【香港電影金像獎2019】黃秋生演活半癱病人 再奪影帝寶座
2019年04月14日22:19

今日就係第38屆香港電影金像獎頒獎典禮,每年獎典禮都引嚟觀眾嘅熱烈討論,到底各大獎項花落誰家。今屆嘅「最佳男主角」就由黃秋生憑電影《淪落人》梁昌榮一角奪得,真係恭喜晒!

撰文:Kammy|圖片來源:Facebook,節目截圖

延伸閱讀:

【親子好去處】九龍灣MegeBox限時活動 扮消防員救火 消費換試玩券

【不斷更新】2020/21 直資私立小一入學資訊一覽

黃秋生演活半癱病人 再奪影帝寶座

現年57歲嘅黃秋生,喺首位集影帝、視帝同劇帝於一身嘅香港演員。黃秋生去年以零片酬接拍《淪落人》,戲中飾演半癱病人梁昌榮,帶出與外傭之間嘅主僕情懷,成功為佢再帶嚟「最佳男主角」獎項。

黃秋生今次係繼《八仙飯店之人肉叉燒包》(1993)及《野獸刑警》(1998)後,第三度稱帝。

感謝媽媽生前的教導

黃秋生喺致詞時,除咗多謝導演陳小娟,同監製之外,仲特別多謝太太接受佢「成日失蹤」,更加多謝媽媽「喺佢生命最後時教我,生命係好短促,但唔開心就笨!」

感受媽媽當年的痛苦

黃秋生曾接受訪問時表示,戲中角色是下身癱瘓,需坐輪椅,係從影以嚟難度最高。佢更透露,喺揣摩角色時,就諗起自己媽媽生前都係坐輪椅,搞到肌肉萎縮,要工人照顧,所以好快就可以投入到當時人嘅感受,更係感受到媽媽當時嘅痛苦。不過,秋生亦曾表示,遺憾係媽媽睇唔到自己攞獎。

黃秋生曾出軌 只因同太太多衝突

黃秋生同老婆吳惠貞結婚26年,生咗兩個仔,但夫妻長期處於分居狀態。今年6月,秋生被爆有一私生子,而且已經20歲,事後不單直接承認,更透露太太一早知情!早前秋生接受車淑梅訪問,喺訪問中,秋生承認當年出軌,係因為嗰幾年成日同老婆常嗌交,自己又「病到七彩」(患上甲狀線疾病),咁身邊啱出現「一個非常非常好的女人」,所以就令佢行歪咗。

黃秋生
黃秋生

與外遇誕下私生子

點知期後同外遇「搞出人命」,生咗私生子William。有一日,外遇忽然抱埋個仔出現,話要畀番個仔佢,點知相隔一陣又話要抱番個仔走,仲打爆秋生副眼鏡。因為呢件事,秋生知道冇辦法瞞落去,於是便一手一抱住細仔,一手抱住私生子,返屋企同老婆吳惠貞攤牌。

簽好離婚協議書

其實當時太太已經忍咗好多年,一度想要分開,秋生當時甚至連離婚協議書都簽好咗,不過因為太太見幾個小朋友當時仲好細,所以最終都選擇再次包容,而嗰份離婚協議書,而家仲鎖喺秋生個夾萬入面。

夫妻最重要有偈傾!

隨住當年做嘅錯事曝光,秋生諗留轉頭,覺得自己當年做得最啱嘅事,就係「冇離婚」,但係太太成日嚇佢,話:「你簽咗名,我哋離咗婚!」雖然兩夫妻依然分開居住,但係夫妻間感情仍然好好,秋生話而家同太太已經昇華成另一種感情:「大家感情好似朋友咁,咩都可以傾,夫妻一齊,最重要係有偈傾!」

父子二人不時相約團聚

據知,秋生與William一直都有保持聯絡,父子二人雖相隔兩地,但William亦會抽空來港跟父親見面,至於秋生亦有每月畀錢供書教學給正讀大學的William。

由於事件與秋生的成長非常相似,為免重蹈生父故事,他斷言指自己更加需要認回William,免得自己的故事再次發生於兒子身上。

當秋生被問及有沒有後悔過當年所做一切,他則回應傳媒表示冇後悔!

黃秋生父親 拋妻棄子

黃秋生原名叫Anthony Perry,曾表示其父親是英殖時代香港高級公務員Frederick William Perry,在港認識自己母親,但因父親在英國早有家室,在秋生4歲時,父親拋妻棄子,離開了家庭,秋生隨母姓,所以叫黃秋生。

黃秋生童年生活淒苦

秋生曾表示自己是個私生子,童年時十分淒苦,生活顛沛流離,母親當女傭,含辛茹苦養大自己。秋生雖對父親有怨,但隨人長大後,始終都渴望尋回失聯多年的生父。

黃秋生搵番父異母兄弟

皇天不負有心人,BBC指已經幫秋生搵到同父異母的兄弟John及David。現年74歲的John稱,當時知道呢個新聞時,佢同David都喺遊輪上,剛巧睇到BBC呢個報道,因認得出相中人就係佢哋爸爸,才知秋生的存在!

事隔多年後,兄弟們皆已各組家庭,難得哥哥到港,當然要合照留念。

親生兄弟多年後團聚

據了解,John及David現時喺澳洲定居,可惜爸爸於1988年離世,爸爸一直未有透露自己有另一個家庭,所以兩兄弟對秋生的存在一無所知。但點都好,而家可以見得番自己親生兄弟,實在係難能可貴!太感人喇!

對於呢次與兩位哥哥團聚,黃秋生直言係「Amazing(神奇)、Impossible(不可能)、奇蹟(Miracle)」,之後秋生送兩位哥哥搭飛機離開香港,臨別依依,始終要揮手送別,但相信係不久的將來,大家一定會有團聚再會時!

延伸閱讀:

【親子好去處】荃灣多元化親子餐廳 親子小廚神Workshop+互動裝置訂製個人化薄餅

關注我們Facebook專頁
    相關新聞
      更多瀏覽