許志安操弗陪Sammi開騷:冇嬲我啦!
2019年07月11日20:30

「安心偷食」事件發生近三個月,男女主角許志安與黃心穎的命運各走極端,安仔勇於承認自己係壞咗嘅人,痛定思痛留港潛水懺悔,獲老婆Sammi大愛原諒重新接納,三個月後又一條好漢,繼早前與友人外出時公開表示與姣心穎斬纜冇聯絡﹐日前再約梁炳(梁漢文)練跑﹐心情大靚表現輕鬆的安仔,仲瞇晒眼笑談與Sammi已和好如初:「冇嬲我啦!」安仔浪子回頭,雖然要無限期停工自我維修, 但他依然唔敢偷懶忙住操弗,除了為陪Sammi開騷,也為自己錯後出山做好準備。與人又冇、工又冇埋,仲要著草美國的姣心穎相比,安仔正向承擔後果的表現,雖未至於獲所有人原諒,但起碼有Sammi力撐,二人共同攜手跨過難關﹐感情更勝從前。

編輯:Sunday Kiss|原文:東方新地|圖片來源:新傳媒圖片、鄭秀文Instagram許志安Instagram

許志安操弗陪Sammi開騷

許志安一生最大的成就,應該就是娶到Sammi鄭秀文,離合多次終於修成正果,今年4月卻爆出「安心偷食」事件,安仔令人徹底失望,但Sammi卻未有離棄他,而且很快便作出原諒的決定。安仔痛失今年9月開個唱的機會,但坦然接受懲罰,選擇以行動來彌補過失,當日在記者會上,安仔喊住承認自己所做的壞事,坦言自己像是冇靈魂、壞咗嘅人,需要時間去修補,此後安仔便一直深居簡出。

許志安
許志安
上周五(5日), 許志安由淺水灣出 發,駕車前往梁漢文位 於港島半山干德道的寓所,接梁炳外出跑步, 遇上本刊記者,滿臉鬚 根的梁炳表現得有點尷尬。

許志安
許志安

同框健身試水溫

過去三個月,許志安為找回被姣心穎勾走的靈魂,甚少步出家門,變得心歸。而Sammi亦忙於為7月的個唱做準備,每日練歌、排舞、健身及開會,精神與體力上都消耗甚大,安仔就成為她精神上的補充劑。知情者透露:「呢三個月,安仔大部分時間都留喺屋企守行為,一來佢唔知出到街會唔會畀人追住鬧,二來佢都要做好多嘢去令Sammi覺得佢有誠意修補關係,得把口冇用,行動最實際。Sammi每日出去排舞同健身,返到屋企都好夜,安仔都會叫工人準備好膳食,幫佢按摩舒緩吓,傾吓偈分擔壓力,等Sammi可以好好休息。之前安仔都會陪住Sammi出去練跑,出事後佢哋冇再一齊出街跑,最多都係去健身室。早前Sammi上載咗張有安仔倒影嘅相上社交網,就係想試吓外界嘅反應,睇吓大家仲會唔會好反感,明眼人都知Sammi真係好緊張安仔,佢想大家都接受返安仔,呢啲好老婆真係好難得。」Sammi清楚知道,她的粉絲都愛屋及烏,想安仔有翻身機會,關鍵就是她要完全原諒安仔。

許志安
許志安
因 「安心偷食」 事件而長時間閉關靜思己過的安仔,這日表現興奮全程笑唔停,有得曬太陽呼吸自由新鮮空氣,人都特別醒神。
許志安
許志安
安仔蓮子蓉的面口,告訴大家他正在自 我維修中,仲笑談偷食事件,積極面對自己所犯的錯。
許志安
許志安
這日安仔有好兄弟梁炳陪住跑,也就可以十萬個放心,現場所見,安仔為操弗焗汗,著住件風褸跑,爆汗跑全程。

準備個唱現身睇騷

Sammi於周五(12日)在紅館舉行13場個唱,安仔現身支持老婆絕對是理所當然的事,據知Sammi為幫安仔一把,已安排老公現身睇騷,準備好這個讓安仔再次面對大眾的下台階,Sammi用心良苦,藉個唱的感人氣氛,使安仔能獲外界原諒。安仔亦為出事後首次公開露面作好準備,近月Sammi為個唱食得健康,安仔亦婦唱夫隨,更在好友梁漢文陪同下,恢復外出練跑。

許志安
許志安
安仔先送梁炳返家,然後駕車返回與Sammi同住的淺水灣愛巢,之後未見再外出。
許志安
許志安
為個唱積極備戰的Sammi,早月已開始為練氣跑山,而安仔亦做跟得老公,陪住老婆練跑。

