【PTU機動部隊】張錦程與太太張延育有一女 早年曾患抑鬱症幸得藝人李健達解心結
2019年05月28日19:58

「黃Viu煲劇平台」播出新網劇《PTU機動部隊》,唔少人睇完都大讚有電影水準!由於該劇係中港合拍劇,故有唔少內地演員參與演出,但令觀眾更期待嘅係喺劇中見到好多久未於港劇露面嘅演員,飾演黑幫Panda嘅張錦程係其中一位,張錦程早年先後效力過無綫、亞視、有線,但近年北上發展,佢同前無綫靚女藝員張延婚後育有一女,雖然張錦程憑《餘罪》在內地爆紅,但原來他曾因壓力大而出現長時間的抑鬱,幸得一位藝人好友開解才走出陰霾。

撰文:東方新地 | 圖片:微博 、影片截圖、新傳媒圖片

張錦程《PTU機動部隊》演型爆黑幫大佬

中港合拍片《PTU機動部隊》除了由林峯、蔡卓妍、方中信三位主角主演,劇中其他陣容都好吸引,有譚耀文、吳岱融、張繼聰、林雪、溫碧霞、苑瓊丹、鍾淑慧、張錦程等好戲之人。

《PTU機動部隊》在「黃Viu煲劇平台」熱播,久未在港幕前現身嘅張錦程,在劇中飾演黑幫Panda,劇份頗重,同林峯、方中信、張繼聰有不少對手戲!

54歲的張錦程是香港演藝學院碩士,92年憑舞台劇《飛越愛河橋LUV》奪得第1屆香港舞台劇獎最佳男主角(喜劇/鬧劇),12年再憑《法吻》奪得第21屆香港舞台劇獎最佳男主角(悲劇/正劇),95年首次拍無綫劇集《刑事偵緝檔案II》,期間參演多齣劇集包括《寵物情緣》、《鑑證實錄》、《陀槍師姐》、《美味情緣》等,而張錦程90年代在《歡樂今宵》模仿羊嫂(祥嫂)扮到出晒位㖭!

《美味情緣》

2001年他拍完《美味情緣》後先後投身亞視和有線,之後仲簽過王晶,接拍過不少電影如《百年好合》、《生化壽屍》等,張錦程近年主力在內地拍劇,2015年他愛奇藝拍警匪網劇《餘罪》飾演反派傅國生,帶挈錦程在大陸知名度大升,所以張錦程的微博名字都有寫上「張錦程 – 傅國生微博」。

不過張錦程原來當時極受壓力,他曾經發長文表示:「由《餘罪》到今天,未想過在實體和網絡再次得到大家的支持,播出後突然大量地跟他們接觸,一下子對於我確實是一種壓力。不懂網、不懂發、不懂操作……也造成了我很大的困擾,甚至出現長時間的抑鬱,也不懂解決,幸好當時李健達開解了我,他說:『人生就是充滿著認識與不認識,沒有完全的完全,你也應做回簡單的你,單純的把你的愛好做好便是。』」他不可以輕視抑鬱症。

李健達(圖左)嘅代表作係《也許不易》!

當年有傳哥哥張國榮患上抑鬱症在2003年4月1日輕生,同樣曾患抑鬱症的張錦程感受甚深,故他在今年4月1日哥哥死忌當日在微博貼文懷念他,也勸大家唔好輕視抑鬱症。張錦程得到好友李健達的開解,走過抑鬱,而李健達還寫咗一首叫做《好朋友》的歌曲,邀請張錦程一起演唱及拍攝MV。

太太張延曾是無綫力捧藝人

在張錦程雖然忙拍劇,但他是顧家好男人,他早年接受ViuTV節目訪問透露,當年太太張延是無綫力捧的美女,短短一年半就接拍15個劇集,包括《生死訟》、《笑看風雲》和《刑事偵緝檔案》等大劇,二人於96年到上海拍攝《繞著神州走》而認識,數年後重逢及拍拖,04年結婚,至今已經結婚15年,女兒張耕夢(夢夢)都已經14歲,長得好標致似足靚媽咪!

之前無綫重拍經典劇集《刑事偵緝檔案》都見到張延演出!
現年49歲張延喺93年以華南理工學員身份到無綫實習兩年,憑甜美樣子一度受無綫力捧。

婚後育有一女

太太張延為了家庭及照顧女兒,一度淡出幕前,直至近年囡囡長大才一年拍一、兩套劇,張延甫返回國內發展,即憑電影《離婚了,就別來找我》提名金雞獎女配,幾年後再憑大陸劇《粉紅女郎》大大提升知名度。

早年張延喺微博分享一張張錦程一家同徐克合影,唔講唔知,原來徐克係夢夢嘅契爺。

張錦程仲話囡囡教佢打機玩「食雞」,只係佢冇興趣又冇天份。

延伸閱讀:

細女王麗嘉失戀派「肉照」 老尷王敏德遷怒老婆馬詩慧

【烈火雄心】緊接《法證先鋒III》播出 盤點8套最想深宵重播的超級神劇

關注我們Facebook專頁
    相關新聞
      更多瀏覽