陳小春開xx間分店變清湯腩大王 年吸過千萬人仔!
2019年03月20日11:00

17年帶住4歲兒子Jasper 拍內地真人騷《爸爸去哪兒5》爆紅,令小春在國內人氣急升,唔單止演藝事業創高峰,更成功打造他的「清湯腩」王國,單近一年,就開了近xx間分店,現時全中國店舖超過xx間,保守估計日賣過萬碗清湯腩麵,年吸過千萬人仔!

撰文:東方新地|圖片:東方新地、微博

延伸閱讀:

前度閃婚獨女拍拖!李麗珍傍實老友記開飯

古天樂集齊人拍《尋秦記》電影版 網民:仲爭江華、KC!

陳小春真人騷爆紅

17年收2,500萬人仔同兒子Jasper合拍《爸爸去哪兒5》,超萌暖男Jasper 火速成為萬人迷紅遍中國,當旺爸媽陳小春應采兒亦成內地紅人,真人騷、綜藝節目、劇集、商演應接不暇,去年小春帶著Jasper 回歸《爸爸去哪兒6》,有指酬勞加碼再袋3,500萬人仔,豬籠入水。

17年拍《爸爸去哪兒5》,首度全面曝光的Jasper一鳴驚人,火速紅遍中國,連帶小春及應采兒亦在內地人氣火熱,工作不斷。

食正明星效應

近月密密做內地巡迴的小春,更得兒子人氣造就成為內地飲食業大王,早於15年同六位好友在北京開設第一間「 七爺 」清湯腩,已經吸納到唔少「 山雞哥」粉絲慕名捧場,不過生意成功上位,還要多得兒子Jasper爆紅,連帶小春 投資的清湯腩亦大受歡迎,分店近一年就開遍中國各大城市。

早前伊健在紅館開騷,一班黃金兄弟上晒台合唱,小春坦言恨開紅館show,不過入紙足足十次都申請唔到檔期,大嘆無奈!
投資飲食生意賺大錢,不過小春仲係鍾意做老本行繼續唱歌,除咗內地巡迴,四月更會到澳門威尼斯人開騷。

據知情者透露:「 搞『七爺』清湯腩,最初概念係嚟自佢六個朋友,但小春一聽構思已經好有信心,佢好想將港式茶餐廳引入內地,自己又鍾意食清湯腩,所以就一齊 搞,但因為當中只有小春係藝人,食正明星效應,生意大收旺場,所以之後開嘅分店,小春已經做咗大股東。

「七爺」清湯腩上年更入埋珠海、廣州、 濟南、蘇州等地,店內放有唔少電影海 報燈箱布置作招徠,《古惑仔》海報梗唔 少得!
好友謝天華早前曾到內地捧老 友食肆場,更同小春合照。

但講到底,間店咁旺都係多得佢個寶貝仔,自 從Jasper 拍完《爸爸5》,父子喺內地人氣急升,小春個名冇人唔識,店舖日日 排長龍,單係上年北京已經開多咗兩間分店,上海、南京、濟南、蘇州、廣 州、青島都陸續開店,日賣過萬碗牛腩,佢真係賺到笑。」

陳小春同六位好友,15年在北京開設第一間「七爺」清湯腩,不 過,最初分店只得幾間,但自兒子Jasper 爆紅,小春亦人氣高 企,清湯腩更火速開遍全中國,現時分店超過15間,認真賺到笑。
一家三口著到紅噹噹拜年,最搶眼 仲有後面棵桃花上邊印有「$」的利是封,不過有個超萌寶貝仔,小春就 算唔催旺運勢,亦早已財運亨通!

賺錢買豪宅

生財有道的小春,本來已經手持四個物業( 逸瓏灣雙連單位、天賦海灣單位及一棟大埔村屋 ),到近日小春又有意入市。據知情者透露:「 一路以來,小春都覺得揸磚頭最實際,所以一搵到錢就會買樓,因為成日要返內地工作,小 春特別鍾情大埔區,依家住緊嘅逸瓏灣三千幾呎相連單位,佢覺得好旺佢,自從搬入去住之後,樣樣都好順利,最近屋企樓下有單位放盤,小春好想買埋嚟畀岳父岳母住,等老人家湊孫都方便啲!」

帶仔出動

日前,陳小春 一家三口到尖沙咀海港城食晏,食飽飽後,小春護送妻兒上七人 車,得意活潑的 Jasper 笑住行前等司機抱,跟在身後的應采兒就極速閃上七人車。

小春送咗老婆同兒子上七人車後,自己行埋一 邊食飯後煙,不過食住 煙都不停睇手機,似乎仲有好多工作忙。

即時回顧:

