西營盤Cafe:【Chill爆彩藍色咖啡小店! 超特別花生醬咖啡!】- BlueBird Coffee
2019年11月12日16:42

呢間位於西營盤街角既藍色咖啡小店非常用心,有七款來自唔同產地既咖啡豆,店員會細心介紹幫你選最岩自己口味既咖啡!其中一款Peanut Butter Latte非常受歡迎,有香濃既花生醬味,但又唔過蓋過本身高質既咖啡味,比例調得岩岩好,香滑易入口!仲有Marshmallow棉花糖Latte 、Sharerato手搖咖啡等等都好高質,唔會有加工既糖漿味,完成真材實料架!另外小店既芝士菠菜批都係外面比較少見,菠菜饀豐富,冇多餘既調味,夠健康!酥皮鬆化又唔會太膩,配埋杯咖啡就係一個簡易又Chill既下Latte午茶啦!

▲咖啡小店位於西營盤街角,全深藍既格調甚有異國風情,打卡都一流!

▲Cafe主打精品同手調咖啡,有七款來自唔同產地既咖啡,店員會細心逐一介紹,幫你選到岩自己口味既咖啡!全部都好高質!

▲其中一款Peanut butter latte真係用左花生醬製成,有花生醬既鹹甜香滑,又有咖啡香,兩者出奇地夾!誠意推介!

▲另一款Marshmallow棉花糖Latte都好受歡迎,面上鋪滿棉花糖,甜甜既味道可以中和番咖啡既苦澀味,非常岩女仔飲!

▲外帶既咖啡杯設計都好花心思,打卡一流!

▲小店亦有精緻小食,呢款芝士菠菜批就係佢地既招牌!(hkd$$37) 外層酥皮夠鬆脆,入面既芝士同菠菜都唔會太膩,配埋咖啡就更正了!

Bluebird Coffee

地址:西環西營盤德輔道西103號樂基商業中心地下B號舖

電話:

營業時間:08:30-18:00

___________________________________________________________________________________________

文字來源:香港人遊香港/圖片來源:@bluebirdcoffeehk、@jennyintheblock、@foodographiee

這篇文章 西營盤Cafe:【Chill爆彩藍色咖啡小店! 超特別花生醬咖啡!】- BlueBird Coffee 最早出現於 香港人遊香港

關注我們Facebook專頁
    相關新聞
      更多瀏覽