【兄弟之爭】大仔出手打細佬 阮民安:期待兩兄弟打交
2019年05月06日12:51

現年38歲嘅E-Kids成員阮民安(Tommy)3月再次做爸爸,第一個要面對嘅問題唔再係換片、餵奶,而係哥哥阮治童嘅心情!同大多數家庭嘅情況相似,哥哥對依個剛出世嘅「小敵人」頗好奇,阮民安日前仲分享咗一段「哥哥出手打細佬」嘅影片,面對依個情況,阮民安完全唔怕,仲揚言「期待兩兄弟打交」㖭!

撰文:Kayla|圖片來源:Instagram

延伸閱讀:

44折起入手名牌減價家電 DYSON低至68折!盤點10大BB展必搶筍貨

【清熱止咳】魚翅瓜螺片雞腳湯

兄弟姊妹都係由吵吵鬧鬧中長大,阮民安對此深信不疑,所以日前就分享大仔治童出手打細佬嘅影片,阮民安不單冇阻止,仲留言話:「期待兩兄弟打交,然後我做評判的日子嚟臨。」

阮民安
阮民安

阮民安
阮民安

阮民安老婆就喺Instagram幫治童解釋,原來因為哥哥年紀仲細,可能本來只係想伸手摸摸細佬個頭,但就唔係太識控制力度,變咗好似出手打弟弟咁:「湊兩個的日常:就是要時刻提防治童對細佬的極速攻擊!一不留神就一掌巴細佬的頭😵…..或用頭去撞(有時候只是想摸摸&親親 可是太肉緊會控制不到力度🤦🏼‍♀️要不停提醒要細細力…)總結二娃生活:提防老大😂

阮民安
阮民安

阮民安
阮民安

陪老婆入產房

3月時喜獲麟兒嘅阮民安,接受傳媒訪問時表示,自己因為怕血,所以上一胎冇陪老婆入到產房,老婆上次經歷咗20幾個鐘先生到大仔,令佢覺得好內疚,所以第二胎就克服自己怕血嘅問題,陪老婆入產房生BB:「今次睇住成個過程,佢好辛苦,一度想放棄。」

阮民安
阮民安

阮民安仲話產房個護士認得佢,叫佢唱首歌氹老婆開心:「最後我都冇認真唱,只係不停咁分散佢注意力。」好彩第二胎都無驚無險,順順利利出世同爸爸媽媽見面,三年抱兩!

阮民安
阮民安

老婆Eva為原宿女神

阮民安同老婆拍拖兩年,並於2017年結婚,同年生咗大仔阮治童,不時見到Eva喺Facebook上分享同仔仔嘅合照,非常溫馨。原來阮民安老婆Eva大有來頭,有「原宿女神」之稱嘅Eva,原名張倚雯,身兼模特兒、設計師、DJ 等多重身份,工作不時都要穿梭日本、香港、中國內地,有「港版Kyary Pamyu Pamyu」之稱。

阮民安
阮民安

阮民安
阮民安

阮民安
阮民安

阮民安
阮民安

阮民安
阮民安

Eva平時除咗拍廣告,打碟都有一手,曾多次應邀為戶外Show做DJ,更曾接拍日劇《Ghostraight》、《天國…幽靈…不思議…》等,喺日本頗有名氣。

阮民安
阮民安

阮民安
阮民安

千呎豪宅曝光?

Eva喺日本發展得非常好,仲曾經接受過日本電視頻道NHK World節目《Kawaii International》嘅訪問,帶攝製團去屋企做貼身訪問,令阮民安嘅豪宅曝光!

阮民安
阮民安
阮民安同老婆住豪宅!
阮民安
阮民安
超大個泳池!

不過有網民話,其實阮民安一家係住喺酒店式公寓(Service Apartment)嘅底層,所以拍攝隊所拍到嘅超大泳池,其實係酒店設施之一。不過室雅何須大,只要一家有愛就得啦!

阮民安
阮民安

阮民安
阮民安

延伸閱讀:

【親子好去處】親子假日遊活動 玩轉新界12大農莊

關注我們Facebook專頁
    相關新聞
      更多瀏覽