集喇!

image source:

【以上圖文為香港網路溫度計調查結果,未經授權請勿轉載、改寫】

分析說明:

本研究資料由《KEYPO大數據關鍵引擎》提供,分析時間範圍為2019年01月01日至2019年12月29日。

網路大數據系統觀測港澳地區上萬個網站頻道,包括新聞頻道、Facebook、Instagram及各大討論區、BLOG等,針對討論『ViuTV及TVB最受歡迎十大劇集』相關文本進行分析,並根據網友就該議題之討論,作為本分析依據。

本文分析之結果,非參考投票、民調、網路問卷等資料,名次僅代表網路討論熱度大小,不代表網友正負評價。

推薦文章︰

外國人列全球10大恐怖廢墟!台灣這一處也上榜

公廁門上的掛勾超難用?網曝真正用途:不是給你掛東西

關注我們Facebook專頁
    相關新聞
      更多瀏覽