【床上必學】3句俏俏話!將性事帶到另一仙境
2019年09月23日22:10

我們常常以為浪漫、動人的事都要搞大龍鳳,其實某些窩心的簡單字,也可以觸動他的心,甚至他的小弟弟。經過Jessica及JMen編輯部嚴謹篩選後,以下三句精選定能將你的房間事提升至更慾火焚身之地。

「噚晚發咗個好誘人嘅夢,我哋喺床上試咗好多新嘢!」

守舊思想令女仔即使好想行房,都要壓抑住自己嘅性緒同性慾,其實係一件好唔健康嘅事,而且原來,男仔覺得勇於表達自己情感嘅女仔係特別吸引架。如果你都想試試表達自己嘅慾望但唔知點開口,又或者想試下新招式新玩具唔知點表達,不妨試試將個idea推卸畀潛意識。你更可以詳盡描述返喺夢裡面(或者你心入面)佢做過啲咩嘢令你咁欲仙欲死,保證立即turn him on,而且令夢境成真添呀!

「嗯!好鍾意呢個舖屎呀!」

又係傳統思想影響,令女仔喺性事期間唔敢主動,更加唔會表達自己的愛惡。咁樣並唔係代表有矜持。唔表達自己嘅感覺,男仔係無辦法估到你去到咩階段架,結果大多數床事嘅結局,係男仔死去活來抽插直達高潮,你仍在迷迷糊糊唔知道已經完了。

其實性事係兩個人之間最原始嘅溝通方法,亦係最無唔需要修飾的表達渠道,所以喺行房期間一句「好鍾意呢個pose」甚至係簡單到「好正」,就已經表達到你嘅情感。而愛你嘅男仔,知道你enjoy嘅話,以後都會識做架喇,以後想性事昇華到咩層次都得呀。

「我而家無著unde,好期待等陣見你哦!」

如果你哋一早已經約好當晚見面的話,喺臨近放工前兩個鐘text佢,嗰種好想即刻放工衝返屋企,但又未走得住嘅期待同欲望,就好似foreplay前嘅foreplay一樣,令你兩個人嘅性事更昇華之外,感情亦會更深厚,而且男仔真係好鍾意勇於表達自己情感嘅女仔架。

Related Articles

關注我們Facebook專頁
    相關新聞
      更多瀏覽