笑談與Sammi和好如初:「冇嬲我啦!」

不少Sammi與安仔的好友都紛紛自薦成為監察組成員,守護二人的婚姻,知情者說:「唔少圍內朋友都拍晒心口,話會睇實安仔,唔會再畀佢行差踏錯,叫Sammi可以安心做好佢個演唱會,梁炳同阿公(蘇永康)都話會輪流陪安仔出去做運動,等佢唔好成日匿埋喺屋企,有班好朋友睇住,Sammi都放心。」上周五(5日)許志安親自駕車前往梁炳位於半山的寓所,接梁炳外出一齊去跑步,這日安仔精神狀態甚佳,身形比之前還弗,落車後見到本刊記者笑得燦爛,完全雨過天青的樣子,對於偷食事件更不忌諱,他坦言工作仍然全部擱置,現時要做好自己先,問到Sammi仲有冇嬲?安仔安然笑答:「冇嬲我啦!」反而同行的梁炳表現得尷尷尬尬,記者問他如何支持好兄弟安仔,他說:「陪佢做吓運動,very good!」安仔與梁炳跑足個幾鐘依然面不改容,二人體能依然甚弗。

許志安
許志安
夫妻最緊要互相扶持,Sammi跑到尾段好吃力,安仔即放慢腳步做Sammi的扶手。
許志安
許志安
雖然大汗淋漓又披頭散髮,但Sammi與安仔依然笑對鏡頭,做運動果然會令人開心。

近年Sammi愛上做運動,愛上流汗的感覺,她覺得運動可舒緩壓力,而許志安亦不時陪住她出外練跑,早前本刊記者撞到二人駕車到半山寶雲道跑步,沿途有說有笑,狀甚恩愛溫馨,跑到尾段Sammi攰爆,還會輕輕搭住安仔借力,私底下的Sammi小鳥依人,溫情無限。安仔與Sammi,大難臨頭並冇選擇各自飛,Sammi希望以自身的感染力,減輕外界對安仔的批判與憎恨,不過最後還是要靠安仔自己努力,錯就要認,打就要企定,洗心革面是唯一的出路。

許志安
許志安
安仔與黃心穎的偷食事件令人震驚,安仔坦然接受懲罰自我沉澱,姣心穎的下場相對較慘烈,二人都為偷食付上很大的代價。
許志安
許志安
姣心穎成為「安心事件」中的大輸家,被無綫放棄後,男友馬明亦公開斬纜,把她降呢為朋友,著草美國返港無期,注定冇運行。

敗走金融界

相比起許志安,姣心穎就冇咁好運亦冇福份,出事後安仔與馬明都與她斬纜,無綫亦徹底放棄,身在美國的她被指罪有應得,既然返香港都唔會有運行,據知黃心穎家人已勸服她好好留在紐約發展,當年在英屬哥倫比亞大學金融與國際商業碩士畢業的她,有意轉型從事金融業,從此與香港娛樂圈講拜拜。命運各異,安仔守完行為可以笑住走出陰霾,全因他幾生修到,有個神老婆Sammi,冇人撐的黃心穎就冇得留低。

許志安
許志安
出事後安仔即開記者會坦白從寬,承認自己係壞咗嘅人,承諾會修理好自己。
許志安
許志安
自我修理近三個月,安仔首次與Sammi同框現身,被發現與Sammi一起去健身室,雖然只是一個鏡中倒影,卻是安仔見光的第一步。

紅繩箍安仔

為了記住錐心之痛,有指Sammi早前在左手手腕紋上紅繩,而這紅繩更有箍住另一半,保婚姻的效用。

許志安
許志安

許志安
許志安

Sammi的寬宏大量贏盡讚賞,現階段她把所有精神都花在個唱上,早前離開排舞室,見她右膝舊患戴上護膝,疑似過度操練受傷。

許志安
許志安

許志安
許志安

個唱倒數

十三場個唱舉行在即,Sammi在社交網表示壓力愈來愈大,非常期待又非常害怕,可見她對自己要求非常之高。

許志安
許志安

許志安
許志安

許志安
許志安
Sammi為個唱瘋狂排舞與練歌,早已進入忘我狀態,不時見她呻因為排練而感到疲累,更自認變態。

廣播神劇再現

Sammi近月除了忙於綵排個唱,更再次為三十年前的商台廣播劇《我們都是這樣長大的》錄音,當年她只有16歲,事隔多年重錄此劇,與男主角黃志淙及郭啟華再合作,Sammi表示心情難免感動又感觸。

許志安
許志安

許志安
許志安

黃心穎形象破產敗走美國,馬明亦終承認已分手: 「我只可以話我哋仲係朋友嚟嘅,總之唔係仇人,亦都唔介意日後一齊合作。」馬明開口幫盡,姣心穎都冇得留低,最新消息傳她將留在紐約轉行做金融。

許志安
許志安

延伸閱讀:

兒童便秘影響身高 | 中醫5式清便助增高

最快10分鐘搞掂 | 23款家常菜食譜合集

關注我們Facebook專頁
    相關新聞
      更多瀏覽