一家恨追女

小春同Jasper連拍兩年《爸爸去哪兒》、又同老婆應采兒連拍兩季同一電視台真人騷《妻子的浪漫旅行》,早前夫妻二人出席湖南衛視年度頒獎禮,應采兒就多謝電視台之餘仲講埋心嗰句:「謝謝電視台養起我們全家,希望明年繼續養!」

應采兒
應采兒
2019年新開始,應采兒在個人社交網po出全家福,表現興奮,每次旅行, 應采兒都例必以索爆三 點式示人,今次為遮肚玩密實。

應采兒
應采兒

一向fit爆愛晒身材,兩個多月前,應采兒卻突然離奇收收埋埋,專著寬鬆衫遮肚、影大合照又搵朋友遮身,更被發現食埋孕期用復合維他命,據知情人士透露三口之家確實想盡快有新成員:「 之前因為忙拍真人騷,追女計劃先拖到依家,不過,呢排丁丁(應采兒)減少工作,應該好快有好消息公布!」

被傳媒追問有喜,兩公婆不否認不承認,最新圖片和 Yumiko、黃伊汶飯敍,又係自動企去後排,搵友人遮肚。
身形一向纖瘦fit爆,應采兒個多月前同Stephy齊齊穿上王子旗下品牌衛衣幫老友宣傳,已經被網友發現腰肢圓潤。

應采兒交流陀B經

日前身穿鬆身衫,肚凸凸的應采兒帶埋媽媽及 Jasper,約埋同樣大肚的女友人一家三口,現身銅鑼灣利園商場行母嬰專門店,在就近茶敍交流吓陀B經。身為父母,當然明白新成員未報到,加倍關注大仔Jasper免被忽略最重要。

有指成功陀第二胎,應采兒日前帶埋媽媽和Jasper約友人一家在童裝母嬰名店林立的銅鑼灣利園茶敍。

所以即使有媽媽幫手,采兒都親自陪 Jasper 行玩具舖,耐性十足玩夠半個鐘,再買番樣玩具仔氹吓準哥哥。

近期一直愛 著鬆身衫遮肚,當日應采兒又係著住黑色長 T踩住波鞋,陪Jasper周圍逛睇玩具之餘,亦不由自主經常把雙手放身前護肚。

最細心嗰樣,都係大肚友人一樣有個與 Jasper 年紀相若女兒,兩個女人傾湊仔陀B經,Jasper就同小朋友做伴又玩又食,見到 Jasper行街乖巧拖實手、食條薯條都可以好滿足,就知呢個暖男明白事理又易滿足,第時一定係好哥哥!

行人行完街就近搵個戶外茶座歇一歇腳,應采兒和同樣大住肚的友人傾唔停,Jasper就有年紀相若小妹妹陪伴,而Jasper性格表情亦都同媽媽一個餅印,乖乖企埋一邊自隊薯條,放入口滿足到反晒白眼。
性格開朗出名係大笑姑婆,近期心情靚靚的應采兒表情誇張。

事隔幾日采兒放低Jasper,由老公小春陪住到大埔拍拖食早餐,又係例牌著鬆身上衣遮住個肚。冰室人滿兩公婆等位時小春忍唔住整番口煙,采兒嗱嗱聲用紙巾遮鼻,小春就識做收埋支煙喺身後又企埋一邊噴煙,表現緊張。

丁丁用紙巾遮晒鼻,明顯係唔想煙親!

傳應采兒陀第二胎

2日凌晨,應采兒喺微博晒一家三口合照賀新年,並留言:「熒光棒家族 祝大家Happy2019」。相中應采兒與老公陳小春牽著寶貝仔Jasper喺海邊,一家三口洋溢幸福笑容迎接新一年。網民大讚佢哋一家「好幸福!」,又笑指「小春哥又被逼著家庭裝」。

早前網傳應采兒懷上第二胎,之後采兒出席活動都穿著鬆身裝束,未知是否刻意掩飾。不過,應采兒與陳小春夫婦都並未對「懷孕」一事作回應。應采兒晒出家庭合照,一向不介意大騷Fit爆身材嘅采兒,呢次去到海邊卻罕有唔著比堅尼,意外選擇寬鬆打扮示人。

