【福爾摩師奶】終極「開膛手」今晚揭盅!網友齊估:XXX先係Final Boss⋯
2019年03月29日18:30

由陳松伶、黃智賢、陳煒、江嘉敏、陳瀅等主演的無綫懸疑查案劇《福爾摩師奶》今晚(29/3)大結局,原來「開膛手」並非只得一個人,關一夫(黃智賢飾)、白羅拔(杜大偉飾)、喬百川(林韋辰)、魏素嘉(陳瀅飾)及蓮婆(楊依依飾)都先後殺人,並模仿第一宗開膛手的犯案手法。之不過,喺第一集殺死嘅丁月(王綺琴飾)嘅開膛手尚未曝光,到底邊個先係Final Boss?今晚大結局將會揭曉,大家又認為以下邊個嫌疑最大呢?

撰文:東方新地 圖片:新傳媒圖片、TVB截圖

延伸閱讀:

安志杰囡囡3歲生日會 型男契爺齊出席!

G.E.M.鄧紫棋單方面解約 蜂鳥估計損失1.2億入稟索償並拒解約

福爾摩師奶 「開膛手」唔止一人

由陳松伶、黃智賢、陳煒、徐榮、江嘉敏及陳瀅等人主演嘅無綫懸疑查案劇《福爾摩師奶》,劇情緊張,觀眾紛紛估邊個係真正嘅「開膛手」,最初大家都以為係一個人犯案,點知唔止一個係開膛手。

第一宗開膛案死者: 丁月 兇手: 未知

第二宗開膛案死者:小木蘭 兇手: 關一夫

小木蘭意外掉進海裡溺死,目擊過程的一夫為了把祖迪從監獄救出來及證明祖迪的清白,於是把小木蘭開膛,將充滿海水的胃和肺拿走,以此誤導警方開膛手再次出來行兇,間接證明祖迪有不在場證據。

第三宗開膛案 死者 : 影嵐 兇手: 喬百川

喬百川和素嘉合謀殺死妓女影嵐。

第四宗開膛案 死者:白牡丹 兇手: 白羅拔

白羅拔受神仙水影響而錯手殺死白牡丹(莊思明飾),最後把她開膛!

第五宗開膛案 死者:喬百川 兇手: 魏素嘉

喬百川(林韋辰飾)為奪得華民政務司一職而陷害爵士結果遭通緝,他決定帶素嘉走佬,而素嘉為了逃脫喬百川多年操控及魔掌,混亂間把喬百川殺死並開膛。

第六宗開膛案死者: 狄德英 兇手: 蓮婆(素嘉開膛)

狄德英知道素嘉是殺死喬百川的兇手後要捉拿她歸案。二人拉扯之時,蓮婆為了保護素嘉拿菜刀把德英殺死,素嘉開膛以逃掩人耳目。

熊財有可疑

到底誰是Final Boss?網友話最大嫌疑人有兩個,一個船運公司老闆及殯儀業龍頭、人稱陰司財的熊財(鄭敬基飾),劇中陰司財壞事做盡,他販賣神仙水令油麻地街坊染上毒癮,他表面與白羅拔(杜大偉飾)同舟共濟,背後卻在白羅拔的酒中加入神仙水,令他產生幻覺而錯手殺死白牡丹,變成「假開膛手」!而其中一集佢更曾經講過一句:「你又知我唔係開膛手?」

今晚結局一集,劇情會講到鼠疫肆虐,疫苗短缺,政府下令封城,擁有「真疫苗」的熊財散播鼠疫病毒,並自製假藥發配給街坊。祖迪(陳松伶飾)不理自身安全與居民共進退,而一夫更成拯救眾人的關鍵。

而祖迪命熊財交出真正疫苗,逃獄的素嘉帶走熊財,匿藏貨倉內⋯

今晚結局篇,一夫腳受傷需要服吃鴉片酊止痛,不時有幻覺產生。最後一幕一夫用槍指着祖迪,到底二人下場如何﹗

菲臘、高明也可能是終極boss?

殺害丁月(王綺琴飾)的開膛案兇手尚未曝光,有網民分析後指菲臘(布偉傑飾)和高明醫生(陳嘉輝飾)也有嫌疑,菲臘和高明醫生熟悉醫學,菲臘更在大學時修讀解剖學!

同場加映:《福爾摩師奶》改劇名 傳為遷就內地市場

《福爾摩師奶》就會接棒《荷》播出,故事以英國妓女連環殺手「開膛手傑克」(Jack the Ripper)為藍本,背景設定喺香港開埠初期。

今次劇集以陳松伶、陳煒及黃智賢三位領軍,講述首位華人爵士夫人祖迪費查(陳松伶飾),因洋人老公失勢兼失蹤,落難到品流複雜嘅油麻地,不幸捲入連環妓女殺手「開膛手傑克」案件中,更被指為疑兇而展開嘅一個故事!

追看3大原因:

|題材有追看性

今次《福》以懸疑推理為主題,過往TVB出產嘅推理劇都係收視嘅保證,例如:《法證先鋒》系列、《鑑證實錄》系列等。

《法證先鋒3》劇照
《法證先鋒2》劇照

加上,劇集未出街前,監製方駿釗更豪言:「包保觀眾估唔到!」,相信劇中唔少細節都會有所關連,唔少觀眾都應該會睇得投入之餘,仲會想不斷追看!

監製方駿釗更豪言:「包保觀眾估唔到!」

|王牌監製加持

《福》嘅監製方駿釗正係近年幾套劇集嘅收視保證,方駿釗對上嘅3套作品:、《一屋老友記》、《降魔的》及《跳躍生命線》收視及口碑都唔錯,而《跳》更於上年榮獲最佳劇集一獎,可見劇集品質應有保證。

監製方駿釗因《跳》,於上年榮獲最佳劇集一獎。

|全tvb自家製作

近年,TVB都播出唔少中港合拍劇及內地劇,如《延禧攻略》、《守護神之保險調查》等。要睇到一套百分百喺自家製嘅電視劇好似難上加難,但好在之前播出嘅《大帥哥》就自家製得嚟亦冇令觀眾失望。

延禧
延禧

而今次呢套《福》同樣嚟自TVB親自出品,雖然未知有冇品質保證,不過以自家劇嚟講都叫係令人有所期待嘅,不竟有陳松伶、黃智賢和陳煒等好戲之人坐陣!

劇名娘味濃

雖然有部分網友指《福爾摩師奶》呢個名聽落怪怪地,似乎唔太切合本地觀眾嘅口味,仲有傳聞指呢個劇名係為咗遷就內地市場而改!

《福爾摩師奶》唔通同師奶有關?

原來《福爾摩師奶》開戲時劇名係叫《危城First Lady》,而監製更否認傳聞所指,表示改名只係想加強喜劇感,想知套劇夠唔夠喜感,大家就一於今晚睇睇啦!

《福爾摩師奶》開戲係叫《危城First Lady》

延伸閱讀:

甄子丹首開腔回應一家受歧視內幕 慈善晚宴被不禮貌對待!

關注我們Facebook專頁
    相關新聞
      更多瀏覽