69歲羅浩楷怪病纏身淡出娛圈 入行45年感嘆:出入被人歧視!
2019年04月21日11:20

TVB早前重播《法證先鋒,而劇中飾演司機、現年69歲嘅羅浩楷已入行45年,為TVB綠葉王之一,可惜近年絕少出現於螢幕前,皆因3年前患上怪病而被逼無奈息影!

撰文:東方新地|圖片:微博、劇照

延伸閱讀:

盤點2019年TVB6位力捧花旦 暗中力谷上位做女一!

【倚天屠龍記】被封「最美滅絕師太」 周海媚不婚不育:我血小板過低!

羅浩楷入行45年

現年69歲嘅羅浩楷,70年代參加電影公司訓練班入行,與資深好戲演員劉江為同屆訓練班出身,後來因獲得導演朱克賞識而引薦加入TVB。

羅浩楷係圈中著名嘅扮嘢王,曾於綜藝節目《歡樂今宵》為觀眾帶來唔少歡樂,擅於模仿唔同圈中藝人,但講到扮得最似嘅藝人就一定係呀Lam林子祥,皆因其神態 唱腔都似到十足!

擅長模仿嘅羅浩楷扮阿Lam林子祥最為神似!

由70年代起,羅浩楷於TVB拍攝超過百部電視劇集,演出經驗豐富。期間,佢除咗係一位演員外,仲係一位音樂老師及樂隊領班!而且,佢喺8、90年代亦有投資多間酒廊。

羅浩楷於多齣劇集飾演公公。

怪病纏身

可惜,2016年羅浩楷突然身染頑疾,曾於訪問中表示某日瞓醒起身突覺腰部及頸部出現問題,而隨後更慢慢演變成90度駝背,更嚴重到此失去自理能力!

出街要戴上頸箍,避免受到途人碰撞.

患病初期,羅浩楷需靠太太推輪椅出入及四出尋醫,面對突如其來嘅病佢亦精神飽受困擾,而會於外出時刻意拉低Cap帽及以手遮臉,更曾於訪問中透露:「患病期間坐的士出入也都慘遭白眼…」

由於羅浩楷當時因頸椎長期受壓而變彎曲,需要戴上頸箍以固定,加上行動不便,行路容易失平衡,故患病期間,其太太一直於身邊時刻照顧,不離不棄,名副其實患難見真情!

感激太太照顧

直至上年,羅浩楷表示自己已經可以唔使再戴上頸箍,但就唔可以企太耐。對於康復有大進度理想,羅浩楷笑指自己或許因太太的一次按摩而令他突然康復,但同時感激太太每日嘅貼身照料及為其適時按摩。

然而,身體狀況大不如前嘅羅浩楷最後一齣喺TVB拍嘅劇集已經係2015年嘅《東坡家事》,而2017年更與TVB結束合約後逐漸淡出娛樂圈!雖然佢嘅淡出會係影圈嘅一個損失,但仍希望羅浩楷早日痊癒!

羅浩楷於《法證先鋒》中飾演司機羅邦。(TVB截圖)
羅浩楷於《法證先鋒》中飾演司機羅邦。(TVB截圖)

延伸閱讀:

盤點12對圈中恩愛藝人夫妻 請不要放棄愛情!

關注我們Facebook專頁
    相關新聞
      更多瀏覽