男人最怕另一半迫自己做這10件事
2019年03月18日10:04

兩個人相愛,理應做咩都你情我願,願意為對方付出時間、精力和金錢,熱戀時期會付出更多。但當感情穩定下來,雙方關係有機會漸漸失衡,任何一方提出更多要求,另一方係咪就要加倍付出?

即使你不是公主型女友/老婆,但亦可能因為習慣另一半對你好,不知不覺間變本加厲,提出了過份要求,甚至強迫對方做一些他極不願意的事。最初他會因為愛你而為你做,但長期下去,結果會令他想逃避你,甚至遠離你!

快check自己有沒有迫另一半做以下10件事,避免做個茶煲女友/老婆。

1. 揸機影相

大部分女生都鍾意影相,除咗selfie,亦愛叫男友揸機,但永遠影極都唔滿意,男人只能暗地裡狂罵。

2. 排隊買珍珠奶茶、限量產品

香港人熱愛排隊搶購限量版、人氣產品,近期就最鍾意搶黑糖珍珠奶茶。事實上,好多男人就算好鍾意飲或者食某樣嘢,都未必會專登排一個鐘頭隊;相反唔少女生就會為咗打卡而要求男友/老公去排隊買......

3. 陪行街畀意見

女人愛行街,而且一逛就幾個鐘,唔少女生都想男友陪逛幫手拎東西兼畀意見;但實際上,這是大部分男人的惡夢,他們寧願畀張附屬卡任你碌。

4. 在朋友面前被命令做事

大部分男人都愛面子,即使被公認為「超級好男友」、「最聽話老公」等,亦受不了另一半在朋友面前命令自己,甚至指手劃腳呼喝做事。

5. 當眾鍚鍚或叫「BB」

在公眾場所拍拖時做咩最尷尬?相信10個有9個男人都怕女友迫自己「錫錫」,又或者大聲叫「豬豬」、「BB」。(補充︰拎個女人款手袋都係)

6. 社交媒體放閃

一般男人都唔鍾意將私生活公開,但唔少女生鍾意曬幸福,自己po相都唔夠,更迫另一半在社交媒體放閃。

7. 報到(任何形式)

男人愛自由,偏偏另一半要求「安全感」,被迫去到邊、做緊乜都要Whatsapp或打電話報到。

8. 隨傳隨到

唔單止要報到,更迫佢要隨傳隨到,除咗返工時間例外。

9. 陪睇韓劇/愛情電影

唔係話男人一定唔睇韓劇,但試問有幾多個鍾意婆婆媽媽又「狗血」的劇情?有些女人一邊睇一邊喊,更要另一半在旁遞紙巾,你話幾咁無奈?

10. 做家務

男人當然要幫手做家務,但最怕放工返屋企累到死,另一半不但唔體諒,更喝令佢掃地吸塵洗碗;其實放假時佢係願意做的。

Photo︰網絡圖片

Related Articles

關注我們Facebook專頁
    相關新聞
      更多瀏覽