林峯爆做古天樂旗下藝人原因 感激對方俾佢做XX!
2019年04月07日11:20

林峯出道兩年後就登上當家小生寶座,話說訓練班畢業跑了兩年龍套,第一次演要角兼上位就係同古天樂合作經典中的經典《 尋秦記 》,一簽約成為無綫親生仔,第一 個電視台經理人就係古天樂老拍檔 Ronnie,真正緣份的天空,兜兜轉轉去年重投古生旗下成為合約藝人,正是因為古天樂讓他如願以償!

撰文:東方新地|圖片:東方新地

延伸閱讀:

醉駕出事講大話 郭子豪累「跳躍F4」失廣告

周秀娜爆與經理人鬧翻後苦況 渴望屋企有個XX!

林峯爆做古天樂旗下藝人原因

林峯於訪問中表示:「 2018年對我嚟講絕對係人生新一頁,點解簽古生?識於微時 一定係最重要原因,我相信緣份,亦都信識咗咁耐,我想要啲咩,古生一定知、一定敢!雖然喺電視台咁多年,我依家都有拍內地電視劇,( 還剛剛宣布未來會再回歸無綫 ),但係我從來拍戲都冇帶過包袱,要視乎合作團 隊同劇組話事人,睇佢哋對我、對個演員夠唔夠了解,有冇新嘅諗法,想唔想有新嘅突破。」

感激對方俾自己做奸角

「識我嘅人其實知我,一直唔想重複再重複演同類型角色。就算都係忠,始終每個角色係人,我每次都盡量想創作一個唔同嘅人物出嚟,多謝古生,真係畀咗個機會我演純反派。心裡面已經想像過無數個反派角色,一旦到手到底可以點玩。」

「一攞上手個角色好興奮,不過興奮得 嚟都要提醒自己,唔係咩都可以擺落去,力度掌握爭嗰少少,就好容易 過咗火位。我今次喺《P風暴》個角色叫曹元元,二世祖,受過教育有啲腦,但係完 全無是非觀念,眼裡面只有自己。所以你見到佢坐緊監都可以梳到個頭 咁靚,因為有錢大晒呀嘛!喺入面根本橫行無忌。」

入行廿年,一直都想做反派,林峯 在《 P風暴》裡終於草菅人命奸到出汁,全靠新任老闆古天樂成全。

「呢一年我真係過足戲癮,我承認我係好幸運,但係我都想話冇人條路係完全順利易行,人哋畀你冇用㗎,要你自己把握到,嗰啲先至可以稱之為機會。你話人哋( 同經理人 )關係破裂,我就咁多年經得起時間考驗,人哋嘅嘢真係唔到我去評論。」

周秀娜與經理人鬧翻。
繼《抱抱俏佳人》後,九年後林峯和周秀娜再度合作。

「但係我諗,做人每個階段遇到嘅人同事都係成長一部分,無論好定壞,都係一種生活嘅體驗同累積,所以我先至成 為今時今日嘅自己,所以無論面對緊咩,覺得都要感恩。反而係畀我領 悟到,人同事總會變,某程度上冇嘢係永恒,當你周遭嘅嘢變緊時,我諗呢個正係時候你要搵到自己嘅本心。」

即時回顧:

林峯 友情價回歸無綫

林峯相隔5年幾重返娘家,林峯話呢段時間喺街見到無綫公司車,都會上前望望有冇認識嘅舊同事,佢話今次係個好時機返TVB:「始終拍咗20多年戲,一直希望尋求突破同新嘗試,喺機緣巧合之下,杜之克搵我傾咗個project覺得好有興趣,詳情遲啲會公布!」林峯稱今次合作形式很自由,有計劃在2020年舉行大型演唱會,而今年會在內地及澳門做演唱會當作熱身。

問到會唔會好期待攞「視帝」?林峯話:「唔好嫌我老土,攞獎唔係最睇重,身為演員希望可以成功塑造更多令人記得嘅角色,我係要過戲癮嘅人,追求有新衝擊。(想唔想再攞「最受歡迎男歌星」?)畀當然要,哈哈!」

講到歌曲方面,星夢娛樂行政總裁何哲圖話其實上年已經同林峯嘅經理人傾開,覺得峯峯把聲好適合演繹TVB嘅電視劇,而且峯峯對歌曲演繹得非常之好,佢重返TVB合作係雙得益彰,都希望幫到林峯再創事業高峰!

