【矚目星二代】馬德鐘之子 馬在驤進軍演藝圈
2019年03月06日21:00

不少藝人都唔希望自己小朋友入演藝圈,因為唔希望仔女承受不必要嘅壓力。不過,近日就有一位「星二代」選擇入行,佢就係馬德鐘囝囝馬在驤(Xiang)。現年21歲嘅Xiang,早前簽約邵氏兄弟,同爸爸馬德鐘於屬同一間公司,唔知佢哋第時會唔會有演藝上嘅合作呢?

編輯:Sunday Kiss|原文:東方新地|圖片:Instagram、新傳媒、微博

延伸閱讀:

【日本親子遊】四國半日玩晒愛媛動物園Tobe Zoo

【親子好去處】又一城溜冰限時優惠 $10 票價入場!

馬在驤入行簽約邵氏

馬德鐘同老婆張筱蘭於1993年結婚,二人育有一子、今年21歲馬在驤Xiang。本身高185cm嘅馬德鐘,囝囝比佢仲要高,足足190cm,同爸爸一樣擁有Model身型,身型弗到不得了!加上Xiang遺傳晒爸爸嘅高大靚仔外型同媽媽嘅內涵,簡直係新一代男神!

馬德鐘一家三口

依家喺澳洲修讀機械工程嘅Xiang,上年出席活動時曾透露,有意晉身演藝圈,雖坦言對幕前工作感興趣嘅佢亦透露父母俾好大自由度佢,甚少限制佢嘅決定,同時剛升讀大學時亦表示暫時會以學業為先。不過近日發現,馬在驤早前就已經簽約邵氏兄弟,而官方網站藝人資料到都已經有Xiang嘅資料,睇嚟已經正式入行,仲同馬德鐘同一間公司!

邵氏兄弟官網
邵氏兄弟官網

不過可能暫時邵氏兄弟嘅官方網站未更新得切,所以即使喺「新人藝人」一欄有馬在驤嘅相,但相關資料就唔多,只係顯示佢識國語、粵語和英語三種語言外,就連出生日期都冇。

邵氏兄弟官網
邵氏兄弟官網
馬在驤已經簽約邵氏成為旗下藝人。

游泳健將揚威悉尼 勇奪8金

馬在驤身形高挑而且有陽光外表,加上有做運動嘅習慣,細細個就已經出晒名係游泳健將,喺多個學界比賽中取得優異成績,包括曾經代表所讀嘅國際學校於澳州悉尼奪得8面個人金牌及全場總冠軍。

另外,Xiang又代表南華會泳隊喺第60屆體育節長池游泳計時賽中勇奪50米自由泳銀牌,並創下個人最佳時間。

Xiang同爸爸一樣擁有Model身型,身型弗到不得了

擔任模特兒到法國行騷

Xiang擁有模特兒身形,其實佢喺19歲個時就已經有幫國際著名時裝品牌中行時裝騷,獲邀擔任模特兒行騷。當時仲未正式入行嘅Xiang,喺大型舞台上毫不怯場,超有做Model媽媽張筱蘭嘅風範!

Xiang完騷後同媽媽合影

網民反應兩極

雖然演藝圈多咗個星二代入行又多咗個新面孔,不過有唔少網友睇落唔多like對呢位星二代,皆因好多人都依然覺得馬德鐘比囝囝Xiang靚仔!

另一方面,亦有網友留言指馬在驤雖然依家先二字頭,但個樣就睇落老過老竇馬神,總知就不斷狂插馬神囝囝!