網民紛紛好奇留言:「刻意遮肚?」、「希望熒光棒家族,添多一個螢光妹妹!」

隨後,陳小春亦在社交網晒出與采兒的合照,並留言:「2019乜嘢都有」,再引網民熱議:「有BB!」、「Jasper是要有妹妹了嗎!」、「太太肚子有點飽的狀態」

View this post on Instagram

#2019乜嘢都有🍾️🍾️🍾️🍾️🍾️🎆🎆🎆🎆🎆🎊🎉🎊🎉🙏

A post shared by @Jordan (@jordan_chan_36) on Dec 31, 2018 at 9:54pm PST

View this post on Instagram

#🔥

A post shared by @Jordan (@jordan_chan_36) on Dec 29, 2018 at 6:40pm PST

楊千嬅與丁子高一家亦晒出與陳小春夫婦的合照,看來兩個家庭相約去馬爾代夫度假過年。

View this post on Instagram

我們的2019 🥳🥳🥳

A post shared by Real Ting (@real_ting) on Dec 31, 2018 at 11:57am PST

View this post on Instagram

Happy New Year 2019 🎊🎊🎊

A post shared by Real Ting (@real_ting) on Dec 31, 2018 at 8:15am PST

應采兒一直準備懷第二胎

早前應采兒同丈夫陳小春一齊接受專訪,二人合體難免被問到生第二胎嘅進度。應采兒首先就一反大笑姑婆嘅風格,好怕羞咁話:「就…可以準備啊。」喺隔離嘅小春就諗住搭嘴:「上禮拜……」小春未講完,應采兒就自爆:「上禮拜準備了一下!」果然,大笑姑婆應采兒唔會令人失望,總係會講啲出人意表嘅說話,惹人發笑。雖然唔少網民已經認定咗應采兒已經懷有第二胎,不過現時應采兒夫婦尚未正式認證懷孕嘅消息。我地就耐心等待佢哋宣布好消息啦!

View this post on Instagram

🎅Merry Christmas 🎄

A post shared by 應釆兒 (@yingcaier) on Dec 24, 2018 at 3:21pm PST

應采兒合照肚凸 惹懷孕猜測

早前應采兒喺Instagram post嘅一幅同鄧麗欣嘅合照已經引起網民揣測佢係咪有咗。事關相片中嘅應采兒著住一件頗為鬆身嘅衛衣,雖然衛衣並唔貼身,不過應采兒嘅肚似乎都有啲凸凸哋。有網民就留言話:「肚子圓圓的。」、「采兒姐要生妹妹了嗎哈哈哈。」一方面有網民留言指應采兒係咪再次有喜,另一方面亦有網民護航話可能只係條裙嘅褲頭位凸咗出嚟啫。

應采兒疑有喜

除了合照疑雲外,應采兒早前之後更上載咗一張相上微博,相片內容係話:「做遊戲都要有隊友,我采鵝隊已經有隊友啦,那另一隊呢?」,單係睇相片內容可能會以為應采兒講緊打機嘅隊友,但有網民睇清楚幅相之後就另有睇法喇!事關相片入面有一罐孕期用嘅維生素,網民紛紛起哄,推測應采兒終於懷有第二胎,Jasper終於有隊友喇!網民仲話應采兒今胎一定係女,一圓Jasper想要個妹妹嘅心願。不過部分網民就有其他睇法,認為罐孕期維生素可能只係賣廣告用,或者備孕期間用,指應采兒身邊有罐孕期維生素唔一定係有咗。

Jasper開口要妹妹 51歲陳小春終於鬆口要二胎

早前,應采兒與陳小春夫妻檔合體受訪,應采兒大爆老公同囝囝Jasper兩父子經常爭寵,透露某次搭飛機陳小春故意去和兒子擠同位。除了爆料陳小春和Jasper的父子趣事。兩夫婦更透露出正在為了Jasper的「要求」努力。原來,Jasper最近頻頻向他們許願:「想要個弟弟或者妹妹」。一直想生二胎的應采兒表示:「正在努力準備做人中」,陳小春害羞說:「加油吧!」

View this post on Instagram

Happy birthday to my Super Jasper 😘 還好你爸媽都是演員、扮成什麼都不成問題🤣

A post shared by 應釆兒 (@yingcaier) on Jun 30, 2018 at 10:37pm PDT

應采兒鬆身衫現身 陳小春唔否認再當爸

藝人應采兒日前與老公陳小春帶著兒子Jasper一家三口出席向太陳嵐的70大壽生日晚宴。早前被爆懷上二胎的采兒當日穿著寬鬆衫現身,據悉,應采兒帶著Jasper先行入場,留下老公陳小春獨自接受訪問。被問到備受關注的Jasper是否有弟弟或妹妹,是否再做爸爸時,陳小春沒有否認只是說:「再傾啦!再傾吖!」

延伸閱讀:

回顧林峯歷年8首街知巷聞歌曲 網民:首首都好洗腦!

關注我們Facebook專頁
    相關新聞
      更多瀏覽