自爆拍劇遭老前輩「鹹豬手」姚樂怡嬲爆:Body Check呀?
2019年05月07日20:01

周家蔚和劉永健主持的ViuTV節目《友枱VIP》,最近邀到「七魔女」的文頌嫻(Annie)、姚樂怡、梁靖琪(Toby)及鍾麗淇(Margaret)做嘉賓,難得姊妹們到場支持,周家蔚特別炮製一頓韓式料理。席間話題講到有否被男藝人抽水,眾人都表示曾被「鹹豬手」,當中姚樂怡大爆當年在大台拍劇遭老前輩「鹹豬手」㖭!

撰文:東方新地 圖片:新傳媒圖片

延伸閱讀:

TVB、「黃Viu」以PTU為題劇集對撼 林峯回歸港劇即撼娘家!

【鐵探】好戲唔怕劇透 姜皓文:Bingo今晚大結局!

姚樂怡 自爆拍劇遭老前輩「鹹豬手」

幾位好姊妹齊齊下煮,梁靖琪透露鍾麗淇老公整薄餅非常好吃,Annie表示未曾嘗試過其手藝:「點解你(Margaret)唔話我知,我個女Jamie好鍾意食pizza!」文頌嫻先後在無綫和亞視拍劇,講到兩台文化有何不同時,文頌嫻指亞視許多監製和導演也是電影界紅人,演員拍劇都要遷就幕後製作人員檔期,相反TVB聘用較多新人,演員自主權相對較大。

「七魔女」談到有否被男藝人「抽水」,眾魔女坦言有類似經歷,其中姚樂怡更分享她擊退「鹹豬手」的招數,她說:「舊時拍劇有個老前輩傾偈嗰時,會有意無意咁摸身摸勢,我咪笑住同佢講:『唔好Body Check我啦老爺!』之後有場戲見到佢,佢又想摸我,我就再講:『你又Body Check啊?』佢呢次就知我話緊佢,以後唔敢亂嚟。」

姚樂怡 走性感路線

現年45歲的姚樂怡98年加入TVB,出道時憑34C豐滿上圍而受注目,被安排與梁雪湄、汪曉文(現名汪琳)、雷穎怡(現名雷晴雯)、梁佩盈、任港秀、翟佩雲和李慧萍(現名李思蓓)組成電波少女而為大眾認識。之後都拍過不少劇集,但都係做配角居多。

15年她為老公生下囡囡Gaibe,身材依然沒有走樣。

姚樂怡在2007年與佘詩曼、周家蔚、湯盈盈、梁靖琪、鍾麗淇和文頌嫻眾人從同事變成好姊妹,組成「七魔女」,常一起工作及玩樂,去年更一起拍攝長腿照紀念相識10周年。

幾個好姊妹再忙都好,依然抽時間為好姊妹慶祝生日,之前阿佘就試過幫郭少芸、周家蔚搞生日P,除咗借出豪宅作場地,阿佘同佘媽仲親自下廚,總共煮咗8味餸,又焗埋蛋糕,好過出餐廳食呀!

延伸閱讀:

【鐵探】劇透慎入!Bingo死前爆殺死洪永城終極真兇 幕後兇手一直潛藏眾人身邊!

關注我們Facebook專頁
    相關新聞
      更多瀏覽