宣佈離婚前被爆與大叔熱吻 27歲何艷娟與66歲澳博高層離婚
2019年05月02日18:36

現年27歲、2014年港姐季軍何艷娟(Katherine),喺去年7月同當時66歲嘅澳博營運總裁吳志誠入紙申請結婚,大家以為呢段相差40年嘅爺孫戀修成正果,但昨日何艷娟突然喺IG宣佈離婚,仲話喺和平氣氛下分開,兩人婚姻只係維持8個月。話晒吳志誠至少擁30億身家,唔少網民都關心何艷娟離婚後獲得多少贍養費!

撰文:東方新地 圖片:新傳媒圖片、何艷娟Instagram

延伸閱讀:

非常老師亞伯林 成YouTuber搞笑改歌教科學

【親子好去處】親子假日遊活動 玩轉新界12大農莊

何艷娟 8個月爺孫戀玩完

何艷娟昨日喺IG post咗一張文字圖,當中寫道:「在和平和友好的情況下,我們決定分開了。並說好了大家再見亦是好朋友,並且彼此多謝大家和互相祝福。」而她事後接受傳媒訪問,直認吳志誠離婚。

何艷娟
何艷娟
何艷娟有份參演無綫重頭劇集《深宮計》,演羅霖司珍房的女史,與同由女史變公主的劉心悠有唔少戲同場。

14年港姐季軍

來自北京的何艷娟,是港大法律系畢業生,14年當選港姐季軍的她,同屆冠軍是邵珮詩、亞軍王卓淇。參選亦令何艷娟人生改寫,14年以港姐季軍銜頭,出席澳博活動邂逅未來老公吳志誠,拍拖三年多爺孫戀開花結果。

何艷娟
何艷娟

低調交往3年 收千八萬訂情樓

何艷娟當選港姐後,和同屆港姐冠軍邵珮詩和亞軍王卓淇參與澳博的宴會而認識對方,吳志誠對何艷娟一見鍾情,男方展開熱烈的追求攻勢,送鑽石首飾作見面禮,好闊綽。而二人正式交往後何艷娟富貴逼人來,雖然在無綫只係藝員仔,平日出入有司機接載,身上名牌亦不少,深得澳博男友寵愛,早在16年何艷娟便以一千八百萬買入君臨天下一個單位,首度做業主已經係買豪宅,有指該豪宅正是未來老公吳志誠送贈的訂情禮物,而同吳志誠入紙登記註冊,兩人亦同報半山麥當勞道豪宅。

66歲吳志誠是賭王何鴻燊心腹,身為澳博營運總裁兼執行董事(右),在圈中人脈極廣。

餅印母陪拍拖

吳志誠身家豐厚,保守估計逾30億港元,回顧二人拍拖期間,何艷娟於IG出post從不會post她與老公的合照,而本刊去年就拍得何艷娟跟戴著口罩的吳志誠拍拖,何對女友呵護備至,何艷娟唔介意帶埋阿媽同行!

何艷娟
何艷娟

何艷娟同媽咪似足姊妹花,兩母女感情要好,拍拖行街何艷娟亦唔會顧住黐實未來老公,不時搭實媽咪行。

何艷娟
何艷娟

司機接出入

何艷娟雖然帶埋阿媽,同未來老公吳志誠拍拖行超市,不過,何母亦好識做,間中會企開啲,唔想妨礙女兒拍拖。同未來老公即使年齡相差40年,一樣冇代溝,全程黐實商量買啲乜,非常甜蜜。

何艷娟
何艷娟
識做企開

有商有量

何艷娟
何艷娟

搶住攞嘢

吳志誠對未來老婆非常體貼,見老婆攞住大袋物品,即刻搶住幫手攞,絕對唔使老婆操勞,何艷娟亦可輕鬆邊行邊飲嘢!

何艷娟
何艷娟

三人企埋一邊等司機,戴住口罩的吳志誠望住未來老婆,眼神充滿愛的火花。

何艷娟
何艷娟

買完嘢離開等司機,司機一到,吳志誠即一馬當先行去上車,何艷娟則陪住媽咪跟在身後。

何艷娟
何艷娟

何艷娟
何艷娟
低調拍拖三年多,去年26歲何艷娟同66歲澳博營運總裁男友入紙排期註冊結婚,二人同報地址更是吳志誠手持的半山麥當勞道寶樺臺豪宅。

5月紐約

演藝事業發展平平,何艷娟婚前婚後經常周遊列國,而且打扮亦富貴。

同身家「億億聲」的吳志誠拍拖後,何艷娟生活亦變富泰無憂,不時坐遊艇出海,又學畫畫。

婚後鮮有現身幕前

在熱爆處境劇《愛·回家之開心速遞》中,何艷娟有份演出「龍作蜜」一角,但就戲份不算多,但她嫁人後已鮮有現身幕前。

Katherine Ho 何艷娟(@katherine_hoyk)分享的貼文於PST 2018 年 2月 月 15 日 下午 5:55張貼

Katherine Ho 何艷娟(@katherine_hoyk)分享的貼文於PDT 2017 年 9月 月 16 日 下午 8:00張貼

離婚先兆 上月重返《愛‧回家》開工

但上月中她在社交網分享拍攝《愛‧回家之開心速遞》跟「龍家」家人合照,當時已有網民留言問龍作蜜是否回歸,原來是離婚的先兆。

延伸閱讀:

【親子好去處】港島區食玩好去處 木馬餐廳+超靚發光波波池

關注我們Facebook專頁
    相關新聞
      更多瀏覽