形象破產累無綫賠千萬 黃心穎禍及全城
2019年05月10日19:14

上月中爆出偷食人夫許志安的黃心穎,事業形象一鋪清袋,東窗事發後 僅在社交平台發文道歉未有蒲頭,更被踢爆遠走美國避鋒頭,安心逃美留 低爛攤子要無綫執手尾;由於形象破產,代言的廣告全部下架,廣告商向無 綫索償,由她孭飛的四套劇,當中兩套《法證先鋒4》及《牛下女高音》已決定 重拍,人力物力耗資龐大,累無綫損失超過千萬;無綫蝕入肉,無辜被牽連 的人更苦不堪言,兩套劇男主角黃浩然及張振朗更要重拍超過一半戲 份,兩人嬲到爆粗發洩,其他演員亦要隨即歸位,就連82歲King Sir(鍾景 輝)亦不能倖免,要復工重拍收山作,躺著中槍的還有被屈同姣心穎有路的 森美,搞到老婆及仔女深受困擾,累己累人一走了之的黃心穎,據知無綫已計劃向她追討損失,不過蘇州屎一籮籮,真係要賠幾多先夠?!

撰文:東方新地 圖片:新傳媒圖片、Instagram、TVB

延伸閱讀:

直擊39歲莊思敏孖台商遊山頂 為保戀情低調拍拖!

娛圈12位孝順子女逐個捉!其中一位仲拎過演藝界十大孝子大獎⋯

黃心穎形象破產 累無綫賠千萬

黃心穎姣勾人夫許志安,「安心偷食」爆煲一個累全家,除咗家人因 佢蒙羞,事件至今牽連愈來愈廣,一直潛水冇面見人的她,更轉折由澳 門飛菲律賓,再逃到美國洛杉磯,留低大堆爛攤子要無綫善後,近年備 受無綫力捧的她,連累公司損失慘重,為斬草除根絕不姑息,無綫將心 穎有份演出的劇集及節目全部抽起,若不重拍就變倉底貨。

《法證4》落實由湯洛雯頂替黃心穎角色,重拍戲份還包括一 個星期的台灣外景,不過之前演記者妹的黃心穎,穿梭劇中 大小場口,令監製梅小青要重整劇本再重拍,為該劇傷透腦 筋。

《 法證先鋒4》宣布重拍,劇中同黃心穎有感情線的黃浩 然,需重拍超過一半以上戲份,撞正暑假重拍,仲影響埋 陪家人時間,難怪有指他嬲到爆粗怒轟有人累街坊。

全面肅穎

首當其衝已經有兩個劇《法證先鋒4》及《牛下女高音》,以及黎諾懿 主持的特備節目宣布重拍,周一(5月6日)楊明就負責頂替心穎一集,捱 義氣飛馬來西亞幫黎諾懿補拍《懿想得到》,至於台慶重頭劇《法證先鋒 4》及原本定在明年一月播出的《牛下女高音》,已定在六至八月間重 拍,由於重拍製作龐大,保守估計無綫損失超過千萬。據知情者透 露:「心穎車廂激咀人夫許志安,畀全世界睇到晒,形象跌到谷底,仲激 起全城憤怒,無綫不得不審慎處理,為咗平息民間怒火,亦唔想再有任 何差池,決定將心穎徹底消失,解約係遲一步嘅事,當務之急先處理佢 孭飛嘅幾套劇,同埋啲廣告代言追討,但因為佢幾乎套套劇係女一,要 重拍都唔容易,其中《法證4》係台慶重頭劇,更同內地夾晒11月檔同步 播,為咗將損失減到最低,加上唔想浪費呢套大製作,開會通過決定搵 湯洛雯頂替重拍,《牛》劇無綫一樣唔想放棄,因為套劇搵咗好多老戲骨 好似King Sir同羅冠蘭演出,公司好睇重,依家監製黃偉聲,都計緊條數 畀無綫,搞到個個心力交瘁,真係畀佢累死!」

爭取時間陪老婆

下月便要歸位重拍的黃浩然, 近日爭取時間陪老婆。

3月底開心煞科

《法證先鋒4》在3月31日才正式煞科,本來一班演員仲開心慶功,點都諗唔到,因為黃心穎爆出偷食事件,累全劇面對嚴峻考驗。

監製嚇呆

《法證先鋒4》總監製梅小青,就坦然得知安心偷食事件即時嚇呆, 更表明藝人要顧及形象,明顯對心穎禍及全劇相當不滿。「我知道件事之後呆咗一呆,套劇已經做緊後期,咁辛苦拍好晒,去到做後期,套劇有好多特技CG,心諗有冇可能重拍,因為牽涉太多嘢,點知得到公司 咁大力支持畀我哋重拍,真係好多謝公司,我會向好方面諗!」

