大J穩坐第一,拋離成條街?香港地20大打機YouTuber
2019年11月13日00:00

打機打到年薪百萬不是夢

以前講起YouTuber,大家諗起嘅大部分都會係教化妝,當然都主要係女性居多啦。不過隨住咁多成功Youtuber出現,呢個職業都開始成為好多人理想。電競產業呢幾年發展得好快,仲成為運動嘅一種,以前大家邊有諗過打機叻真係可以搵食呀?打機界Youtuber越嚟越多,大家打嘅遊戲都差唔多,不過每個人打機風格各有不同,所以都各自吸引唔同Fans 訂閱日日追。就算自己無得打,睇人打都一樣開心嘛!今日網路溫度計就用網路大數據調查咗呢20大打機界YouTuber又有無你睇開嗰個呢?

DV小教室:網路溫度計透過《KEYPO大數據關鍵引擎》,觀測、爬梳港澳地區近萬個網站、頻道,其中包括新聞頻道、各大討論區、FB、IG以及Blog,從中取得資料樣本數,並以AI語意程式作數據分析。「網路熱度」為主題項目相關的網路posts和comments ,數值愈大代表主題項目的討論度愈高。

image source:YouTube/JASON的遊戲頻道 HunggyGames

10 TD TSUN

——WoW好犀利呀

一般打機實況主都會玩好多唔同種類遊戲,一出新Game就會開始食住個熱潮試玩。同其他Youtuber唔同,TD TSUN主要專注玩Minecraft,非常專一。風格都唔係走幽默風趣路線,而係比較偏向教學型、知識性分享俾玩呢個Game嘅同道中人。總之玩得Minecraft都一定睇過TD TSUN啦!

image source:

9 阿聲 Singsing524

—— 阿聲返嚟喇

阿聲都算係元老級打機YouTuber,後來轉型,拍咗唔少生活題材片,依家channel入面幾乎隱藏曬以前打機嘅片,不過由2012年開始投身YouTube界,可以話係為香港打機類片嘅開荒牛。幾個月前無出新片,不過大家都無因為咁而遺忘阿聲,最近阿聲就出返黎話之後會重新投入youtube,大家都仍然好支持佢呀。

image source:

8 Toyz

——上帝關了我一扇門,又為了我開了一扇窗

頂住前世界冠軍呢個頭銜,Toyz 應該係咁多個打機Youtuber入面來頭最勁個個啦。2012年被遊戲代理商睇中,成為英雄聯盟職業選手,依家退役擔任戰隊總監,帶領電競隊伍,得閒都會繼續開直播打機。保持頻繁更新嘅YouTube channel,除咗打機片之外,美食類型嘅片都係佢出得幾多嘅題材。

image source:

7 Undergrounddv 達哥

—— 正蠢才!轟牙!

「開台啦~開台啦~九點半又要睇達哥~」達哥嘅魅力相信唔洗我講大家都好清楚,打機風格有趣而吸引好多人晚晚追直播,因為人氣高,後來好多遊戲代理商都搵佢合作。打機同時同一班網友傾計,夠曬互動性,讀中文系嘅達哥打機個陣因為成日講出金句,成為大家口頭禪,更加有「達朝話」嘅出現,打機打到有自己語言,我估都無第二個啦~

image source:

6 Hins

—— 啊生邊位呀?

由2013年開始經營YouTube,旅行、遊行實況、開箱等等多元化嘅題材,令Hins成功吸納唔同族群嘅Followers。更片頻率都幾快嘅佢,玩嘅遊戲好多元化,日日睇都唔會悶。加上成日同女朋友一起拍片,打機片睇得多,情侶兩個人一起打機、抽蛋就真係好少見,真係閃死單身狗呀。

image source:

5 Loui5Ng 伍公子

—— 歡迎收睇公子玩

伍公子呢個名,無睇片都應該聽過,因為作風比較直接,所以曾經都得罪網友,被網民踩過唔少次,不過講嘢幽默抵死,比起其他Youtuber,可以話係比較做自己,鍾唔鍾意就見仁見智啦。雖然依家出片頻率比起以前都低咗,不過仍然有一班支持者對佢不離不棄㗎。

image source:

4 Kzee

—— 哎呀哎呀 甩手

本身從事婚紗攝影,搖身一變成為Yotuber,因為成日課金多而有「課金王」之稱嘅Kzee,經營頻道一D都唔偷懶,平均一個禮拜會更新幾條片,最密嘅時候甚至會一日上傳兩段新片,絕對唔會冷落一班支持者。打機有時課下金就在所難免,不過如果你無呢個財力下下「倒錢落海」,睇人課金都可以享受下個種抽蛋嘅開心呀!

image source:

3 屎萊姆 Edward Slime

—— 歡迎收睇屎萊姆瘋狂世界

好多嘢都係無辦法預計後果,就好似屎萊姆應該都無諗過一段用手機自拍嘅打機片喺無剪接嘅情況下會破10萬點擊,從此開啟佢做YouTuber呢條路。自己開設遊戲公司,順理成章都拍埋打機片,又會同屎嫂拍一D生活化題材嘅片,最特別係自稱四川辣王,周不時會試食辣嘢點評,「好食得辣」呢樣嘢都係屎萊姆特色之一。

image source:

2 笑波子

—— Yo 又係波子打波子機

出片密,個人風格好強烈,一直帶俾人正能量嘅笑波子,都係出名勤力嘅YouTuber,剪片剪到凌晨四點都堅持用最快速度每日更新,一日最多可以出3條片,一年出600幾條片不是夢呀。同其他打機實況主一樣,笑波子慢慢除咗打機片都會出其他生活類嘅片,兩隻好得意嘅愛犬都一樣出鏡率好高,好受網友歡迎。

image source:

1 Jason - 大J

—— Hello YouTube 我係Jason~

提起大J可能大家都知到佢有個好卡哇依呢嘅日本未婚妻麻衣,比起打機片可能更多人一開始留意到大J都係因為佢有好多唔同種類電子產品開箱同試用心得,可以話係幫好多人「防雷」唔洗花錢買難受。曾經係日本留學,加上另一半係日本人,所以都算係半個地膽,佢所拍嘅日本旅遊片都幾有參考價值㗎。

image source:

image source:

image source:

分析說明:

本研究資料由《KEYPO大數據關鍵引擎》提供,分析時間範圍為2018年11月12日至2019年11月11日。

網路大數據系統觀測港澳地區上萬個網站頻道,包括新聞頻道、Facebook、Instagram及各大討論區、BLOG等,針對討論『香港打機Youtuber』相關文本進行分析,並根據網友就該議題之討論,作為本分析依據。

本文分析之結果,非參考投票、民調、網路問卷等資料,名次僅代表網路討論熱度大小,不代表網友正負評價。

推薦文章︰

TVB視帝十大熱門候選人!黑仔、馬明今次有冇機?

為食卡好應該有依十樣嘢食!大數據分析港人最愛嘅麥當勞小食!

關注我們Facebook專頁
    相關新聞
      更多瀏覽