張衛健與太太攜手走過破產危機 自爆當年結婚的遺憾
2019年06月12日21:00

要數圈內嘅「愛妻號」,張衛健可謂係數一數二。張衛健同太太張茜結婚至今已經15年,二人經歷過唔少風雨,包括兩度流產、破產危機、婚變傳聞等,但呢啲事出現反而令佢哋感情變得變好。最近,張衛健就上內地綜藝節目《熟悉的味道》,佢喺節目中提及,原來佢當年因一事而對太太張茜一直耿耿於懷,而對太太嘅感人告白更感動到唔少人!

撰文:Kammy|圖片:張衛健微博張茜

張衛健面破產危機幸得太太支持

現年54歲嘅張衛健自細就同媽媽及細佬相依為命,17歲就要出嚟做嘢養家。加入演藝圈後,角色由低做起,直到拍攝《巨人》、《我愛牙擦蘇》等戲集開始嶄露頭角,更因拍攝《西遊記》而一炮而紅,變得大紅大紫。不過,後來張衛健因投資失敗而瀕臨破產,當時張茜並冇諗住離棄對方,更義無反顧咁協助張衛健渡過難關。

張衛健
張衛健
張衛健當年因投資失敗而瀕臨破產,當時張茜更義無反顧咁協助佢渡過難關。

與張茜結婚留遺憾

張衛健同張茜喺2007年完婚,不過張衛健對婚事原來一直都心存遺憾。張衛健喺節目中透露,當年佢經濟狀況十分緊絀,張茜為咗唔增加佢嘅負擔,自行選擇喺網上買一件二手婚紗,令張衛健十分感動,更心諗:「這個女孩真好。」,認為張茜真係自己嘅真命天女。

不過,原來張衛健一直對此而耿耿於懷。為咗彌補當年嘅遺憾,佢就親自設計同縫製一套結婚頭紗,以及炮製愛心餐畀張茜。張衛健喺15年後為張茜戴上頭紗,又向對方告白:「我們不希冀激情澎湃,但求細水長流。」令太太感動爆喊。

張衛健
張衛健
張衛健喺15年後為張茜戴上頭紗,又向對方告白:「我們不希冀激情澎湃,但求細水長流。」

其後,二人好似回憶返當年結婚嘅情況咁,張衛健更同太太跳起舞嚟,張衛健更話:「我覺得我們應該可以算是一對老夫老妻,但還是可以一直在談戀愛的。」唔少網民見到呢個畫面,都不禁表示場面好溫馨,令人感動。

張衛健
張衛健

無懼分隔兩地

另外,張衛健同太太由拍拖,到婚後都經常分隔於香港和北京兩地,但反而令佢哋更信任彼此,更道出自己所悟出嘅婚姻之道:「每一個人的婚姻都有他自己的活法,這段距離磨練了我們,使我們其實更懂得婚姻的一些真諦。」張衛健又指,佢哋兩公婆每日都會通電話,而且唔會講大話,十分信任對方。

自爆曾結過3次婚

張衛健曾經喺教會分享會中表示,如果冇信仰嘅話,佢可能「比大鬧天宮時期嘅孫悟空失控」、「感情世界比韋小寶複雜混亂」,可能會變成一個不負責任嘅男人,佢更自爆曾結過3次婚,即刻引起全場哄動!其後佢就急忙補鑊話「3次都係同一個新娘」,仲指信仰令佢可以克服種種誘惑。

張衛健
張衛健
張衛健同太太張茜

延伸閱讀:

【媽媽唔易造】探討台灣人工受孕技術 試管嬰兒增加懷孕機率

【清熱解毒】金銀菜陳腎蜜棗瘦肉湯

張衛健解釋,同張茜第一次結婚已經係十幾年前嘅事,當時佢有住「偶像包袱」,唔想畀Fans洩密,所以就同張茜偷偷到南京註冊,秘密地舉行婚禮。

張衛健
張衛健
張衛健自爆同陋茜結過3次婚

第二次,張衛健因為自己係天主教徒,而想舉行天主教婚禮,剛好太太係菲律賓旅遊大使,就被邀請去當地聖奧古斯丁教堂舉行婚禮。點知婚禮前5日,佢哋被通知由於太太唔係天主教徒,而且未喺香港上婚前輔導課程,所以當地唔畀佢哋如期進行。

張衛健
張衛健

最終,當地都願意借出教堂,但唔可以提供神父。張衛健表示:「最後唔知邊個安排一個唔係神父嘅神父,做戲咁做,真係暈低!」

張衛健
張衛健

第三次,由於張衛健對菲律賓婚禮耿耿於懷,最終喺修女提議下,喺香港再次舉行婚禮,不過今次就只有自己、太太、媽媽、修女同執事,一共5個人喺教堂內完成。

張衛健
張衛健

延伸閱讀:

【媽媽唔易造】35歲後做高齡產婦 做足孕前風險檢查輕鬆懷孕!

關注我們Facebook專頁
    相關新聞
      更多瀏覽