大懵港媽漏低6歲仔喺飛機
2019年04月11日12:58

早前,有一單媽媽搭飛機,才想起遺下了BB在候機室,最後要原機緊急折返。最近,有一名「大懵港媽」,趕落機遺下了6歲男童在飛機上。空少都不禁表示,「飛咗20年你都係第一個,老老實實,如果佢冇返黎,我地真係會以為佢經濟有困難而漏低個仔喺度。」

撰文:TLY | 資料來源:豆腐空少的飛行日記| 圖片:新傳媒資料庫

延伸閱讀:

【親子好去處】大埔區食玩放電一日遊

【親子好去處】8大生日派對場地推介

大懵港媽遺下6歲仔

昨日(9日),在Facebook專業「豆腐空少的飛行日記」分享,每個人都試過遺下物品,不過遺下人就比較少見。事發,乘客落機後,空少檢查機艙時發現一名6歲男童自己一人在飛機上,查問之後,大懵港媽趕落機遺下了兒子。

原文如下:

當最後一個客落機之後,我地就會做降落後嘅檢查,睇下仲有冇客啦,有冇大頭蝦漏低野咁。

咁多年來執到嘅不外乎

– 電話

– 銀包/護照

– 手信

– 手袋/背囊/行李

有時候就執到啲衫褲鞋襪,胸圍底褲都執過,不過呢班機「執」到嘅都幾估佢唔到!我「執」到個細路,佢老母漏左個仔啊!係一個6、有歲嘅香港小朋友。

我:「細佬,媽咪去左邊啊」

細佬:「佢去左屙尿呀!」

我:「但係成機都得返你一個咋,有冇媽咪電話呀?」

正想打電話比佢呀媽之際,前面呀姐就話有個客漏左野上黎攞返。係呀,嗰個好急尿嘅媽媽返黎湊返個仔。

老母:「你做咩唔落機呀?」

細佬:「我點知你飛機有廁所唔去,用出面嗰啲喎!」

呀姐:「太太,我飛左廿年有人漏左個仔你都係第一個,我地做人呀媽嘅應該要好好睇住個仔,好彩你個仔醒姐!」

比呀姐教訓完一輪之後,個呀媽頭耷耷拖住個仔走

左。老老實實,如果佢冇返黎,我地真係會以為佢經濟有困難而漏低個仔喺道。

生仔要考牌

文章一出,軒然大波,不少網民都分享自己的所見所聞,「我遇過漏底老婆,仲要行到好遠先發現⋯⋯」;

「我都試過飛bkk, 小朋友訓到我地嗌醒佢,成架機得佢一個,呀爸呀媽唔知去左邊」;

「之前做個班機Landing check 見到個手抱bb係位度, 行去通知啊姐之際,前面廁所有個女人係廁所斯斯然行出黎抱返個bb,問清楚確認晒係兩母女之後,啊姐問佢如果個bb 自己跌左落地點算或者俾人抱走左點算,個女人先識驚。」

媽媽遺下BB在候機室飛到一半要求緊急折返

早前,最近沙地阿拉伯航空一架SV832航班飛到一半,機長卻突然聯繫塔台要緊急折返。原來是因為機上有一名大懵媽媽將BB遺下在候機室,嚇得要求馬上折返。

沙地阿拉伯航空

根據《海灣新聞》報導指,當時機長問塔台「請問我們可以折返嗎?」,再表示折返原因是因為「一名女乘客將孩子忘在候機室」。塔台人員不敢置信,再度向機長確認,機長表示「我已經告訴你了,一名女乘客忘記了帶她的孩子上機,因此拒絕繼續飛行。」成功說服塔台同意飛機折返。

0
0

Travel with children. Small two year old baby girl sleep in a special bassinet on a airplane
Travel with children. Small two year old baby girl sleep in a special bassinet on a airplane

延伸閱讀:

【親子好去處】上水歷奇野外農莊 激發兒童小宇宙

關注我們Facebook專頁
    相關新聞
      更多瀏覽