「樂壇小強」阮民安三年抱兩 嬌妻為日本原宿女神
2019年03月26日17:50

現年38歲嘅E-kids成員阮民安(Tommy),出道17年雖然星路平平,但就擁有一個幸福嘅家庭,2017年同老婆Eva結婚,同年生咗大仔阮治童,而日前佢就宣佈老婆平安順產誕下次子,重3.18公斤,三年抱兩!

撰文:Kayla|圖片來源:Facebook、《Kawaii International》截圖

延伸閱讀:

【親子好去處】荃灣多元化親子餐廳 親子小廚神Workshop+互動裝置訂製個人化薄餅

【復活節活動2019】4款DIY復活節親子手作

陪老婆入產房

喜獲麟兒嘅阮民安,接受傳媒訪問時表示,自己因為怕血,所以上一胎冇陪老婆入到產房,老婆上次經歷咗20幾個鐘先生到大仔,令佢覺得好內疚,所以第二胎就克服自己怕血嘅問題,陪老婆入產房生BB:「今次睇住成個過程,佢好辛苦,一度想放棄。」

阮民安仲話產房個護士認得佢,叫佢唱首歌氹老婆開心:「最後我都冇認真唱,只係不停咁分散佢注意力。」好彩第二胎都無驚無險,順順利利出世同爸爸媽媽見面!

老婆Eva為原宿女神

阮民安同老婆拍拖兩年,並於2017年結婚,同年生咗大仔阮治童,不時見到Eva喺Facebook上分享同仔仔嘅合照,非常溫馨。原來阮民安老婆Eva大有來頭,有「原宿女神」之稱嘅Eva,原名張倚雯,身兼模特兒、設計師、DJ 等多重身份,工作不時都要穿梭日本、香港、中國內地,有「港版Kyary Pamyu Pamyu」之稱。

Eva平時除咗拍廣告,打碟都有一手,曾多次應邀為戶外Show做DJ,更曾接拍日劇《Ghostraight》、《天國…幽靈…不思議…》等,喺日本頗有名氣。

千呎豪宅曝光

Eva喺日本發展得非常好,仲曾經接受過日本電視頻道NHK World節目《Kawaii International》嘅訪問,帶攝製團去屋企做貼身訪問,令阮民安嘅豪宅曝光!

阮民安同老婆住豪宅!
超大個泳池!

延伸閱讀:

3月期間限定 12個周末親子好去處

關注我們Facebook專頁
    相關新聞
      更多瀏覽