張振朗認真黑仔,除咗首次擔正男 一的《堅離地愛堅離地》 被抽起隨時變倉底,他擔演的《牛下女高音》,劇中同黃心穎最對手戲的 他,亦因要重拍大量戲份感到心血被毁躁 爆爆粗。

姣穎頻NG

無綫損失難以估計,其實一班演員更加心血盡毀,當中分別擔正兩 劇男主角的黃浩然及張振朗,就成為「安心事件」後遺最大受害人,兩人 分別在兩劇與心穎有最多對手戲,重拍的戲份超過一半,令二人為再投 入演出相當頭痛。據知情者透露:「浩然喺無綫咁多年,拍呢套劇可以話 係最辛苦一次,足足拍咗成半年時間先完成,佢同心穎有最多對手 戲,依家要重拍佢真係好慘,要重新培養情緒再入 戲,本來暑假佢已經plan咗同屋企人去玩,依家打亂晒 啲計劃!其實拍呢套劇,因為浩然係做化驗師,有好多專業台詞要熟背,小青姐要求又高,有時一拍就連踩廿 幾個鐘,體力透支好大,最慘係心穎啲戲好屎,成日累浩然NG,不過為咗拍好套劇,佢完全冇計較瞓身博到盡,點知依家要重拍咁大鑊,都驚自己演唔番之前水準,浩然出名好脾氣,知道都忍唔住爆晒粗!」

拍劇狂咀

《牛下女高音》一拍五個月,當中同黃心穎有感情線的張振朗,劇中兩人有唔少親密場口,當中一場咀戲兩人更錫得非常肉緊, 連take六take先完成,現在要換人再拍,張振朗要重新入戲,唔知呢啲飛來艷福算唔算另類補償。

雖然《牛》劇不用到外地取景,不過上 年拍攝時,每次出外景都非常大陣 仗,重拍肯定令無綫損失不少。

振朗黑仔王

黑仔王張振朗,更加被心穎拖累苦不堪言,除咗要重拍 《牛下女高音》,另一套原本五月播出的劇集《堅離地愛堅離 地》,首當其衝被抽起播映無期,令辛苦拍足一年時間先完 成兩套劇的他心情躁爆。據知情者透露:「阿朗第一次做男一 嘅《堅離地愛堅離地》被抽起佢已經打擊好大,接到《牛》劇要 重拍消息,佢都嬲到拍枱爆粗,話晒花咗好多心血真係好激 氣,佢啱啱先拍完劇集《極度怪咖》,本來可以抖一抖,依家去完日本旅行返嚟,已經要準備,劇組hold咗七、八兩個月 拍《牛》劇,變相佢接唔到其他工作,損失真係唔少!」

張振朗首次做男一的兩套劇,都被黃心穎 翹起,他更有感而發在IG留言,表示休息 是為了走更遠的路。

King Sir頂硬上

後生仔有氣有力都叫苦連天,何況本來拍完《牛》劇就退 休的82歲King Sir,之前吳岱融大爆為拍《牛》 劇,就算唔舒服King Sir都頂硬上完成,今次因 心穎所累要再次埋位,自然相當吃力。不過出名有專業精神的他,對重拍一事,回應本刊記者時謂:「呢套劇嘅劇本寫得幾得意,希望套劇可以播到,公司會安排嘞!佢哋話七月同八月拍,咁我唔使日日開工,希望唔好咁辛苦!最緊要係每日拍唔好太長時間,夜晚要有得休息!」

累82歲King Sir 收山作唔斷尾

除咗台慶重頭劇《法證先鋒4》,另一套宣布重拍的劇集《牛下女高音》,亦 因黃心穎要全班演員歸位重拍,就連82歲KingSiR( 鍾景輝),亦要復工再 拍收山作。

淪為倉底

有得重拍的《法證先鋒4》及《牛下女高音》可以重見天日,但被抽起停播的《堅離地愛堅離地》,以及原本安排是明年賀歲劇 的《丫鬟大聯盟》,就淪為倉底貨,龔嘉欣及湯洛雯亦無辜成倉底女一。

