赤柱火辣真人騷!52歲林利擒摷大胸女友
2019年05月24日16:32

52歲林利人生上半場波折重重,不單遇過事業低潮,婚姻失 敗,甚至前年罹患直腸癌,人生吃盡苦頭,不過,雨後還是會有 陽光,去年成功抗癌的他,遇上遲來的春天,重遇相識廿年,珠 寶商富貴女粉絲Erin,兩人火速撻著發展忘年戀,5月初林利更求婚成功,搵到摯愛陪走人生下半場,如沐春風的他大叔回春,日前孖住年約35歲大胸女友Erin,到赤柱拍拖開餐,在餐廳打躉對足一日愈夜愈瘋狂,入夜後兩人走出餐廳,靠住欄杆望海 調情,面對年輕自己一大截的女友林利表現猴擒,從後擒實女友 不停進攻啜女友耳仔,搞到女友勁Hyper慾火高漲,順勢將女友 攬入懷纏綿激吻,將赤柱變慾火戰場!

撰文:東方新地 圖片:新傳媒圖片

林利割11cm腫瘤

遭遇坎坷的林利,17年底發現患上直腸癌第三期,上年1月進行手術割除 11cm腫瘤,幸好癌細胞未有擴散至淋巴,不用做電療及化療,休息三個月已 康復復工,簽約邵氏5年的他繼續拍劇,未有因病打沉意志,積極面對人生。據知情者透露:「林利信佛,對生死睇得好開好豁達,佢成日話挫折同痛 苦係上天畀佢嘅考驗,反而患病嗰時,令佢最唔放心嘅係媽媽,始終怕老人 家受唔住刺激,佢一路唔敢將患癌件事同阿媽講,都係臨入手術室先通知阿 媽,好彩林媽媽好堅強,而佢自己亦好樂觀,最後手術成功,捱過難關!」

後擒啜女

改變人生觀

去年抗癌成功,林利人生觀亦改變,以往為事業營營役役打拼,現時的 他,對名利不再戀棧,他坦言:「如果冇健康,賺多多錢都冇用!」康復後他定 期做身體檢查,生活非常有規律,每天早睡早起,多做運動養生。據知情者 透露:「佢每日5點就起床,去行山曬太陽,有時又會同媽咪一齊晨運散步做早操,行到7點就一齊食早餐,之後再去散步或者慢跑,每晚10點一定上床瞓 覺,大病之後,佢明白身體健康好重要,唔會再畀自己過分操勞!」

變連體嬰

林利將女友攬入懷中車輪咀激戰,將赤柱街頭變慾火戰場!

慾火繼續升溫,兩人扭作一團似足連體嬰。

林利飽受情傷

曾經有過一段失敗婚姻,16年更被拍拖六年失婚富婆女友羅秀芬玩失蹤狠撇,飽受情傷的他,更因此屈到病。據知情人士透露:「佢同失婚富婆 Serena(羅秀芬)一齊六年,嗰時兩個仲計劃緊結婚,點知突然有一日,女友玩 失蹤,後尾先喺朋友口中先知道女友識咗個年約70歲嘅醫生,仲結埋婚,件事對林利打擊好大,令佢對感情冇晒信心,成日唔開心收埋自己,搞到屈出 病都唔知!」

林利
林利
被擒摷至情緒高漲, 女友捉實林利隻手撒嬌!

林利
林利
對海纏綿激吻大戰一輪,林利再等女友食多支 煙,先拖實女友返回餐廳中場休息。

女友係粉絲

大抵上天還是眷顧林利,經歷過大病重拾健康,連感情亦有著落,入行 36年的他,89年曾到台灣發展,原來當時已緣定今生,拍拖半年的現任台灣 珠寶商女友Erin,早年便是他的粉絲。據知情者透露:「林利有段長時間去咗 台灣發展,Erin係佢粉絲,成日會參加佢嘅活動,仲一定坐喺第一排幫佢打氣,不過,當時佢哋完全冇聯絡,直至半年前偶然撞番,兩個人約咗出嚟飲嘢,嗰刻大家已經認 定對方,其實林利真係冇諗過,自己到咗咁嘅年 紀,又啱啱大病好番,上天可以畀佢遇到一個同 自己思想同興趣、生活模式都咁夾嘅人!佢以前 成日話想去台灣生活,點知就畀佢遇到一個台灣 女友,佢覺得冥冥中早有安排,令佢更加唔想錯過呢段感情,所以拍拖幾個月已經 向Erin求婚!」

