娛圈12位孝順子女逐個捉!其中一位仲拎過演藝界十大孝子大獎⋯
2019年05月10日15:00

古語有云:「百行以孝為先。」不少人都覺得娛樂圈係一個大染缸,多是非,品流複雜,工作唔定時,做依行就等於「斷六親」,但其實圈中都有唔少出名孝順仔女,其中一位仲拎過演藝界十大孝子大獎,一齊睇吓係邊個啦!

原文:SundayKiss|圖片:新傳媒圖片| 編輯:東方新地

延伸閱讀:

形象破產累無綫賠千萬 黃心穎禍及全城

直擊39歲莊思敏孖台商遊山頂 為保戀情低調拍拖!

孝順子女逐個捉

1 袁偉豪 花生耳環氹媽媽

袁偉豪同屋企人感情要好,2016年佢憑《城寨英雄》段迎風喺台慶攞「最受歡迎電視男角色」,喺台上曾喊住多謝媽媽。袁偉豪說由於爸爸患癌,媽媽一直照顧爸爸好辛苦,付出咗好多,所以佢依家事業開始上軌道,希望自己可以成為屋企嘅經濟支柱,有咩都會義不容辭咁幫手。而佢35歲生日時,於微博發佈了幾張同媽媽合拍嘅童年照,感謝媽媽將佢帶到世上。袁偉豪樣子跟媽媽有八成相似,相片中,佢將花生當耳環,並留言:「我愛的媽媽把花生當耳環」。原來係為咗氹媽媽開心而戴上去,搞笑又孝順。

孝順
孝順
孝順
孝順

2 惠英紅親演腦退化母

惠英紅在其主演嘅2016年電影《幸運是我》中,所飾演嘅腦退化病人角色,原來正正係佢嘅母親。小紅姐工作雖繁重,但仍堅持與母同住。其母於五十多歲時患上腦退化症,可惜當時惠英紅懵然不知。直至七十多歲,一次跌傷後,惠英紅才發現母親病情嚴重,令佢非常內疚。所以她佢定出演此電影,希望以過來人身份令大家能夠關注腦退化症,給予患者多點關懷。

孝順
孝順

3 容祖兒 推job伺母

容祖兒與母親感情相當要好,係無人不知嘅事。祖兒父母喺佢15歲時離異,自始祖兒與母親及弟弟相依為命,向來非常照顧家人嘅佢至今一直與母親同住。向來是工作狂嘅,2014年中,因為容媽媽患重病,祖兒決定放慢工作腳步,推掉唔少工作,務求每天陪伴母親,令佢損失三千萬,但佢表示絕不心疼,家人大於一切。佢亦曾說母親獨力撫養佢,所以容媽媽係佢人生中最重要嘅人。

孝順
孝順

4 王祖藍 買樓贈阿媽

王祖藍近年北上發展,進帳不少,除咗花逾1.1億元購入大埔逸瓏灣II特色單位,又曾斥約3,700萬購入同屋苑另一個連花園低層特色單位予母親,希望可以住得近一啲,左鄰右里,能夠互相照應,又指努力工作都是為家人。

孝順
孝順

5 余詩曼 為母賀壽

5歲喪父嘅佘詩曼由母親獨力湊大三兄妹,出名孝順嘅佢雖然係大忙人,忙完拍劇又忙宣傳,不過絕對唔會忘記佘媽媽生日,年年都抽空親自揀選蛋糕同鮮花送給母親,2016年尾佘媽媽67歲生日,佢仲喺社交網站話如果自己要喺地球出世一千次,佢希望每一次都係佘媽媽做佢媽媽,大曬母女情!

孝順
孝順
孝順
孝順

6 馬國明 與父母同住

講孝順一定唔少得馬國明,馬明對上有兩個孖生家姐、身為家中獨子嘅馬國明,一向對父母非常孝順,更堅持唔搬出去,婚前婚後都要同屋企人住!前年馬國明花1,960萬做業主,換上大屋,都係想爸爸媽媽住得舒服,呢啲廿四孝乖仔去邊度搵呀?