黎諾懿旅遊節目 搵楊明補飛

黎諾懿個人特備節目《懿想得到》,亦因搵咗黃心穎 做嘉賓而被波及,更要搵老友楊明捱義氣補飛重 拍。周一( 5月6日)兩人出發飛馬來西亞開工。

偷食累街坊的黃心穎,出事前剛在馬來西亞拍完《懿想得到》,還心晒出V字勝利手勢。

《 牛下女高音》搵來不少資深演員如鍾景 輝、羅冠蘭、吳岱融、歐瑞偉及蔣志光等參 與演出,而該劇監製黃偉聲之前就拍過唔少 經典作品如《戇夫成龍》、《學警》系列以及 《老表》系列,劇集令無綫相當看重。

人夫森美 被屈有路

無綫上下畀姣心穎搞亂,趟著中槍還有無端被屈有份上心穎屋企的森 美,連老婆仔女亦受影響,可算無妄之災。據知情者透露:「咪睇森美平時咁 鬼馬好玩得,佢出名係好好先生,好緊張屋企,無端被屈同心穎有路,呢件事 唔講得笑,最慘係連老婆仔女都被牽連,畀人指指點點,親戚朋友追問,森美 嫂向來好低調,因為呢件事好多人問係咪真,搞到森美嫂好困擾,囝囝喺英國 讀書影響冇咁大,但12歲細女返學聽到同學講都好唔開心,森美先出嚟澄清保 護家人!」

心痛家人受牽連

森美最心痛是事件無辜影響到老 婆及仔女,他更要為保護家人出 來澄清。

少有放閃

森美老婆一向非常低調,一直只做 森美背後女人照顧家庭,個人社交 平台,只有少量同女兒合照。

車同手機有定位

幸好,最終事件又傳出另一版本,指跟心穎上樓另有其人,森美亦因此鬆 一口氣。日前在電台工作完畢,他亦向本刊承認全家曾因事件受困擾:「頭嗰 幾日太太見到我諗緊嘢,都有問係咪因呢件事唔開心,對佢嚟講係困擾嘅!我 自問生活檢點,唔係做嘢就喺屋企,太太對我好信任,我都有同個女講,其他 人嘅說話唔使理,到傳媒講係另有其人,我亦再同個女講,唔係嘅,事情一定 會水落石出!」

森美同老婆結婚18年恩愛如昔,不過, 兩人極少晒出合照放閃,呢張可以話係珍品。

森美周一回應 本刊記者,坦言被 屈捲入偷食風波,老婆 因此感到困擾,女兒亦 有問起此事,幸好事件 終於水落石出令他鬆一口氣。

問森美如何給太太派定心丸,鬆一口氣的他亦回復搞笑本色:「好簡 單,你將銀行存摺,電話畀晒佢,我架車同手機有定位,佢隨時知我喺邊,如 果大家想另一半信任,不妨學吓!」不過當提及心穎一走了之累大家為佢收拾 殘局,森美不敢多言怕再惹禍上身:「佢自己選擇自己方式啦!我唔評論嘞!」 心穎偷食辣著火頭,身邊受傷受牽連嘅人不計其數,相信日後冇人再敢埋 佢身,見過鬼都怕黑啦!

森美表示每日除咗工作就是回家陪家人,坦言老婆 對他非常信任,日前他從電台收工,行路回家攞車 時似乎好多嘢諗,唔知係咪因被屈偷食影響心情。

森美同黃心穎有過唔少合作,除《學 是學非》,二人更一齊拍《森美旅行 團》,百毒不侵的森美,相信亦冇諗 過因黃心穎偷食連累被屈捲入風波。

代言下架

偷食令形象破產,黃心穎有份代言的廣告全部下架,上年同袁偉豪合拍的bauhaus廣告,其官方網站已將心穎拍的宣傳相下架,只剩低袁偉豪一人。

由她代言的隱形眼鏡廣告,網民就拍到有內地眼鏡 店自行用紙遮住心穎個樣, 避免惹起公憤影響產品銷 路。

Sammi重回正軌

安 心偷食事件發生大半個月,自言係一個壞咗嘅人的許志安,無限 期停工留家反省思過,老婆鄭秀文發文原諒老公後,亦火速重回正 軌為七月演唱會排練。

延伸閱讀:

【鐵探.結局劇透】袁偉豪同Bingo再相遇!半癱黃智賢「起身」火拼營長

關注我們Facebook專頁
    相關新聞
      更多瀏覽