許志安MV歌詞句句夭中馬明 18年前已預言偷食心穎?!
2019年04月17日13:20

「安心偷食」事件轟動全城,而昨晚當時人之一的許志安亦開記者會鞠躬道歉。雖然未知大家對其公開道歉有何感覺,但有網民就搵出當年馬國明為安仔拍攝的MV《昨遲人》,更不禁慨嘆歌詞對馬明來說簡直是夭心夭肺!

撰文:東方新地|圖片: 影片截圖

延伸閱讀:

【安心偷食】黃心穎偷食後首度回應:對唔住馬明

【安心偷食】好友黃心穎偷食人夫!同屆港姐冠軍張名雅寸爆:做人老婆咪話唔驚

許志安MV歌詞句句夭中馬明

昨日,與馬明拍拖近兩年的黃心穎與許志安出軌片段曝光,令全城嘩然!然而,片中男主角安仔其實與馬明早已認識,而且更是明星足球隊成員。

事件爆出後,有網民隨即搵出當時馬國明於2001年為安仔拍攝的MV《昨遲人》,歌曲講述一段錯過的愛情,當中的歌詞如「誰與你竟早潛逃 終於徒勞」、「這戀愛的旅途 我想要得到卻未拾到」、「昨日像得到 遲來無去路 給你與某人在長夜共抱」及「今天我一個人 再一次失去愛神護蔭 今天他當天你如何殘忍」,句句都猶如夭中馬明心肺!

不單止以上歌詞,甚至連歌曲的最後一句「我會祝福你安好 快樂投入那些懷抱」,亦仿如為馬明度身訂造!加上,由於馬明於MV中扮演傷殘人士,有鏡頭更是安仔上前拍馬明膊頭給安慰,認真相當應景!

相隔18年,未知馬明睇番個MV,會有咩感受呢?

許志安、黃心穎偷食斷正

昨日,一段長約16分鐘「安心偷食」短片流出,片段中安仔、心穎和男友人坐在車廂後座,男友人堅持先送心穎返家,戴了黑色口罩的心穎爆粗反對:「唔好扮嘢啦!X你!兜X咗我先?」安仔都撐心穎話要先送男友人返屋企,心穎再向男友人爆粗:「你住邊呀?X你!佢(安仔)送我返去呀!」安仔叫司機把車開去大坑,期間心穎曾主動蹺實安仔左臂挨在他身上,又用手袋遮掩偷偷地十指緊扣。約3分鐘後男友人抵家預備落車,安仔話:「而家你走先,跟住我返我屋企,佢(心穎)返佢屋企。」男友人:「你講堅?」安仔:「係,堅!」但男友人落車後二人跟司機說:「鯉魚門(心穎寓所地點)!」

黃心穎
黃心穎
根據黃心穎、許志安在片中的衣著打扮,相信出事短片是4月3日二人出應朋友的飯局之後!
黃心穎
黃心穎
黃心穎又靚又好身材,入行後緋聞不斷,如今仲偷食鄭秀文老公許志安,相信星途凍過水!

友人下車後,心穎隔口罩咀了安仔一啖,不久索性除下口罩攬住安仔咀嘴,安仔將手貼在心穎大腿上,之後又忍唔住十指緊扣心穎,由大坑到鯉魚門短短10多分鐘車程,期間二人連環咀逾20次,心穎好進激,全程採取「主動」情挑安仔不停攬他狂錫,但安仔也有回敬心穎錫她面珠一啖,睇番二人當晚未覺有醉意,兩人到心穎香閨後齊齊落車,後事如何佢哋最清楚!

黃心穎
黃心穎
黃心穎曾在IG上載跟安仔、方力申、劉浩龍、梁漢文、丁子高等出席男友人生日飯局的照片,二人的打扮跟車廂偷食的衣服一模一樣。
黃心穎
黃心穎
報道指黃心穎同安仔近月行得好埋,連朋友都聞到陣除!

去年10月,心穎同安仔在大台「星光熠熠耀保良」拖手合唱《會過去的》,就是由安仔身邊的男同事安排。當晚,心穎跟安仔合唱後,亦有在IG上載合照,心穎在IG寫:「好記得某年暑假、車上不停loop住《一步一生》呢首歌,當時我點都唔會估到十幾年後會有機會同安仔在台上合唱。世事真係好微妙。仲係人生第一次踏上紅館的舞台!Thank you 安仔好好咁不停同我地rehearse。」

黃心穎與許志安於2018年10月為籌款節目《星光熠熠耀保良》合唱,二人在台上手拖手獻唱合唱歌曲「會過去的」,當時已經默契十足,不時情深對望。

黃心穎
黃心穎
黃心穎都有Follow安仔IG!

心穎更不時於安仔IG留言,言詞表現曖昧!

許志安為「安心偷食」事件 爆喊鞠躬道歉

晚上七點,許志安舉行記招交代偷食事件,於黃柏高陪同下現身,全黑打扮嘅安仔向大家道歉鞠躬,坐低即爆喊話:「親口同大家講對唔住,為我家人,Sammi家人、同朋友道歉,自己做咗不被原諒嘅事,呢個錯我深深反思,我係醜惡嘅人,今日係承擔責任。我嗰晚飲咗好多酒,但呢個唔係藉口,好難面對接受自己。」

許志安
許志安

許志安
許志安

安仔續說:「我覺得自己好丟臉,我嘔心、好陌生,我有深刻既反思自己,點解去犯呢個錯誤點解唔可以控制自己犯呢個錯,起咗呢個色心。我覺得係承擔責任度,我會分兩個部分,第一個部分,我會暫停自己工作,直至搵番真正嘅自己。第二係心靈上面,我覺得自己不知所謂,我嘅行為令身邊人咁大壓力同痛苦。」

安仔表示自己做咗「不可離補、不被原諒嘅事」,將會暫停演藝工作,以重新檢視自己嘅安仔再續指:「希望將來一些被我整傷的人,呢個報道令我反思,我迷失咗我自己,我對唔住Sammi,我唔知點去走我以後嘅路,呢一刻係冇咗靈魂,我係一個壞咗嘅人,希望大家可以畀時間我搵番我自己,我要同所有朋友講對唔住」,之後鞠躬5秒後離場,並未有回應在場傳媒提問!

延伸閱讀:

許志安 鄭秀文 感情路屢遇考驗 愛情長跑28年難敵小三!

關注我們Facebook專頁
    相關新聞
      更多瀏覽