孝順
孝順

年前馬明趁冇工開陪母親去太古城商場為新居添家具,頭戴cap帽的他左手攬住盒雨傘架,右手又拎住一大袋汽水,與母親邊行邊傾行返新居。

7 陳小春 照顧病母

陳小春曾被評選為「中國演藝界十大孝子」,佢母親多年前患肝癌,陳小春走遍各大城市,不論中醫定係西醫、大醫院定係小診所,希望打聽到醫治母親嘅方法。母親患病期間,陳小春一直陪伴在身旁悉心照料﹐最後陳母於2005年病逝,母親嘅去世令陳小春大受打擊,更令佢幾乎暫停所有演藝工作。

孝順
孝順

8 林保怡 拖父母行街

林保怡父母都已離世,曾有雜誌以孝順為題邀約林保怡做訪問,但卻被林保怡拒絕。林保怡認為為人子女理應孝順父母,毋須刻意著墨。又指媽媽生前,佢會拖住媽媽嘅手行街。過身後,佢拖住爸爸手,但佢爸爸最初不習慣,後來習慣咗,還會面上流露一份以佢為榮同驕傲嘅喜悅。林保怡對家人嘅愛,由佢口中表露無遺。

孝順
孝順

9 黃又南 為父還債

黃又南曾因為父還債,有六年每個月只得二千零蚊使,佢指父親患腦退化後,已經唔記得又南幫佢還過錢,但仍然認得出又南:「咁已經足夠嘞,經歷過咁多嘢之後,我發覺一家人坐埋一齊,好簡單,已經係好開心嘅事。我爸爸雖然腦退化,但行得、走得,身體健康,佢只係因為認知障礙,變到好似細路仔咁,我覺得其實佢開心咪得囉!」

孝順
孝順

10 陳法蓉 父女檔出遊

近年大部分時間北上拍戲嘅陳法蓉(Monica),非常重視家庭生活,不忘抽空陪伴83歲老父,除咗每年陪父親慶祝生日,有時間仲會兩父女一齊去旅行,認真孝順!

孝順
孝順

11·黎姿

娛樂圈美魔女無數,而黎姿(GiGi、現名馬黎珈而)絕對榜上有名,今年47歲的黎姿美貌依然!不過GiGi唔止靚,仲好孝順同顧家,原來佢趁上周末復活節連假,帶同三個囡囡及父母三代同堂去旅行聚天倫,真係好溫馨!

09年黎姿宣佈與富商馬廷強結婚,並於翌年誕下一對孖女馬家蔚及馬家鎂,之後再喺2012年誕下女兒Pegella。

已是三女之母的黎姿,除了要忙住湊女及照顧家庭,又要打理上市的美容生意,加上又要照顧父母及弟弟,但現年47歲的Gigi保養得宜,化上淡妝都依然咁靚!

12·吳廷燁

《鐵探》中飾演嘅幕後大佬營長嘅吳廷燁,演殺氣大佬非常矚目!然而,現實中嘅佢其實係個超級孝順仔!58歲吳廷燁甘為照顧93歲年邁母親, 放棄拍拖約女,由住開的半山豪宅搬返黃大仙狹窄公屋,還拒請工人,堅持一 日三餐以至家務日常都一腳踢,事事親力親為唔怕困身,就連同老死梁朝偉約會都冇時間,全力侍母!

吳廷燁
吳廷燁

吳廷燁
吳廷燁
參演《鐵探》好評如潮,日前吳廷燁就一身白馬王子 look, 為劇集宣傳。
吳廷燁
吳廷燁
出席完《鐵探》宣傳活動,吳廷燁匆忙趕返黃大仙公屋寓所陪母親。

吳廷燁
吳廷燁
為照顧阿媽,吳廷燁由昔日租住的半山豪宅,搬返黃大仙鳳德邨公屋,而每次出入他都刻意行後門兼戴口 罩,唔想畀街坊認到。

吳廷燁
吳廷燁

吳廷燁有感請工人唔及自己細心,寧願煮飯家務 一腳踢,買餸亦專揀啱老人家胃口及易咀嚼如豆 腐的食物,堪稱廿四孝好仔!

吳廷燁
吳廷燁

寧願唔請工人,照顧阿媽親力親為的吳廷燁,另一日就一個 人去街市買餸及添置日用品,孭住大個背囊又揪住一大袋嘢 返上樓。

延伸閱讀:

【鐵探.結局劇透】袁偉豪同Bingo再相遇!半癱黃智賢「起身」火拼營長

關注我們Facebook專頁
    相關新聞
      更多瀏覽