鄭嘉穎有仔萬事足 甘為家庭推內地劇
2019年05月27日21:00

藝人鄭嘉穎同太太陳凱琳(Grace)嘅囝囝鄭承悦(Rafael)唔經唔覺已經三個幾月大,佢哋兩公婆一直都錫到個仔燶,早前更幫阿仔大搞百日宴,邀請多個圈中朋友出席,場面熱鬧。呢日,鄭嘉穎出席親子活動時就分享湊仔經,仲講笑終於可以「升呢」出席同親子有關嘅活動,仲話為咗囝囝推咗內地劇,真係有仔萬事足!

撰文:Kammy|圖片來源:鄭嘉穎Instagram陳凱琳Instagram

鄭嘉穎分享當爸爸後的心態轉變

鄭嘉穎出席親子活動時表示,自己終於有機會獲邀出席親子活動,以往都只係陳豪獲邀出席。鄭嘉穎表示結婚同做爸爸後,心態上都有所轉變,因為未結婚之前係自我中心,結婚後就以家庭為先,如今就連太太陳凱琳都退後啲,所有嘢都以小朋友為先。鄭嘉穎一直都好鐘意打網球,就連囝囝嘅英文名Rafael都係取自西班牙網球名將拉斐·拿度(Rafael Nadal Parera),被問到會唔會培養阿仔做亞洲網球王子,嘉穎就答:「係世界(網球王子)!睇吓佢將來鍾意咩啦。」

鄭嘉穎
鄭嘉穎
鄭嘉穎出席親子活動時表示,自己終於有機會獲邀出席親子活動,以往都只係陳豪獲邀出席

甘為囝囝推內地劇

鄭嘉穎笑稱,要多謝阿仔令佢有機會接到唔同類型嘅工作,現階段係全職湊仔,如果工作要離開香港太耐就唔會接住,因為怕離家太耐,囝囝會認唔到佢:「短程都可以,如果要離港3、4個月就真係太長,暫時唔諗,都推咗啲內地劇,自己都覺得好幸運依家有得揀,如果十年前就冇得揀。」佢續指,依家每日起身第一時間就會去睇下囝囝,仲話阿仔個樣每日都變緊。

鄭嘉穎
鄭嘉穎
鄭嘉穎笑稱,要多謝阿仔令佢有機會接到唔同類型嘅工作,現階段係全職湊仔

太太係最愛

鄭嘉穎被問到,太太Grace嘅地位降低咗有冇激嬲佢,佢就話唔會嬲,因為彼此都知道囝囝係最需要人照顧,如果將來再有第二個,佢仲有得退後,不過暫時未有計劃,要太太抖吓。鄭嘉穎直言:「太太始終都係最愛,因為仔女長大後會離開我哋,最後喺身邊嘅都係太太,所以太太先係最愛。」

鄭嘉穎
鄭嘉穎
鄭嘉穎直言,太太始終都係最愛

鄭嘉穎陳凱琳囝囝愈大愈靚仔

早前鄭嘉穎同太太陳凱琳嘅囝囝3個月大,二人更齊齊帶阿仔出街,享受天倫之樂。呢日,兩公婆為阿仔搞百日宴,仲上載多張囝囝嘅近照。相中見到,承悦好好肉哋,而睡眼仔好大,十分精靈可愛,絕對深得兩公婆嘅遺傳。

鄭嘉穎
鄭嘉穎
相中見到,承悦好好肉哋,而睡眼仔好大,十分精靈可愛,絕對深得兩公婆嘅遺傳

鄭嘉穎留言:「鄭承悦,爸爸媽媽為你改呢個名係希望俾你一個承諾,令你每一天都感受到愛同喜悅,祝你一百日生日快樂,We love you so much❤️」

鄭嘉穎
鄭嘉穎

鄭嘉穎
鄭嘉穎

胡杏兒催鄭嘉穎生女 將來對親家

當日胡杏兒一家三口都有份出席承悦嘅百宴。杏兒同嘉穎因為2011年拍攝劇集《怒火街頭》時結緣,杏兒喺網上以劇中角色「王思苦」催「Law霸」快啲生多個女:「Law霸恭喜你,娶到一個靚靚老婆又喜得麟兒,快啲再生個囡囡同我對親家!王思苦上」;而嘉穎都有即時回應,指佢同Grace會盡力而為!Grace亦留言表示,感謝杏兒出席兒子嘅百日宴:「多謝你一家大細參加BB嘅百日宴 You look so radiant as always!」

鄭嘉穎
鄭嘉穎

鄭嘉穎
鄭嘉穎

鄭嘉穎
鄭嘉穎

《鐵馬尋橋》好友齊到賀

出席百日宴嘅賓客仲包括劇集《鐵馬家族》成員唐詩詠﹑馬國明﹑黃嘉樂同其女友。唐詩詠喺社交網分享多張百日宴嘅相,佢表示:「我知我唔識抱 佢個樣應該係舒服啩?﹗買BB衫仔真係好難 買啱size又驚著得唔耐 買大少少就變成咁 但你又著得好靚仔喎 同我又好襯喎 我個心俾(畀)你融化左(咗)啦」之後又話:「Our BIG family 多左一個小人仔 💚承悦💚 #鐡馬家族 #rafa100days 。」

鄭嘉穎
鄭嘉穎

鄭嘉穎
鄭嘉穎

鄭嘉穎
鄭嘉穎

延伸閱讀:

44折起入手名牌減價家電 DYSON低至68折!盤點10大BB展必搶筍貨

【增強免疫力】羊肚菌合掌瓜紅蘿蔔豬骨湯

關注我們Facebook專頁
    相關新聞
      更多瀏覽