長沙灣cafe:【工廈清新療癒Cafe!每個角落都係打卡位!】- 治癒羔羊
2019年10月16日17:31

長沙灣工廈清新療癒Cafe! 每個角落都係打卡位!

呢間位於長沙灣工廠區既「治療羔羊」cafe,佔地甚大,環境非常舒適寬敞,以淡綠色色調為主,木製桌椅、籐椅、榻榻米等等,每一個角度都係打卡位,陽光曬入黎成間店都好明亮清新,真係好有治療心靈既感覺!呢度時不時都會更新menu,推出新款既all day breakfast、蛋糕等等,近期就有顏值極高既「紫薯楓糖蛋糕」同「黑松露蝦芝士焗」,都非常邪惡!除了有all day、蛋糕、咖啡等等,餐廳都有寄賣衣物、飾物、耳環等等,非常文青feel,可以慢慢睇慢慢選,係度渡過一整個悠閒既下午!

▲小店空間夠大,每一個角度都好岩打卡,淡綠色既色調非常舒適,令人有放鬆既感覺

▲木製桌椅簡單舒適,同成間小店既悠閒氛圍好搭,走小文青風格~

▲籐椅位同樣清新舒適,係店內每個角落都好適合打卡!

▲一束束乾花可以點襯小店,令環境更舒適溫馨,睇岩仲可以買走架!

▲小店同時有賣d手作耳環、飾品、衫等等寄賣,簡單易襯既耳環有d $78就已經有交易!

▲「黑松露蝦芝士焗」係佢地招牌主食,黑松露香氣同拉絲既芝士都勁邪惡!

▲佢地既飲品時不時會出新款,「紫薯楓糖」唔單止顏值高,仲可以食到粒粒紫薯,紫薯迷一定唔可以錯過!

▲有時會有手作工作坊式或咖啡拉花工作坊等等,去之前記得上佢地facebook或IG睇睇有冇包場活動啊!

治癒羔羊

地址:長沙灣福榮街344-348昌發工廠大廈D座9樓8室

營業時間:12:00-19:00

電話: 6145 5321

____________________________

文字來源:香港人.遊香港/圖片來源:@flomania.hk、@hgy.cafe

這篇文章 長沙灣cafe:【工廈清新療癒Cafe!每個角落都係打卡位!】- 治癒羔羊 最早出現於 香港人遊香港

關注我們Facebook專頁
    相關新聞
      更多瀏覽