祖兒請華仔助陣 又攬又摸過足癮
2019年08月18日03:00
■祖兒與華仔十指緊扣合唱,滿足了夢想。

【星島日報報道】(星島日報報道)容祖兒演唱會嘉賓的驚喜度可謂一浪接一浪,繼天王張學友打頭陣及古天樂首次上台演出《今期流行》經典舞步後,前晚再請來天王劉德華助陣,華仔更即場相約祖兒2024年一起再次奪樂壇的男、女歌手獎。華仔演出後,網上即傳出祖兒尾場演出嘉賓將為黎明,祖兒這19場演唱會將集合三大天王為嘉賓,令其紀念入行20年的演唱會既豐盛又圓滿。

容祖兒《Pretty Crazy》演唱會前晚演出第12場,邀來天王劉德華擔任嘉賓,令台下觀眾喊破喉嚨,祖兒也隆而重之穿上價值30萬港元的Celine珠片裙迎接華仔。祖兒介紹華仔出場時表示:「因為他在我心目中是遙不可及,早超越了偶像,是我學習的傍樣。他做事認真,待人接物以及對身邊所有人都無微不致,總之他叫我行東我不會行南,他叫我坐我不會企!今晚好榮幸邀請到他上來我這個舞台!」

音樂響起,祖兒唱出劉德華的歌曲《謝謝你的愛》,觀眾隨即陷入瘋狂。 華仔一上台,祖兒馬上飛撲上前,攬到實一實不肯放,然後面紅紅地叫道:「好近呀!救命呀!我想暈低。點解你咁靚仔?」華仔笑着回答:「我天生!」祖兒又心心眼問:「我可唔可以摸你一下?」然後伸手摸華仔塊面,引得觀眾都嘩聲大叫。

華仔問祖兒為何請他做演唱會嘉賓?祖兒謂:「你忘記了,我們有一年一齊攞獎。」華仔笑言:「記得,我好似帶住個女去攞獎一樣。」祖兒透露:「我想話你知,我第一次入紅館睇演唱會,就是睇你《夏日Fiesta演唱會》,同我個初戀一起。」華仔搞笑謂:「哦!當年我見到個嘴唇厚厚,同個男仔喺到唔知做乜嗰個!」祖兒即謂:「無呀!當年無打車輪o架!最多拖吓手仔,但我一直覺得你首《開心馬騮》係唱畀我聽o架,因為我屬馬騮!」祖兒開始清唱《開心馬騮》給華仔聽,就連華仔也拜服。

華仔又向祖兒表示:「我話你聽,我為甚麼接受來做嘉賓。」祖兒:「因為你錫我!」華仔坦言:「04年我哋一齊攞過一次大獎,我本來希望14年又可以一齊攞,我13年已經開始準備,不過那年好忙,因為我好色。」祖兒一頭霧水謂:「甚麼好色?你點會,你咁勤力……哦!你講你好忙繁殖下一代呀?」華仔承認:「係呀!搞咗個小龍女出嚟,所以2024年啦!再一齊攞獎,你唔使等我,我趕緊上嚟啦!另外,我個女話,你嚟睇我演唱會,由頭跳到落尾無停過,你其實不止開18場,可以開夠28、38啦!」祖兒就話:「你個女好得意呀!搵次畀我去探吓佢啦!」

華仔演出後,網上即傳出祖兒尾場紅館騷嘉賓邀請了黎明,若屬實,祖兒這次19場演唱會將集齊三大天王任演出嘉賓,為觀眾帶來連連驚喜,令她的20周年演唱會更圓滿。

關注我們Facebook專頁
    相關新聞
      更多瀏覽