見足3個月 一星期將攻佔6日 今年TVB大勢小生原來係佢?!
2019年04月25日18:40

電視台變陣就不時發生,最近TVB亦因轟動全城嘅「安心偷食」而將有黃心穎嘅劇集全通通抽起,播放無期。不過正因如此,有意無意下造就以下呢位男藝人掘起之路,皆因下星期一起大家將會一連六日都會喺電視上見到佢嘅出現!

撰文:東方新地|圖片:Instagram、影片截圖、微博

延伸閱讀:

《鐵探》蔣祖曼自爆角色隱藏秘密身份 漂染26次狂甩頭髮!

捲入「安心偷食」三度澄清 森美 爆老婆子女受困擾

今年TVB大勢小生原來係佢?!

原本,由張振朗、龔嘉欣擔正嘅劇集《堅離地愛堅離地》會緊接《鐵探》播畢後出街,明明機會係屬於終於擔正嘅兩位男女主角,點知就偏偏爆出「安心偷食」一事,喺黃心穎一個累全家下,令《堅》需要立刻抽起!

好在大台都早有準備,雖將《堅》抽起,但就隨即以楊明首部擔正做男主角嘅《婚姻合伙人》作代替,決定於5月13日星期一播出!《婚》原定安排於上年7月首播,不過因節目調動關係被抽起改為《BB來了》搶先出街。

另外,近日《機動部隊2019》亦已安排於5月12日星期日播出,換句話即楊明暫時將會於5月開始一星期攻佔至少6日!同時,值得一提嘅係楊明即使未到下個月,大家都已經喺《鐵探》度見到佢嘅身影~

View this post on Instagram

機動部隊2019 #ptu #hongkongpolice

A post shared by 楊明 (@matyeung) on Apr 23, 2019 at 4:25pm PDT

日日都幾乎見到楊明,唔少網民都估佢會成為TVB大勢男。據知,楊明拍《機》時亦經歷唔少真實中機動部隊成員要經歷嘅事,例如親身體驗被胡椒噴霧勁噴嘅滋味!

其中,蔡思貝亦有份拍攝《機》,於訪問中坦言被噴胡椒噴霧:「好辛苦,真係毫無控制地流眼淚、流口水、流鼻涕,成個腦係麻痺,然後唞唔到氣、呼吸困難。」

延伸閱讀:

回顧71歲林子祥初出道罕見相 鬚根仔變鬍鬚伯伯!

關注我們Facebook專頁
    相關新聞
      更多瀏覽