柳俊江與妻恩愛9年 相處之道是每星期約定去拍拖
2019年07月24日22:29

早前,在元朗襲擊事件受傷的前TVB新聞主播 柳俊江,人稱「柳爺」 ,有個外號「大鼻子情聖」,與老婆Florence婚後9年,育有一子一女,兩人依舊恩愛如初。原來他們相處之道,就是每星期約定去拍拖,珍惜兩人的「quality time」。

撰文:TLY | 資料來源: | 圖片:新傳媒資料庫

柳俊江與大學時代相識女友10年結婚

柳俊江在TVB新聞部任職8年,2010年底離開崗位後新聞界,投入動物保育和環保工作,輾轉至今開廣告製作公司,自己兼任導演。同時,與大學時代相識,拍拖多年的女友Florence結婚,婚後與太太決定開枝散葉,三年抱兩湊成一個「好」字。

柳俊江
柳俊江

柳俊江
柳俊江

柳俊江經常下廚

柳俊江不會忽略老婆,冧老婆有一手,會分擔家頭細務,經常下廚煮幾味,無刻意劃分「男主外,女主內」,很多媽咪都有自己理想,好似柳太在音樂事業上有些新計劃,作為丈夫的柳俊江會與太太互相補位。「以前情人節、聖誕節先係我煮氹吓老婆,近排佢忙湊細路,又多嘢諗,希望開啲有關豎琴嘅新project,所以我就分擔吓,煮到就煮。」

柳俊江
柳俊江

柳俊江
柳俊江

柳太生完BB後都感到壓力大,有危機感,情緒變得複雜,柳俊江都有輔導太太,並作出支援。「家頭細務要幫手做,多啲同佢傾,佢有咩諗法要support佢,幫佢pickup番佢想做嘅嘢。不過又唔好擺太多自己意見,要攞個平衡。」

柳俊江相信關係要努力經營

柳俊江與太太的相處方式是經過多次磨合、鬧交、「嘈到拆天」而理解出來,一段關係要經營。「要keep住進步,關係先可以長久。」

「每星期約定的拍拖 dinner ,今次去海港城行街街,搵間就腳嘅。有食家話#jamieitalian進步咗,即管去試試,又真係 ok 喎! 」

柳俊江
柳俊江
自從女兒出世,兩夫婦已絕少二人世界,一個月有兩三晚二人世界拍拖已經好開 心,「我哋好珍惜二人世界,要有qualitytime。」

女要貴養 仔要窮養

自古有云:「女要貴養,仔要窮養。」非指金錢上的投資,而是內涵。男孩要磨練意志,教導他們承擔責任;女兒的貴養,是指要具備文化修養,增廣見聞,有獨立主見,免被物質誘騙。柳俊江坦言不自覺有偏心囡囡,已盡力把此想法放下,「可能爸爸心目中會諗呢啲,我會盡量提自己放低呢啲諗法。」

不單止爸爸,其實媽咪都有「女要貴養,仔要窮養」的想法,少不免對兒子硬淨一點,連柳太分別帶仔女出街食飯,都會到不同餐廳,她在社交網站分享道:「湊住個女,帶佢出街會搵啲坐得好啲嘅地方食嘢,湊住阿仔,就單拖帶住佢坐大牌檔茶餐廳食個佬飯都好okay。」

男仔玩Elsa無錯

傳統思想要「男主外,女主內」,男人做男子漢擔起頭家,女人要溫柔嫻淑,專心相夫教子。不過時代轉變下,男女在家庭的角色會有轉變,丈夫做大廚,太太出外工作,愈來愈普遍。連小朋友的喜好也不一定男仔玩車也可玩Barbie、煮飯仔,將來或成就另一番天地。柳俊江一對仔女的性格亦反傳統,Bella性格活躍好動,喜歡蹦蹦跳跳;Winston則較文靜、專心,柳俊江不抗拒男仔 玩女生玩意,女仔卻變得男仔頭,因為這非孩子的錯誤,不必糾正,可能他們將來會行出另一片天。

「我以前都俾老竇話男仔唔好入廚房,唔好做家頭細務,老竇係傳統潮州人,但依家如果男仔係靚仔小鮮肉,仲入得廚房煮幾味,女仔當神咁拜㗎嘛,彭于晏出嚟煮兩味你就好開心!年代唔同咗,將來個年代都會唔同,所以我唔覺得係咩問題,就算Elsa嘅製作團隊入面都好多男人,你要明白件事係點行,而唔係單方面你鍾意,如果唔係目光會好狹窄。」

