中高階行山線:【直搗黃龍之黃龍石澗!】-黃龍坑道
2019年03月22日09:44

[駐場博客小牛牛快樂行山郊遊相集by Chan Keung]落咗咁多日雨,太陽伯伯卒之都肯出來了! 假期遇上好天氣,真係行山一大快事呢! 今次又同大家走走黄龍石澗探險,返回原始野外之初體驗喔! 欣賞靚靚倒影,純天然天空之鏡。

由東涌站起步,大約行15分鐘之後就到達赤鱲角新村, 呢度村内有人家放養數隻唐狗,不過都好純良,走近身邊時,都唔洗怕喎! 經過垃圾收集站再進入黄龍坑道,呢段石屎馬路比較漫長,行大約10分鐘之後會經過黃龍坑郊遊場地,再行多5分鐘就到達黄龍坑入口,首先會見倒一個水閘阻路,可以從右邊山徑繞過,當踏入石澗後,回頭一望,靚靚倒影就進入眼簾,不過當然要配合當時光線折射角度啦! 黄龍石澗初段平緩,大部份都係大石堆疊而成,唔想濕腳,可以左右穿插兩旁叢林,偶然會遇見小潭小瀑,由於水質清澈,肉眼都可以望通潭底,大都呈現碧綠色,雖然水質清澈,但係都唔好嬉水戓用水洗面,因為水中有大量細菌,對身體健康構成威脅。一直走了两小時左右,卒之都達了黄龍瀑,由於未到雨季,所以黄龍瀑還是水流潺潺,瀑下有一個巨型水潭,没有瀑水傾瀉下來,反而可以好清楚睇倒潭底全貎,相當美麗,拍過夠後本來打算一直走下去,挑戰一吓~黄龍三險,可惜今天晏咗出發, 時間不足避免摸黑落山,所以都係留待下次才挑戰,沿路折返完成今次旅程。

注意事項:

行石澗比較一般山徑危險,必需量力而行,建議由經驗人仕帶領和同行

切勿落山澗,水潭嬉水,水深莫測,濕滑容易跣倒

部份路段較崎嶇,需手腳並用攀爬

愛護郊野清潔人人有責,自己垃圾自己帶走

======================================================================

相關文章:

【行山靚景線:斜陽裡行走四排石山!】

【行山路線:周遊蒲台島!】

【行澗路線:雙鹿石澗+鹿湖郊遊徑訪尋吊鐘花!】

======================================================================

▲可以由石澗右邊小山徑跨過正式進入黃龍石澗入口回頭一望就可以看見美麗的倒影要留意須配合當時光線折射時段

▲雨季將至趁未有大水傾瀉-可以清澈觀看黄龍瀑景色

▲如果唔想濕腳可以穿梭石澗左右兩邊叢林

▲踏上石塊時必需小心

▲碧綠透底

▲有多個大小水潭水質清澈

▲充滿原始風味

▲水潭中綠色藻類植物

▲部份路段需手腳並用攀爬

▲黄龍石澗入口水閘配合光線折射型成美絶倒影

▲入口初段小石塊較多行走不太困難

▲大石林立

▲大石坡

▲水質清澈呈現美麗倒影

▲其中ㄧ個較險的崖位需牽引繩索而上

▲水潭邊溪水滿溢

▲碧綠水潭

▲跨越小石崖

▲黄龍瀑下型成大水潭

▲小水澡

▲偶有巨石阻路可繞道而行

▲從右邊山徑上可跨過黄龍瀑頂

▲路段開掦廣濶

▲黃龍石澗路段開揚大部分都是由大小頭塊組成

▲穿越叢林

黄龍石澗

路線: 東涌站 赤鱲角新村 黃龍坑道黄龍石澗東涌站 全程約10公里 需時約4小時

路線參考:https://www.trailwatch.hk/?t=activitiesaid=263927

小牛牛快樂行山郊遊相集by Chan Keung

關注我們Facebook專頁
    相關新聞
      更多瀏覽