【專訪】鍾嘉欣新歌唱出濃濃母愛 透露等待好劇本:隨時Ready
2019年06月18日11:00

如看不到 請到Youku

婚後專注照顧一對仔女的鍾嘉欣最近推出親自創作的新歌《做你的晨曦》,唱出作為母親對仔女的愛。嘉欣更找來囡囡一同參與MV的拍攝,表示囡囡知道這是媽媽送給自己的歌:「佢成首都識唱。」

鍾嘉欣表示這首歌是在囡囡9個月大的時候寫的,當時她正在哄女兒睡覺:「我畀佢嘅純潔迷住,嗰一刻突然好感動,好想話畀囡囡知我係幾咁愛佢,無論將來發生咩事都好,媽媽仍然會用盡全力留喺呢個世上,用最長時間去愛佢。」談到女兒聽了這首歌的反應,嘉欣指囡囡由開始作一直都有參與過程:「佢有份拍MV,有份去聽我錄歌,所以佢聽咗好多次,佢好開心但都好怕醜地知道呢首係媽媽送畀佢嘅歌。」

講到新歌MV找來囡囡一同參與,嘉欣笑指囡囡知道拍攝是「返工」,說:「去到拍攝是導演好好,知道小朋友都唔係做到咩嘢,只係去捉佢所有最可愛最靚的時刻。」嘉欣又指MV情節很多都在日常生活中與女兒有做,因此拍出來感覺很自然。

嘉欣又大讚女兒有音樂天份,拍子和音都好準:「佢鍾意好多唔同嘅歌,佢鍾意小朋友歌,好似twinkle twinkle little star等,佢亦都鍾意媽媽嘅歌,佢最鍾意就係《最幸福的事》,《一顆不變的心》同埋呢首《做你的晨曦》。」嘉欣的大爆囡囡又特別喜歡美國歌手Ariana Grande。

至於很多粉絲都想念她,希望她再拍劇,問到她有沒有戲癮想拍劇,嘉欣說:「你話發夢都想拍,或者好想呢,就未去到呢個程度。但係當然自己係好Open,我個心好安靜,只係等待緊好嘅劇本或者好角色,我覺得觸動到我,感動到我嘅心的話,我就會去做。始終拍咗好多年戲,加埋今年都10幾年,所以唔會好似初入行咁激動,但有好劇本的話我自己係隨時Ready!」

關注我們Facebook專頁
    相關新聞
      更多瀏覽