一定要對經紀好!
2019年09月30日04:03
■包括地產在內,任何行業經紀無非想賺佣,邊個客識做比多點佣,「筍消息」自然優先奉人。

老友A姐為單身貴族,乃資深保險業高層,早早已獲財務自由,但仍工作至六十五歲,剛剛退休,呢度去 度去,非常寫意。一同晚飯,當然要聽下佢累積財富心得。

「我的經驗,任何投資,必定要有相熟經紀提供第一手的『筍消息』,如此,會賺多好多!」

見筍plan即通知你

A姐指出,做投資顧問或任何行業經紀,無非想賺佣,故此,邊個客識做比多點佣,「筍消息」自然優先奉人。

「我在保險業幾十年,當然知道每家公司有不同產品,不同特色。兼且,不同時間買有不同優惠!即係,若公司要 meet quota時,會大出血益客!相反,趕客時,就會令你冇肉食。所以,若有關係良好經紀,一見筍plan即通知你,賺多好多!」

果然業內專家!

「所以,平時一定要對佢 好兼經常聯絡!銀行經理也如是,放貸好、定存好,佢 最清楚幾時息口最靚,若你在最好Timing lock 住個定期利率,咁就醒過其他客好多!」

A姐不止投資保險產品及各式定期存款,物業、車位及工廈單位,亦 不少。

「有幾位老友地產經紀我御用,話明若有筍盤,成交後佣金加五成!重賞之下必有勇夫。所以,我收到筍盤消息,必快市場半步。尤其近月,愈來愈多跳樓貨,經紀非常清楚邊個賣家好唔掂,提埋水可以大力鋤價,單單慳呢筆,已大過多付的經紀佣N倍啦!」

A姐為女中豪傑,紅酒一飲而盡,倒轉問小弟:「喂,智豬,你對近日股市又點睇?幾時可以入貨,入乜?」

事實,小弟最喜歡投資股票,因免煩,且市場永在,出入貨快。

實力買家黃金機會

「A姐,政治影響經濟,近期各行各業滑速驚人,亂局難測何時了。好處看,不少股票肯定愈來愈平,因業績會再差加上持貨者心慌不問價沽貨,實力買家將逢千載一時機會。故凡手持優質資產的集團,皆是我的對象,例如恒基( 012 )、新地( 016)、新世界( 017 )及太古A ( 019 ),小弟已定心中的價,很可能今年內會見到!」

智豬在握

國策透視/投資王

  • 關鍵字
關注我們Facebook專頁
    相關新聞
      更多瀏覽