灣仔拉麵:【尾崎和牛薄片牛丼/沾麵!】- Mashi No Mashi
2020年01月05日18:10

呢間係「和牛黑手黨 Wagyumafia」 班底全新打造品牌,以現代簡約工業風路線,店內採用開放式bar枱,可以邊食邊欣賞師傅煮麵既英姿,門口設有自動售票機,主打牛湯沾麵、日式和牛丼及和牛餃子,店內選用來自日本宮崎縣尾崎和牛薄片,所以無論係牛湯沾麵定日式和牛丼,牛肉全部都大大片咁,牛肉、脂肪比例均勻,取其天然脂肪油香,5成熟呈粉紅色光澤,食落都唔覺得好膩!餃子控就不能錯過店家自家製和牛餃子,以牛肉代替豬肉,拌入韭菜、椰菜,內餡變得矜貴,即點店家就即刻將其煎熟,令其外皮焦香甘脆。

▲Wagyumafia行以會員制,仲要價值不菲既入會費,唔係個個afford 到。有見及此,呢間人氣店Wagyumafia副線走較平民貼地路線,好多人都慕名去潮拜!

▲門外設有一部售票機,同日本拉麵模式一樣,在門口自行點餐。支付方式有八達通、信用卡、Applepay 及Googlepay,唔收現金。

▲店內展示日本宮崎縣尾崎和牛﹐係以天然飼料飼養的純種日本和牛,擁有細膩大理石紋油花

▲特製和牛沾麵($160)廚師好貼心咁先問牛肉生熟度,然後就用火槍炙燒,完成就會擺pose比大家享用。

▲特製和牛沾麵($160)沾麵配料包括紫菜、溏心蛋、筍、椰菜,配上和牛片,而沾汁係用牛骨、和牛、壽喜燒醬油熬成,當粗而曲既麵條浸入,容易地就掛上牛肉汁。

▲和牛丼($180)有四片火炙和牛腩片,塊塊都大大片!入口軟滑,和牛腩片鮮甜脂香十足,加上流心蛋黃。

▲餐紙更以漫畫展示食麵教學

▲呢度只有12個坐位,不過就可以欣賞到廚師煮麵,都係種表演黎!

▲和牛餃子($120/6件)咬落牛肉爆汁,餃子煎得微燶

Mashi No Mashi

地址:灣仔愛群道32號愛群商業大廈地下1B號

營業時間:星期二至日 6pm-10pm

電話:2812 0500

文字來源:香港人遊香港/圖片來源:@dan_kahung

這篇文章 灣仔拉麵:【尾崎和牛薄片牛丼/沾麵!】- Mashi No Mashi 最早出現於 香港人遊香港

關注我們Facebook專頁
    相關新聞
      更多瀏覽