柳俊江
柳俊江
一對仔女的性格相反,Bella很活躍、外向,Winston 則較文靜,柳俊江不抗拒男仔玩女生玩意,女仔卻變得男仔頭,因為這非孩子的錯誤,不必糾正,可能他們將會行出另一片天。

柳俊江
柳俊江

對女兒偏心一點

女兒是爸爸的前世情人,對女兒比較嬌縱,柳俊江笑言也不自覺有偏心囡囡的情況。「我知道我係先入為主,唔應該咁做,但少不免會有啲自然反應,好似阿女一整親,我會即刻走埋去:『你有冇事呀?』如果阿仔整親,就話:『冇事,自己企起身。』」

柳俊江平日都會化身「寵囡狂魔」,真是「有囡萬事足」,對小公主毫無還擊之力。

我:爸B就嚟抱你唔起喇。

B女:爸B你老嗱?唔好呀⋯⋯

我:係㗎,咁你會唔會照顧我?

B女:會,我會煲好多湯你飲。爸B老完再縮返細,Bella就畀好多嘢你食,快高長大。

我:然後Bella老咗,爸B又照顧你,跟住你又縮返細?

B女:係啊~

即使囝囝哭鬧,柳爺都會比較狠心,希望囝囝堅強些,但太太會出聲提點,兒子只有幾個月大。「我對個女好錫好寬鬆:對住個仔不其然會有期望,想佢堅強啲,雖然太太會提番我佢得幾個月大,喊係好正常,但個心都會覺得佢唔喊好啲,哈哈!不過無辦法呀,可能爸爸心目中會諗呢啲,我會盡量提自己放低呢啲諗法。」

柳俊江
柳俊江
柳爺希望囝囝將來堅強一點,明知囝囝只有幾個月大,常哭鬧是正常不過,但心裏總希望他不要哭。

幫Trouble 2女兒了解內心

兩歲的Bella踏入Trouble 2的年齡,開始有主見,懂得say no,易發脾氣,柳爺和柳太現花很多時間與囡囡溝通。「尋晚阿女有少少脾氣,我見到太太同佢溝通嘅過程,見到兩歲嘅佢開始有自己諗法,我相信呢個係長期溝通,我好怕劃條線話幾多歲做乜嘢,幾多歲又做啲乜嘢,我唔相信依家嘅小朋友係要用咁保守嘅方法去幫佢做判斷。」

柳俊江
柳俊江
Bella踏入Trouble2偶有脾氣,但對弟弟從來沒有發脾氣,好少與弟弟爭寵,更錫到弟弟燶。柳爺說:「佢每朝一起身會攬錫細佬,當然有時全家圍住細佬時,佢會有啲唔自在,但佢都唔會亂發脾氣,當我哋意識到問題,同佢多啲互動就無事。」

Bella比較早熟,思考及說話能力比同齡小孩快,更懂得表達不滿情緒。「依家佢會成日講『唔要呢個』、『唔要嗰個』、『唔好呀!』甚至會有突如其來嘅脾氣,對我嚟講都係學習過程,我唔會話好叻同佢溝通或者開導佢,我都學習緊去了解佢內心世界,同時間幫佢了解自己嘅內心世界。」太太最近透過書本去引導Bella了解自己,已初見成效,「套書講情緒,一套有幾本,分別講angry、jealous、sad、being loved,太太一路同佢講去幫佢了解發生咩事,因為咩事唔開心?嬲唔係問題但要理解同點去解決?」

父母面對子女Trouble 2、Terrible 2聽落恐怖,柳爺將之比喻作男女關係,「正如男人都話女人恐怖一樣,係你唔理解女人,你冇去溝通啫,適當嘅溝通、適當去放下你嘅睇法係好重要。」

柳俊江
柳俊江
柳爺希望小朋友將來成為開心、善良的人,做決定要理性聰明一些。「做一個決定,結果有贏有輸,贏唔一定代表你決定啱,輸亦唔代表決定錯,好似賭錢你知道呢鋪牌有九成機會輸,得一成機會贏,你都買落去,最後俾你贏到,但其實呢 個決定好蠢;相反有九成機會贏,你買落去係聰明。其實個結果唔係最重要,係過程中你係咪用聰明方法做決定,出發點係咪好。」

