媽媽最靚!鍾嘉欣胡杏兒聚會 星二代相見歡
2019年04月17日14:27

近年愈來愈多女藝人榮升媽媽,兩位無綫前當家花旦鍾嘉欣和胡杏兒,前者三年抱兩喜獲一個「好」,後者則準備生第二胎。鍾嘉欣和胡杏兒結婚後都減少在幕前演出,不過日前鍾嘉欣在Instagram上分享自己與胡杏兒聚會時的相片,見兩位女神都保養得宜,難怪有人說媽媽是世界最美的女人!

撰文:Kayla|圖片來源:Instagram

延伸閱讀:

【親子好去處】8大生日派對場地推介

【復活節活動2019】復活節6大放電親子好去處 掘蛋活動+嘉年華

鍾嘉欣在昨上分享與胡杏兒和合照,孩子們都有份出席!小Jared就坐在媽媽鍾嘉欣的大脾上,而Kelly就攬著媽媽的手臂露出甜美笑容;反之胡杏兒兒子Brendan就一如以往出現「天然呆」表情,可愛爆燈!

鍾嘉欣留言指自己移居溫哥華已有3年多,轉眼自己已是兩孩之母,而胡杏兒就生了Brendan和正在懷孕。她大讚胡杏兒是個勤於工作、堅強而且有愛的女性,令她感到非常自豪,並祝胡杏兒可以順利誕下BB,自己也非常期待可以跟BB見面。

鍾嘉欣和胡杏兒是無綫同期的當家花旦,二人沒有針峰相對的戲碼,反而感情要好,更加前後腳生B,榮升幸福媽媽。

鍾嘉欣抱仔慶祝35歲生日

幸福媽媽鍾嘉欣4月9日生日,她在Instagram上分享了兩張相片,一張是與7個月大仔仔Jared的合照,另一張則是Jared看著生日蛋糕的相片。

現時7個多月大的Jared,比之前看起來更加大個,眼仔碌碌,樣子比以前更像鍾嘉欣。

兩個月前的Jared,樣子看起來跟爸爸十足餅印。
戴上生日眼鏡的Jared非常可愛!

胡杏兒囝囝10個可愛瞬間

胡杏兒於2015年下嫁男友李乘德(Philip),其後誕下囝囝李奕霆(Brendan)。現時歲半嘅Brendan一直都好受歡迎,除咗有一眾契媽愛錫之外,一眾網民都成日話佢好乖、好可愛!依家就同大家細數Brendan十個可愛瞬間啦!

胡杏兒
胡杏兒

Brendan有一班「契媽sss」,包括「胡說八道會」的李施嬅、胡定欣、黃智雯、胡蓓蔚及姚子羚,佢哋好錫Brendan,仲成日畀Brendan嘅可愛樣電親添!

胡杏兒
胡杏兒
杏兒生咗Brendan之後,一班好姊妹就隨即榮升做契媽

Brendan十個可愛瞬間

1. 幫契媽們攞手袋

Philip同胡杏兒一直都教Brendan要學做個「Gentleman」,呢日Brendan仲毫不忌諱幫佢嘅契媽攞手袋。其後,佢爸爸更留言話,囝囝經常都嘗試盡力去做每件事,雖然係好攰,但阿仔已經做得好好!

胡杏兒
胡杏兒

Philip仲寫咗十二個「H」畀Brendan,分別係:快樂(Happy)、健康(Healthy)、英俊(Handsome)、坦誠(Honest)、謙遜(Humble)、渴望(Hungry)、幽默(Humorous)、勤勞(Hard working)、英勇(Heroic)、正直(Honourable)、樂於幫忙(Helpful)、真誠(Heartfelt)希望可以做囝囝嘅座右銘,陪住佢成長。

胡杏兒
胡杏兒

2.紫菜索吻

Brendan受佢嘅契媽們寵愛就係人都知,呢日胡定欣就成功用紫菜誘Brendan去錫佢,氹到一班契媽好開心!

胡定欣仲搞笑咁留言:「一睇就知契媽sss太DRY,要揾人錫下啦… 一睇就知Baby Lee你太鍾意食野,所以俾我地氹到啦🤪🤪🤪成功!~」

胡杏兒
胡杏兒

3. 同把遮一樣高

Brendan有次同爸爸一齊攞遮散步,相中見到Brendan攞住把同自己一樣高嘅紅色遮行路,畫面十分搞笑!Philip仲留言話,學點樣攞住把女性化嘅雨傘去散步係人生中重要嘅一課。

胡杏兒
胡杏兒

4. 準備做哥哥 心興奮

杏兒去年宣布懷有第二胎,當日以一張Brendan指住媽咪肚仔嘅相去公布消息,超温馨!

胡杏兒
胡杏兒

其後,杏兒一家三口一齊去渡假,期間更影咗一輯唯美孕照。相中見到Brendan好興奮咁望住媽咪食,睇嚟Brendan都好期待小生命降臨,佢第時一定係個好哥哥!

胡杏兒
胡杏兒

5. 幫爸爸處理公事

有次Philip上載咗張相,見到Brendan攞住枝筆,好投入咁「講電話」,成個大老闆咁!Philip仲留言話,由於公司最近好忙,所以攞嚟Brendan去幫手同客人傾計,仲讚囝囝做得好添!睇嚟Brendan大個之後會係一個出色嘅老闆。

之前Brendan都有同杏兒試過做接線生,睇嚟個時佢已經偷定師!

胡杏兒
胡杏兒

6.杏兒橫店開工 Brendan驚喜現身

胡杏兒正佗著第2胎時,仍然喺橫店拍攝新劇《末代廚娘》。直到劇集煞科,杏兒先有時間可以好好休息,家人更安排囝囝到橫店探班,畀驚喜杏兒。杏兒表示,Brendan第一次去橫店非常興奮,更興奮得一直在片場內跑嚟跑去,十分可愛!

胡杏兒
胡杏兒

7. 得意餵食豬

Brendan一歲生日嘅時候,杏兒準備咗兩個蛋糕畀囝囝,結果Brendan只係望住啲蛋糕,爸爸仲話:「已經放棄咗叫佢望鏡頭!」Brendan成個「餵食豬」咁超可愛!

胡杏兒
胡杏兒

8. 曳曳畀人鬧

爸爸Philip曾上載張Brendan畀人鬧完嘅相,Brendan 當時好沮喪咁瞓喺梳化上,個反應超搞笑!Philip更留言話:「哦…..曳曳俾人鬧😂Naughty boy got told off😂」

胡杏兒
胡杏兒

9. 精通4種語言

早前一班「契媽sss」一起去探望Brendan,正所謂「三個女人一個墟」,「胡說八道會」嘅六位美人你一言我一語,把當時只有10個月大嘅Brendan「頭都痕埋」。

胡杏兒
胡杏兒

胡杏兒
胡杏兒

事緣三位契媽為小Brendan講故事時,竟然用咗三種唔同嘅語言,姚子羚嘅普通話、胡蓓蔚教上海話,李施嬅講英文,加上媽媽胡杏兒嘅廣東話,係名符其實嘅「兩文四語」!

10.眼訓擺萌樣

唔少小朋友眼瞓嘅時候都會擺唔同嘅表情,而Brendan都同樣擺出個萌樣,處於想瞓同唔想瞓之間,杏兒更話:「BB你的表情很能代表媽媽現在的心情,唉,現在要振作去拍戲了!!💪🏻😑😑😑」

胡杏兒
胡杏兒

延伸閱讀:

【4月1日開始】家長們要知 自願醫保計劃2019懶人包

關注我們Facebook專頁
    相關新聞
      更多瀏覽