【拍拖壓力大】鄧麗欣讚男友「王子」又瘦皮膚又好
2019年09月27日15:34

鄧麗欣(Stephy),繼早前出席紐約時裝周後,近日又再獲邀亮相巴黎時裝周,此行對於Stephy來說可謂別具意義,除出席Zadig & Voltaire全球發布活動外,更接受I.T邀請,以香港區唯一藝人的身份,跟全球逾200位時尚名人一同參加國際名模Kate Moss的派對,難怪Stephy興奮稱:「一直很期待見Kate Moss,覺得佢好型,可以目睹國際名模風采,真係好難得。見到佢真人後,跟想像中沒有太大分別,覺得佢好有氣質好吸引,只是遺憾未能合照!」

一向身材均衡的Stephy,月初為出席紐約時裝周,出發前刻意Keep Fit,務求以最佳狀態示人,未知今次見Kate Moss前可有「重施故技」?,她表示:「最近好多人話我瘦咗好多,自己唔係太覺;今次冇刻意減肥,覺得而家身形OK。(最滿意邊個地方?)塊面!而家唔會Baby Fat,其實最緊要都係塊面,大家第一眼都係望塊面,同埋冬天着多兩件衫,身形係點都唔會覺。」

Stephy被指消瘦了,未知男友王子邱勝翊可會叫她增肥?Stephy聞言即甜絲絲表示:「唔會啦,我喺佢隔離好大壓力,佢又瘦、皮膚又好。我反而有叫佢增肥,成日都叫佢食嘢,不過佢天生唔鍾意食嘢,而家算係畀我感染咗食多了!」

不過,Stephy自爆初出道時曾因為Baby Fat的身形而感到挫敗,她說:「初初出道做Model時,覺得上鏡塊面好肥、腰、身全部都好唔滿意,於是進行地獄式減肥,跟Sammi(鄭秀文)飲食餐單去減,嗰段時候食好少,同學放lunch大魚大肉,我就食梳打餅加隻蛋,後來發覺咁樣落去唔得,個人會好攰同好唔開心,最終都係放棄咗。

關注我們Facebook專頁
    相關新聞
      更多瀏覽