陳凱琳輕鬆年吸千萬奶粉錢 囝囝腳頭好帶旺媽咪!
2019年06月01日17:55

半年間升呢做人妻兼人母的陳凱琳(Grace),寶貝仔喺肚入面已經腳頭好旺,由去年七月爆出婚訊,八月嫁鄭嘉穎到現時兒子鄭承悅三個多月大,鄭太陳凱琳就一直旺到今時今日,成為炙手可熱超人氣潮媽,深受時裝、美容、嬰兒用品客戶歡迎,廣告拍唔停,更成各大品牌活動搶手貨!

撰文:東方新地|圖片:東方新地

陳凱琳輕鬆年吸千萬奶粉錢

27歲的陳凱琳,上年八月同鄭嘉穎在峇里拉埋天窗,半年間榮升人妻兼人 母,寶貝仔鄭承悅(Rafael)今年二月十四日出世,趕及一家三口過甜蜜情人 節,不過,生完十三日,Grace 月都未坐滿已急不及待出關出席品牌活動,輕鬆賺幾十萬奶粉錢。

陳凱琳
陳凱琳

陳凱琳
陳凱琳
婚後首度一齊出席品牌活動,據悉兩公婆身價高達60萬。

據知情者透露:「 話晒年紀輕,Grace生完好快已經回氣,加 上有媽咪同奶奶幫手湊 B,佢唔會有太大壓力,要長期留喺屋企佢覺得好悶,所 以啲唔太困身嘅工作佢都會接,啱啱生完已經好多品牌爭住搵佢出活動想飲頭 啖湯,嗰次個客畀嘅價錢好高,就到時間又覺得身體適應到,佢先決定出關。」

上年九月二人應邀出席米蘭時裝周,收天價當度蜜月,又係紅人福利
生完 B又被品牌睇到實,未坐滿月 Grace已出關賺錢, 露腰裝還露出未退色的妊娠線,價錢唔吸引都請唔郁佢!

囝囝腳頭好帶旺媽咪

13年挾著港姐冠軍銜頭入行,Grace 極速被無綫力捧拍劇擔正,工作量一向 唔少,不過點紅都唔及近半年加多兩個人妻及人母身份咁爆旺,活動廣告長接長有。據知情者透露:「啲扮靚品牌,吸納嘅都係 OL客,所以形象健康同時代 女性就最受歡迎,呢期最吸客嘅係Ali(李佳芯)、Grace同香香,依家Grace拍 個廣告收成百萬,出活動閒閒哋收十幾廿萬,孖住老公收得仲貴,BB真係好旺佢,生完比做女嗰陣仲受歡迎!」

結婚已被傳有餡的陳凱琳, 反而因為咁更受關注,與同樣陀B的香香就成活動紅人,密食當三番輕鬆狂賺奶粉錢。
產前產後都 keep住靚冇走樣,近日 陳凱琳亦成為纖體美容公司代言人。

夫妻約法三章

同老公鄭嘉穎同是緊張父母,Grace 直言兩公婆會分工合作湊 B:「 佢掃風好叻,我就鍾意幫 BB 沖涼,我哋成日都會爭 B 湊,會話你抱咗20分鐘要輪到 我!」將家庭及兒子排首位,兩公婆亦約法三章,鄭嘉穎拒出埠工作,陳凱琳亦 延期復工拍劇。

嘉穎同Grace呢對新手父母,都好 享受湊 B樂趣, Grace坦言兩公婆 經常會爭B湊,每人限湊 20分鐘就要換人!

據知情者透露:「 唔少監製見Grace生完修身咁快,仲完全冇走 樣,都頻頻斟佢返出嚟拍劇,不過,自從做咗媽咪之後,Grace 心態唔同晒,雖 然佢一路都好有戲癮,但依家見少一陣 B B 佢都心掛掛,興趣暫時放埋一邊,寧 願賺快錢好過,拍劇遲一步再算!」

初為人母的 Grace自認係緊張阿媽,早前同老公帶剛滿三個月兒子外出,就搞足大半日帶備大袋 用品,仲要揀下 晝四點陽光唔猛烈嘅時間先出街,點知阿仔出街冇耐就瞓 著,令兩公婆啼笑皆非!

貴為港姐冠軍,又係形象健康媽咪,陳凱琳包攬大量時裝、扮靚品牌代言,連絲襪及奶樽產品都睇中佢!

對於成吸金最強潮媽,Grace接受本刊記者訪問時謙稱話冇賺咁多:「 依家都係湊 BB 最緊要,得閒先會出吓 Event,其實同老公都有共識,都唔會離開香 港做嘢住!(係咪好多監製搵你復出拍劇?)公司好體諒我,都知我啱啱生完,要花好多時間湊BB,好尊重我決定,叫我take careBB先,自己一路都好鍾 意演戲,將來一定會再喺呢方面發展!」

同鄭嘉穎結婚生B,令陳凱琳人氣急升,一年間成為各大品牌及活動搶手貨,成吸金最強潮媽!
產後火速生的Grace, 暫無意復出拍劇,上年拍罷的 《包青天再起風雲》,隨時成為她在 TVB的告別作。

延伸閱讀:

【烈火雄心】緊接《法證先鋒III》播出 盤點8套最想深宵重播的超級神劇

細女王麗嘉失戀派「肉照」 老尷王敏德遷怒老婆馬詩慧

關注我們Facebook專頁
    相關新聞
      更多瀏覽