TVB人工低兼職做保鑣!李嘉為崔始源護駕10分鐘袋$x,xxx
2019年05月03日10:49

現為TVB藝人及武術顧問嘅李嘉,自細開始習武,佢喺台慶劇《大帥哥》飾演張衛健好兄弟「冬來」一角成功入屋,之不過眾所周知大台人工低藝人收入有限,為咗生活好多時都要兼職或自己開舖增加收入。李嘉都唔例外,佢除咗開店、拳館,原來仲兼職做埋保鑣,日前佢被發現喺機場為韓星崔始源護駕開路,不過李嘉直言做保鑣時非必要唔會用武力!

撰文:東方新地|圖片:電視截圖、李嘉微博、新傳媒圖片

延伸閱讀:

林敬剛感激太太相伴追夢14年 入行25年棄鐵飯碗做茄哩啡

回顧52歲周海媚初出道罕見相 不老女神名不虛傳!

李嘉為崔始源做「明星保鑣」

唔講唔知,原來李嘉一直有做藝人以外的工作,包括保鑣及曾做過輔警,而佢亦曾經為荷里活巨星做保鑣。雖然功夫了得,但李嘉就表示:「盡可能不使用武力去解決問題,懂得臨場應對較為重要。」而早前崔始源來港,大會安排保鑣開路,李嘉被發現係保鑣之一!佢事後接受訪問表示早在十多年前做輔警時已跟這間保鑣公司合作,後來成為藝人也有客串做保鑣,只是大家不察覺而已。

李嘉
李嘉
近年不少韓星來港出席活動,品牌都會安排保鑣護駕,李嘉日前為崔始源護駕的保鑣,同場有多名外藉保鏢。

崔始源在機場現身前後不過15分鐘,到底做保鑣薪酬有幾多?李嘉拒絕透露,但直言隨時好搵過做藝員。據知,做明星保鑣的酬勞以時薪計算,但時薪最少也有一千元,而每次出動的最底要求為4小時,即係話李嘉當日為崔始源做保鑣約賺4千元,又真係好吸引。

李嘉
李嘉
李嘉又表示做保鑣時他的身分就是保鑣,而當日護送始源後有粉絲追住同佢合照,而李嘉也有叫fans待他完成工作後才合照。

抵港臨上車前,崔始源同fans自拍,保鑣李嘉也被攝入鏡!

做足19年配角近年捱出頭

今年35歲嘅李嘉唔講唔知原來已經入咗TVB 19年,不過多年嚟都只係做唔起眼嘅閒角,如賓客、侍應、大隻男等角色。

直至2010年,李嘉喺《巾幗梟雄之義海豪情》飾演日本人黑木少佐,李嘉終於有屬於自己嘅角色名!由於李嘉飾演一個日本軍人,有日文對白,當時更獲網民讚佢發音標準,可惜該角色早死,未能令佢有所發揮!

而直至近年嘅《城寨英雄》,李嘉飾演一位城寨惡霸馮夏滿,成功令大家對佢嘅印象再次加深!皆因劇中佢侵犯林穎彤飾演嘅鑫鑫,將猥瑣賤格演得入木三分,網民除大讚演技了得之外,拳拳到肉嘅真功夫更係打得出色!

李嘉憑表情交到戲

在《大帥哥》除咗主角張衛健好搶鏡外,飾演冬來嘅李嘉雖然極少對白,但就有好多觀眾激讚佢單靠表情已交到戲!

李嘉
李嘉
李嘉
李嘉

身型粗獷嘅李嘉喺劇中不但扮演一個唔多出聲嘅營長,加上可能要扮一個為人內斂嘅人,所以佢喺劇集對白唔多,但勝在怕醜表情交足戲,表現出單純天真嘅性格,其演出再次令人眼前一亮!

感激張衞健一路扶持及鼓勵

最近,李嘉擔任訪談節目嘉賓時,直言自己係位忠實粉絲:「我見到佢(張衛健)第一刻係嗰種粉絲見到偶像嘅興奮,又唔敢過去,又好想過去攬住佢嘅感覺,最後我都錫咗佢個頭一啖!」,完全係個小粉絲嘅行為,非常可愛!

李嘉變做小粉絲,靦腆一笑!

雖然係個小粉絲,但提到張衛健,李嘉就以前輩及大哥尊稱,非常有禮。同時,佢表示自己好欣賞對方會用心思鑽研劇本及帶動對手,亦認為對方好專業及好照顧台前幕後工作人員嘅情緒,皆因張衛健會嘗試營造一個開心嘅工作環境俾大家,例如喺廠設小食部免費供應小食及生果!

李嘉喺訪問中,亦不忙感謝張衛健喺拍劇嘅時間及於佛山時,大家互相扶持同鼓勵,令大家好似一家人!同時,李嘉更直呼有幸同張衛健合作拍劇:「我好幸福啊!」。

俄羅斯女友患腦瘤 「功夫狂人」李嘉接拍多部微電影為幫補醫藥費

「功夫狂人」李嘉早前返內地工作時,喺火車上邂逅俄羅斯女友Yana Kobza,二人好快就發展異地戀,李嘉間唔中都會飛去當地搵女友。

李嘉
李嘉

李嘉(後排左三)早前都有份拍劇集《大帥哥》

拍拖半年嘅李嘉最近飛到去女朋友家鄉見家長,一齊玩煮飯仔又玩射擊,睇落非常開心。

李嘉仲同女友家人自拍,相信喺TVB劇都未見過佢溫柔一面,呢張真係顯得好融洽啊!

甜蜜背後,原來都有苦澀故事。女友上個月不幸發現腦部有腫瘤,今個月就要接受手術。李嘉表示女友接受緊治療,而家唔知腫瘤係良性定惡性。好可惜係劇集《大帥哥》就快出街,宣傳期同做手術嘅日子撞晒,李嘉話一有時間就會飛過去。

除左拍劇同教功夫,原來李嘉都有經營飲食生意。不過為咗可以有多啲時間陪女友,李嘉已經辭去餐廳股東職務,再接拍幾部微電影希望可以幫補下醫藥費。

延伸閱讀:

張家輝認定太太只因對方一句話 相愛27年曾分開再復合!

關注我們Facebook專頁
    相關新聞
      更多瀏覽