林利
林利
不過,兩人返入餐廳坐咗一陣,又再燃起慾火,女友托腮望住林利一 會,已經熱情緊箍男友咀唔停。

林利
林利
咀完一輪,兩人繼續飲酒調情,紅酒白酒溝住飲!

咀到興起

雖然外表cool爆,但林利原來係浪漫大叔,月初趁女友來港到機場接機時,就 在機場大堂上演跪地求婚一幕,成功打動女友爆喊答應。啱啱求婚成功,兩人繼續 如膠似漆,被本刊拍得他們拖到實去赤柱拍拖放閃,似乎兩人都偏愛寧靜,選擇喺 餐廳打躉望海把酒談心享受浪漫,被小粉絲女友融化的林利,亦大叔回春,不停興致勃勃捉實女友玩Selfie ,雖然女友間中會坐開或行出餐廳吸煙,但兩人就好有默 契會各自睇手機或傾電話,畀大家有私人空間,不過隨著天色轉黑,兩人濃情亦愈 見狂野,幾杯落肚,林利陪女友到餐廳外吸煙,對住個海都慾火高漲,突然從後擒 實女友狂啜女友耳仔及在耳邊吹氣挑逗,令女友Hyper向佢不停撒嬌。

林利
林利
同細十幾歲的女友Erin 拍拖僅幾個月,不過52歲林利已被愛淹沒,大叔回春同女友不停玩Selfie ,又學女友嘟嘴童心返晒嚟!

齊返美孚寓所

兩人攬實纏 綿激咀一輪,林利成功降火後,再等女友食多支煙,兩人十指緊扣行返入餐廳,唔 知係咪畀男友搞到興起,坐低冇耐,女友已忍唔住再次慾火上升,一手箍實男友 頸,另一隻手捧住男友塊面熱吻,如入無人之境濃情完全化不開!在餐廳歎足七小 時,兩人埋單離開,企出路口等call車,坐Uber返回林利位於美孚寓所!有愛情滋潤的林利,大叔不再寂寞,連心境都年輕埋,人生再露曙光,實在可 喜!

在餐廳打躉7粒鐘, 林利同女友飲飽食醉到晚上 10時多才捨得離開,兩人企在路口等Uber。

兩人坐Uber 齊齊返回林利位於美孚的寓 所,一齊搭𨋢上樓。

陪過母親節

林利與胞弟及弟婦,早前為媽咪慶祝母親節,體貼的Erin來港陪伴在旁。周二(5月21日),林利在fb放出拖住 手戴戒指的女友手放閃。

求婚成功

五月初林利到機場接女友Erin機時,帶備戒指跪地向女友求婚, 成功贏得美人歸,林利在fb留言:「終於,柔情蜜意!」公布喜 訊獲唔少網民祝福!如沐春風的林利,早前同女友著上情侶鞋自拍!

08年回流簽邵氏5年

08年回流返TVB拍劇,林利在《學警狙擊》拍LaughingGor 演出,做黑幫大佬!抗癌成功的林利,去年簽約邵氏5年,亦有份參與劇集《鐵探》演出。

延伸閱讀:

9位女星水著照大比拼 巴打:想同鄭融瘋狂打友誼波!

【法證先鋒III】搵黎耀祥頂上做男一?歐陽震華親揭Tim Sir被飛之謎!

關注我們Facebook專頁
    相關新聞
      更多瀏覽