林峯
林峯
林峯宣布正式回歸「娘家」無綫,並會與星夢娛樂合作,獲無綫高層杜之克及星夢行政總裁何哲圖送上彩鑽TVBuddy和金咪高峰,你睇林峯幾開心!

林峯稱回歸無綫全因杜之克邀請,問杜之克話唔係自己嘅功勞:「靠隻古仔、靠個Project,其實關鍵係大家都覺得阿峯係時候做呢件事,我覺得係形勢,應該積極去試吓,我哋就搵咗個Project好啱佢,啲同事都花咗好多心機做一個好出色嘅人物,同佢傾咗一次古仔,佢都覺得係好好嘅時機去做。(個Project可唔可以透露多啲?)其實我可以透露聽日留心Filmark啦!(即係為佢度身訂造?)有好多嘢都要度身訂造。」

回顧林峯歷年8首街知巷聞歌曲

今次回歸TVB嘅林峯相信會帶嚟新音樂作品,雖然暫時未聽到新作品,但過往林峯就曾經主唱唔少歌曲都好好聽,依家就同大家一齊回顧有邊幾首耳熟能詳嘅歌曲啦!

|記得忘記

林峯首次為TVB劇集唱嘅歌就係2002年《再生緣》片尾曲嘅《記得忘記》,當時呢首歌更收錄喺專輯《愛上主題曲3》入面!

|愛在記憶中找你

5年後,林峯為劇集《歲月風雲》唱插曲《愛在記憶中找你》,當時呢首歌更成功令林峯獲得首個勁歌金曲優秀選得獎歌曲,相信唔少人至今都仲記得歌詞「如果可以恨你 全力痛恨你」!

|愛不疚

2008年,林峯繼續為TVB唱劇集歌,當年除咗《溏心風暴之家好月圓》播出後爆紅外,就連劇集插曲《愛不疚》同樣hit爆,嗰句「放手 放開所有彼此更自由放手 其實我絕非愛得不夠 」唱得非常有感情之餘,試問又唱出咗幾多分手情侶嘅心聲?

|幼稚完

2012年《幼稚完》係林峯主演劇集《雷霆掃毒》片尾曲,歌曲更收錄喺大碟《A Time 4 You》中,其中「幾千天近況幸福嗎 每日忙碌嗎」就唱出分手後戀人對前度嘅念念不忘。

|我們很好

《我們很好》有國語及廣東話兩個版本,而國語版則係林峯首張國語專輯《First 第一次》嘅首支派台歌曲,國語版嘅MV就搵嚟佘詩曼做女主角,至於廣東話版本則搵咗湯怡,兩個版本同樣好聽,唔知你又鐘意聽邊個版本多啲呢?

|如果時間來到

2009年時嘅《如果時間來到》係林峯第3張專輯《Let’s Get Wet》嘅主打歌之一,MV更搵嚟當時TVB力捧新晉女藝員徐淑敏做女主角!

|Let’s get wet

講到《Let’s Get Wet》呢張個人專輯,當然唔少得同名歌《Let’s Get Wet》啦!當年林峯更以呢首歌嘅歌名做自己首個紅館個人演唱會嘅名,絕對可以話係林峯歌唱事業嘅一個標記!至於個MV就有陳茵媺一齊拍攝,配合歌詞二人更一齊跳貼身舞!

|Chok

2011年,《Chok》呢首歌真係播到街知巷聞,成首洗腦歌咁!不過,就算有人唔記得大部分歌詞,但都一定記得個「chok」字!呢首歌更為林峯於當年獲得唔少獎項,包括《十大勁歌金曲頒獎典禮》「金曲金獎」,為同年奪「亞太區最受歡迎香港男歌星」及「金曲金獎」男歌手。

延伸閱讀:

應采兒大爆當年曾嫌老公孤寒 首次約會竟去食…

關注我們Facebook專頁
    相關新聞
      更多瀏覽