【張晉送玫瑰冧爆】蔡少芬生日要二人世界 朱茵祝「多產」
2019年09月18日15:42

昨天(17日)是蔡少芬(Ada46歲生日,正在懷孕的她獲所屬經理人公司一眾藝人,包括 Ada 老公張晉、朱茵、鄧麗欣、原子鏸丶歐倩怡等,集齊一起為壽星女 Ada 送上驚喜;腹大便便的 Ada 人逢喜事精神爽, 以一襲白色連身裙到場,神采飛揚,十足「開籠雀」一樣,滿場飛跟其他人分享佗 B 心得。

要數全場溫馨之最,當然是張晉為太太 Ada 驚喜送上一束46枝玫瑰及粉紅蛋糕,認真別具心思,還親手撰寫生日咭,逗得Ada四萬咁口,Ada更情不自禁不時向張晉送吻,羨煞旁人。事後Ada笑言:「佢記得我生日,仲準備咁大束花,已經好開心!」問到張晉可有送禮物給她?她表示:「對上一次收禮物已經係聖誕節,當時佢送咗個手袋畀我,其實好感恩,我哋兩個都冇乜物質缺乏,買禮物都係為咗氹吓對方,佢仲話我今年都冇送生日禮物畀佢。」

提到生日願望,Ada表示最緊要是平平安安生個健康BB,而問到 Ada 昨晚跟張晉可有特別慶祝活動?她透露撇低兩位女兒張楚兒、張信兒,與張晉食飯共度二人世界:「尋晚有朋友送咗一間酒店房畀我哋,所以我要撇低兩個女,好好去享受,佢哋朝早已經同我講咗生日快樂,仲叫我玩得開心啲。佢哋兩、三個星期前已經送咗生日禮物畀我,佢哋將自己鍾意嘅玩具放落鞋盒送畀我,不過轉個頭就攞走晒。」

外,席上朱茵祝賀 Ada 時,笑言叫 Ada 再生多個,成為「多產」藝人,在旁 Ada 聞言即謂:「啋過你!呢啲『多產』我唔要,工作嗰啲『多產』我就要。」提到朱茵的「多產」論,Ada 表示:「同朱茵大家咁話,叫佢追多個先,而 Stephy 就快啲結婚啦!我就夠喇,冇手再抱,我老公要留番一隻手攬我,所以我『封肚』,生埋呢個夠晒數。」

關注我們Facebook專頁
    相關新聞
      更多瀏覽