遊韓國:【仁寺洞超靚新地標!必去文創店+Minions展+BT21】- 你好仁寺洞
2019年11月22日10:32

韓國仁寺洞超靚新地標 必去文創店+Minions展+BT21

仁寺洞係遊韓國必去既旅遊點,佢獨特既老街風情同傳統韓屋甚有特色,而家仁寺洞仲起左個新地標,將仁寺洞既傳統同現化代結合,旋時又成為打卡熱點!「你好仁寺洞」係新落成既大型商場,門口擺放左大型LINE人物人仔超吸晴,行入去就係LINE SHOP同人氣BT21商店,商品都好齊,BTS迷必去!地下一層而家仲有小黃人Minions特展,有多個互動遊戲區、打卡影相位、巨型充氣香蕉公仔、超大波波池等等有排玩,比你重拾童真!商場亦有好多唔同文創品牌例如筆控最愛既Monami、文具控最愛既Your Goods等等,仲有多間韓式餐館、甜品店、Coffee Shop,一次過滿足晒遊客多個願望!

▲今年新開幕既「你好仁寺洞」旋即成為新地標,亮華既外牆設計充滿現代化,尤其夜晚黎打卡特別夢幻華麗!▲

▲「你好仁寺洞」現代化既外牆設計,同仁寺洞傳統街道相映成趣,舊新融合,別具特色!

▲新商場佔地甚大又好逛,有多間特色商品、文創品牌、咖啡廳等等都可以係呢度搵到!

▲連BTS迷必逛既BT21 SHOP呢度都有!商品仲好齊全添!

▲由而家到出年三月,地下一層仲做緊Minions特展,有多個打卡位夠你玩足成日!

▲最有特色可以話係呢個巨堅波波池,無論你係大朋友定小朋友都歡迎你入內玩,重拾童真!

▲韓國本地文創品牌Your Goods除左東大門DDP外,呢度都開左分店啊!

▲Your Goods有多種特色文創商品、文具、手帳、飾品等等,設計可愛又獨立,好多韓妹都大愛!

▲仲有筆控最愛既Monami,筆頸、筆芯、筆頭都可以比你自由配搭,而且價錢親民,係好多筆控既天堂!

▲多款筆任君選擇,仲可以刻字添!

▲除左文創店,商場又點少得食?多間特色麵包店、cafe都有進駐商場!

▲行到累可以坐低歎番杯咖啡、食番件cake,間間都係新開張環境寬敞舒適!

你好仁寺洞(안녕인사동)

地址:首爾市鍾路區仁寺洞路49 (서울 종로구 인사동길 49)

時間:10:00至22:00

_____________________________________________________________________________文字來源:香港人遊香港/圖片來源:IG、NAVER

這篇文章 遊韓國:【仁寺洞超靚新地標!必去文創店+Minions展+BT21】- 你好仁寺洞 最早出現於 香港人遊香港

關注我們Facebook專頁
    相關新聞
      更多瀏覽