延伸閱讀:

FDA揭防曬品化學物可滲入血液 嚴選16款不含類雌激素安全防曬霜

【增高湯水】太子參淮山田七瘦肉湯

太太是豎琴高手

柳爺和柳太的IG頻頻上載她與女兒玩豎琴的片段,獲得一致讚好,柳太在聖誕節時用手搖鈴奏出聖誕歌,在網上更勁吸likes!柳太 的音樂底子厚,大學讀音樂系出身,識玩大量樂器,家有鋼琴、大豎琴、中豎琴、兩個BB豎琴、長笛、牧童笛、手搖鈴……柳爺都有彈結他及小結他Ukulele。「柳太仲有啲擺喺床下底,鋼片琴、木片琴等等,好多樂器。」

出世在音樂家庭,仔女有很多機會接觸樂器,在剛過去的農曆年,Bella便主動要求學鋼琴,Winston亦喜歡聽音樂,媽媽玩音樂會 望到眼擎擎。「太太以前有教琴,阿女見到本書仔好得意,就攞出嚟叫媽媽教佢彈。」

柳俊江
柳俊江
剛過去的農曆年,Bella主動提出學鋼琴,曾任鋼琴老師的媽咪當然最開心。

柳爺和柳太沒有刻意要栽培仔女在音樂上有成就,暫時當興趣玩玩就好,多試其他興趣後讓他們自由發展,柳爺說:「依家一路教一路睇先,都有信心嘅,太太可以教音樂,學術、語文上我都可以教到。」

發展興趣能調劑身心,做人不易行差踏錯,音樂更可治療情緒,柳爺指太太不開心時會收埋自己彈琴,懷孕時亦多彈琴作胎教,現在仔女的情緒的確較其他小朋友冷靜。「我唔夠膽講係咪真係有幫助,我都係觀察,但多個興趣去分散注意力都係好事。」

柳俊江
柳俊江
柳太購買了BB豎琴給囝囝玩。
柳俊江
柳俊江
柳太讀音樂系出身,是一名豎琴高手,經常在IG上載演奏片段,非常動聽。

性格決定命運

柳爺和柳太主張孩子開心學習,不太着重學術方面,故不會選擇傳統名校,反而着重孩子的人際關係、情緒管理、建立性格及價值觀方面,直到中學孩子摸清了方向才落工夫,他表示自己也是過來人。「我唔相信贏在起跑線,三歲定八十,我只相信性格決定命 運。我都係遲起步嘅人,中六七先開竅,上埋大學讀新聞系,有種鼓勵令我要做好自己,以前一直靠小聰明過骨,會考都係得15 分。」畢業後到TVB任職新聞部記者及主播,2010年辭任,輾轉做過NGO,至今創辦了廣告製作公司,由傳媒人變成廣告導演,他慶幸自己未遇上 太多波折,做每件事也盡了全力,對得起自己。

柳俊江
柳俊江
柳爺離開TVB後拍過一些網劇,現身幕前,但他坦言有自知之明,自己較適合幕後工作。「做artist都搵到食,但唔會有好好發展,我知自己手上揸住咩牌,好似文字工作、對世界有深入睇法、 訪問過好多人,腦裏有好多故事,同埋我一直有心做導演,亦有朋友喺廣告公司有project啱我做,自自然然就行咗呢條路。」

柳爺可以為孩子做的,是為他們累積資源讓他們選擇,而選擇權在他們手中。除了培養興趣,柳爺更為他們在財政上打好基礎,以應付將來的教育開支。身為今年「香港理財月」香港金融理財知識和能力策略大使的柳爺,打算將兩年的利是錢為Bella和Winston各自開戶,亦有買些基金幫助儲蓄,他認為儲蓄一定要有目標,否則中途會因其他枝節而提走款項,影響仔女將來的發展。

柳俊江
柳俊江
柳俊江擔任「香港理財月」的香港金融理財知識和能力策略大使。

爸爸影相叻

女士們都想另一半影相叻,幫自己和仔女影多啲靚相,柳爺就做得到,經常為妻兒拍下多幀唯美寫真,其他爸爸們可以參詳吓,氹吓家人開心!

柳俊江
柳俊江
柳俊江
柳俊江
柳俊江
柳俊江

延伸閱讀:

海外升學唔一定赴英澳美加 到馬泰同樣可讀國際學校

關注我們Facebook專頁
    相關新聞
      更多瀏覽