朱晨麗拍《法證先鋒IV》傷上加傷
2019年04月03日15:50

無綫花旦朱晨麗(朱朱)連月來集中火力拍攝新劇《法證先鋒IV》,日前該劇倘未煞青,她已投入另一劇集《大醬園》的拍攝,工作一浪接一浪忙不停。朱朱日前發現手腕劇痛,原來手腕甩骹,但最慘是,在《法》劇煞青前,朱朱還要忍痛參與一場天台救人戲,而拍攝飛身救人時,朱朱再傷上加傷撞瘀小腿上五吋下五吋最痛位置。

朱朱指手腕甩骹睇針炙時,醫師為她檢查時發現原來她的頸椎更嚴重,頸椎嚴重移位,「醫師問我係咪撞過車,我話冇,醫師好奇怪話冇撞車,點可以歪成咁?醫師好好幫我針炙又啪骨復位。」

朱朱表示手腕甩骹係舊患,「加埋之前有啲動作場面,所以傷上加傷。我只係睇到一次醫生,覆診都冇時間,依家患處仲隱隱作痛!因為依家忙緊拍《大醬園》,希望呢一、兩日可以再抽到覆診啦。」

一向畏高的朱朱日前為《法》劇,要克服心理障礙危站39層樓高的天台,期間還要飛身撲救僅穿剩Bra的企跳女子。當日由於天氣轉冷,現場又大風,令凍到腳震震的她「禍不單行」,「撲救」攬實Bra女時不慎撞到小腿最痛之處,很快便發現瘀了一大片,幸好沒有扭傷,她仍頂硬上繼續。

談到畏高的她今次作自我挑戰,鏡頭前型到爆,朱朱即淆底說:「其實真係好驚㗎!冇遮冇擋企到咁高,風力又大,仲要喺圍邊衝過去救人,雖然有威吔,真係都腳軟,係咁叫自己唔好向下望,唔好四圍望,集中精神救人,不斷叫自己克服,好彩只係NG幾次就搞掂,我都幾滿意呢場戲。」

談到拍攝《法》劇,朱朱笑言自己練成「金剛身」:「呢套劇經常連踩十幾、二十個鐘,好多日只係瞓幾個鐘,或者只夠時間返屋企沖個涼,休息一陣又要繼續。(點樣捱得住?)靠意志囉,不過能夠拍部好劇,辛苦啲都值得嘅。」

原文連結:

朱晨麗拍《法證先鋒IV》傷上加傷

相關文章:

《愛•回家》去長隆拍外景 呂慧儀、湯盈盈、蘇韻姿玩到唔捨得走

Stars-HK娛網

本站集中報道娛樂新聞,包括在音樂圈、電影圈、電視圈、劇團裡面,歌手和演員的活動和最新動向等。我們採取「只談專業,不談緋聞」的編審方針,希望帶給讀者清新的體驗。無論是中、港、台、日、韓等地的大明星以至新人的消息,娛網都會悉數報道。我們也會重點發掘未來新星,致力推廣。

關注我們Facebook專頁
    相關新聞
      更多瀏覽