【鐵探】何佩珉捱足8年終成副武術指導 冷血狙擊手成功引人注目!
2019年05月08日17:51

TVB重頭劇《鐵探》進入尾聲,其中飾演江麗瑤嘅何佩珉(Mandy)於劇中搖身一變成為心狠手辣狙擊手,令觀眾眼前一亮!不過,原來Mandy並唔係新人,反而早於8年前已入行!

撰文:東方新地|圖片:何佩珉Instagram、影片截圖

延伸閱讀:

【容祖兒演唱會】宣布加開6場 為打擊黃牛黨不設售票處賣票|內附售票詳情

家傭因事急請辭回鄉 車婉婉憂兒子患分離焦慮症

何佩珉冷血狙擊手成功引人注目

話說《鐵探》早幾集就講到,與阿喱(林敬剛飾)為情侶關係嘅江麗瑤(何佩珉飾),由深情相愛對方嘅女友搖身一變成為心狠手辣狙擊手一幕,令唔少觀眾眼前一亮!

該集中,江麗瑤講到:「我開了三槍,都沒拿他的命,讓他害怕,讓他看著我,讓他在臨死前一刻記住,越南女人是會反抗的。直至第四槍,我對住佢心臟打落去,見到他死不瞑目的樣子,我真的很高興。」,呢句對白相信令觀眾相當心寒!

可惜,一心想為父母報仇嘅江麗瑤亦喺早前已被營長識破其計劃而最終被槍殺死亡。

入行捱足8年

正當大家對呢個角色刮目相看時,其實今年27歲嘅何佩珉(Mandy)原來係「功夫女王」楊盼盼徒弟!5歲開始習武,小學時更加入香港武術隊「跟操」,2011年因參加TVB武術選秀節目《功夫新星》奪得冠軍而入行!

如果大家仲記得之前套《荷里活有個大老千》,Mandy亦有份飾演其中一角!

入行8年,Mandy 前前後後都參與過唔少動作劇集嘅演出,有時佢仲會親自上場做「替身」以及兼任訓練動作特技人教官,務求學以致用於工作上!

之前Mandy接受傳媒訪問時表示,因《鐵探》關係,依家出街會多咗人認得自己,雖然只係記得「江麗瑤」一名,但已經覺得好開心。而且,Mandy仲話會以惠英紅為目標,皆因紅姐無論打戲定文戲都得,所以非常敬佩對方!

成副武術指導

據了解,Mandy現時正為TVB新劇《唐人街》首次擔任副武術指導,可見佢已成為一為能獨當一面嘅武師指日 可待!不過嫌虛嘅Mandy反指有壓力,除咗開劇前一、兩個月要訓練演員外,自己休息時間都冇,大呻試過連續4日完全冇得抖!

View this post on Instagram

Take up the challenge photo by @adrian.au.monochrome makeup by @hazel0302_makeup

A post shared by Mandy Ho* 何佩珉 (@puimanho) on Dec 12, 2018 at 8:04pm PST

View this post on Instagram

I have no special talent, I am only passionately curious.

A post shared by Mandy Ho* 何佩珉 (@puimanho) on Sep 19, 2018 at 8:15pm PDT

成為幸福人妻

唔講唔知,身材fit爆嘅Mandy原來已經喺今年3月正式成為人妻,但暫時就未有造人計劃,皆因認為依家係事業初起步,所以想過多幾年先諗生BB。

至於會唔會因而比較錫身,減少拍打戲,Mandy就坦言呢行皮外傷一定有,但同時行內人亦對女特技人特別好,而且做足安全措施,所以都唔怕咁話!

延伸閱讀:

【鐵探】劇透慎入!姦殺犯羅彪未死再現身 前受害者始終難逃一死?!

關注我們Facebook專頁
    相關新聞
      更多瀏覽