生三個冇偏心 直擊張栢芝帶隊親子考察
2019年04月13日16:25

現年38歲的張栢芝,11年同謝霆鋒離婚後,視兩個寶貝仔 Lucas(謝振軒)和Quintus(謝振南)如同命根,帶住兩子生活先 後住過加拿大及新加坡,最後選擇回流香港作基地,一家三口樂 享天倫,去年11月,栢芝神秘產第三胎,兒子生父成謎,小兒子 更隨她姓張,改名禮承(Marcus),家裡再添新成員,難免會顧 此失彼,但一母當關,栢芝落力湊仔未有忽略任何一個寶貝, 對大仔二仔照顧依舊緊張周到,日前Quintus學校舉行親子活 動,栢芝落場陪同兒子參加戶外考察,湊仔親力親為, 廿四孝媽 咪絕不偏心!

撰文:東方新地 圖片:新傳媒圖片

延伸閱讀:

李偉健感激事業低潮有老婆陪伴 入行10年 憑Terry一角終發圍!

家明表哥原來係佢?袁文傑現身《卡拉屋企》做大茄

張栢芝第三胎「小王子」 出世紙冇父親名

上年11月張栢芝秘密在養和產第三胎「小王子」,坐完月才透過社 交網公布喜訊,雖然兒子生父是誰傳出多個版本,有指是年長新加坡富 商,又傳出是江湖猛人、內地富豪,不過栢芝統統冇回應,只專心湊 仔,有關孻仔一切非常保密,不過1月底兒子出世紙被曝光,栢芝被揭 未有在出世紙親生父親一欄填上任何名字,「小王子」原來隨她姓張,改名張禮承。 雖然要湊多個,但栢芝繼續做緊張媽媽,未有因為孻仔孻心肝而偏 心,對同霆鋒所生的兩個仔Lucas及Quintus,依舊全天候貼身照顧,一 坐完月已經火速出關湊仔,就算未修身成功,已陪兩子參加寓所附近的 寵物活動,又帶他們去主題公園、行山及參加運動會,親子活動多 多,上年聖誕更陪Lucas及Quintus去新加坡旅行,湊仔生活未有因添多 個寶貝而有改變!

一向緊張照顧兒 子的栢芝,陪同二仔 Quintus參加學校的親子 活動,到嘉道理農場做戶外 考察, 遺傳咗霆鋒優良基因 的Quintus大受女同學歡 迎,其中一名長髮女同學 更全程黐住Quintus玩得 非常投契。

當日早上約七時半,栢芝親自駕車送兒子回學校準備參加親子考察,而家中外傭亦有同行。

享受做媽媽

雖然「小王子」個樣至今未曝光好神秘,不過產後不久栢芝 已再次開通個人社交網,即使小王子蹤影全無,卻繼續狂po同 Lucas及Quintus 的互動,據知情者透露:「栢芝多年湊細路都係 親力親為,唔會假手工人,佢會自己煮飯同設計營養餐單,亦盡 量會親自接送兩個仔返學放學,母子感情超級好,可能咁多年都 係自己貼身湊仔,令佢好享受做媽咪嘅感覺,所以佢從來唔抗拒 再生BB ,上年陀第三胎,都係佢預計之內,不過,佢陀B好保 密,只有家人同密友先知道,加上兒子生父身份外界好多揣測,佢好緊 張去保護個仔,到依家都冇乜朋友見過小王子!」

由於三個仔年齡有差距,栢芝教仔方式亦各師各法,已經11歲的大仔Lucas,開始有自己的社交圈子,栢芝都放寬態度,唔會下下做跟得 媽咪,反而8歲Quintus 年紀仲細,加上由細到大都好黐媽咪,所以照顧Quintus會比較緊張。日前,Quintus學校舉行戶外親子活動,栢 芝就晨咁早陪兒子返學校準備,再直踩做貼身媽咪陪仔到大埔嘉 道理農場做考察,更做義工家長幫手照顧埋其他小朋友,全程顯 得非常享受。

送咗兒子返入學 校後,栢芝就逗留在 車廂等候,到八時半才 匆匆入學校會合,聯同 兒子一同乘校車出發 去嘉道理農場做考察。

愈大愈帥 當日早上七時許,栢芝帶同外傭幫手,駕車載兒子Quintus 返到學校,泊低車後先送兒子入學校內,自己就留在車廂等 候,約一個小時後,她才入學校會合一班家長,原本著住紅色羽 絨的她,再在外披多件藍色毛毛外套,加埋著住的黃色鞋,企在 一班家長身旁已經鶴立雞群,如同彩雀搶晒fo,她跟同大隊一同 坐校車出發,大約坐了半小時車程,大隊抵達嘉道理農場,只 見一班義工家長分隊起行,栢芝就帶著八位學生入農場做考 察,愈大愈似爸爸霆鋒的Quintus,著住運動衫非常帥氣,還好 受女同學歡迎,當中一名長髮小女孩更同他如糖黐豆,兩個不 時孖住行一齊研究,栢芝自己亦表現投入,帶隊去到邊她都會 停下來自拍,影完自己亦會幫兒子及其他同學仔影相,由於沿 途經過好多地方,學生們都要記下筆記,栢芝亦有監督兒子寫 筆記,戶外考察兩個幾小時,到中午時分才大功告成,栢芝 亦隨校車返回學校再取車離開。

有仔萬事足,相信用嚟形容三子之母栢芝,幾時都最貼 切!

栢芝帶埋外傭同行,並以義工家長身份帶著八位小朋友一齊入農場考察,披住彩藍毛毛外套的她,非常搶 fo !

栢芝不時停下來自拍,期間影到忘晒 形,要行在前方的兒子Quintus及一名女 同學回頭等她。

陪兒子參加親子活動,栢芝同大班家長企 埋一齊,披住彩藍毛毛外套的她,一眼就 被認出。

除咗自拍,做義工家長的栢芝,都有幫 一班小朋友影相,愛心爆棚的她,對住 一班同學仔表現好興奮。

栢芝誕下孻仔後,向內地傳媒 派喜餅,賀卡上更畫有栢芝和 兒子的卡通造型,不過呢個 「一家四口」,就未見畫有爸爸 個樣。

去年11月產第三胎的栢芝,未有因掛 住照顧孻仔而忽略大仔同二仔,教仔 仲係親力親為。

栢芝帶著Quintus及一班學生,沿著嘉道理農場考察參觀,期間在昆蟲館休息 時,帥氣的Quintus被女同學圍住,年紀輕輕已經好有爸爸霆鋒嘅氣場。

栢芝監督Quintus寫筆記,適當時候給予意見!

平日得媽咪照顧周到的Quintus似乎真係嬌生慣養,流鼻涕都要工人姐姐攞紙巾幫忙抹鼻。

栢芝孻仔Marcus(張禮承)去年 11月出世後,至今未曝過光, 可見她非常保護兒子,不過, 今年農曆年有小女孩到她家拜年,栢芝po出自己穿住睡袍向小女孩派利是相片,就清楚可 見後面的BB床和BB凳。

延伸閱讀:

袁偉豪否認形象變差關女友事 「佢令我變得更加真誠!」

關注我們Facebook專頁
    相關新聞
      更多瀏覽