視帝爸爸馬德鐘

馬德鐘上年憑《跳躍生命線》「麥在田」一角終於首奪視帝,而且更成功同邵氏兄弟簽約,強勢加盟!去年馬德鐘得獎時說:「無諗到,好開心,第一次攞獎,令我感受到咩係吃過苦先知甜嘅美好。多謝TVB,咁多位朋友,多謝珍姐,無你無《跳躍生命線》,你同我講每一句說話我都會記住,以前我年少無知唔知。多謝樂小姐,不停鼓勵我,多謝《跳躍生命線》監製、編審同埋所以前後嘅工作人員。多謝所有幫助過我嘅人,前輩,多謝我屋企人,我相信爸爸喺天上睇到,媽媽喺電視前睇到,多謝仔仔,多謝我老婆,做藝人太太真係唔容易,你照顧得我同家庭好好!」

馬德鐘
馬德鐘

馬德鐘老婆 晒陳年拍拖照放閃

早前馬神同太太張筱蘭結婚25周年嘅大日子,馬太喺微博上載咗多張二人由拍拖到結婚嘅相片,並留言話:「由12歲開始認識你,到今天與你結婚步入4份1世紀,感恩一直同行。人生就是要將今天活得比昨天好。銀婚快樂!」

而馬德鐘亦有轉載太太嘅發文,仲留言回應番老婆:「必須要每天都過得比昨天好。」好恩愛啊!

張筱蘭:用100分心機同時間照顧獨子

馬在驤貴為游泳健將,作為媽媽的張筱蘭(Karen)當然感到十分驕傲啦!當年,Karen在微博上載了兒子的得獎相片,更寫到:「希望你能振翅高飛,開創自己更美好的人生領域!我們為你每天的努力和堅持感到驕傲。」

螢幕快照 2017-04-18 下午2.16.45
螢幕快照 2017-04-18 下午2.16.45

Xiang能有如此好成績,除了自己的努力之外,媽媽的教法也對他起了很大的影響! 馬德鐘 與Karen結婚廿多年,從沒打算生多個,因為生育容易教育難,寧願全心全意投入教好兒子,Karen解釋︰「因為我哋冇時間,如果時間唔容 許,你生幾個小朋友但又照顧唔到,我寧願用100分心機同時間俾一個,唔會miss咗佢任何經歷。但當你全副心機擺喺佢身上,唔好預計會有咩回報。」

訓練自律 管理時間表

自律要從小訓練,並非父母一聲命令,孩子就會順從,父母需有高EQ與孩子溝通,給予緩衝的空間,令他們慢慢學識自律,Karen說︰「小朋友同大人一樣, 做一件事唔能話停就停,一定要有緩衝時間,例如俾佢知道仲有5分鐘、10分鐘,俾少少空間佢慢慢停落嚟,好過一嚟就唔俾佢玩;或者set個時間玩30分 鐘、1個鐘,差唔多夠鐘甚至超時就提一提佢,千祈唔好勞氣,要有耐心去同小朋友傾,說話要嚴肅但唔好惡,清楚表達個訊息,慢慢就訓練到小朋友自律。」

G5
G5

要管理好自己,能自律之餘,更需分配好時間,訂立人生目標。從小學時期開始,Karen每日為兒子安排時間表,包括長、中、短期,分配好讀書、玩樂及休息時 間,並慢慢輔導他達成目標。「人只有24小時,點樣maximize個時間效率好緊要。小學開始我教佢安排自己工作、睡眠、陪家人同自己時間,嗰陣佢成日問我幾時有自己時間呀?我會俾佢有自己空間,唔會管佢做啲咩。到上咗中學,佢開始面對更多功課,又有朋友社交,要俾番佢有自己世界。」

張筱蘭:唔好太重視成績

做人要有靈魂,沒有靈魂同條鹹魚沒有分別;同樣地死讀書也沒有意義,人生要有目標,才能自發學習吸取知識,過程中亦培養到獨立思想。Karen認為:「最緊要令佢對自己人生負責任,人係應該好好管理自己、情緒、生活同精神健康。」

19
19

到 青少年時期,發展專長至為重要,馬在驤小時候玩過跆拳道、乒乓球、籃球、游泳,慢慢他發現自己最愛游泳,更躋身校隊出戰學界賽,屢奪金牌!Karen覺得金牌其次,最重要兒子享受比賽過程,慶幸 他最享受接力賽,一班人齊心努力。「千祈唔好太重視成績,俾壓力自己同小朋友,攞到牌係錦上添花,試過佢游水游到樽頸位,冇乜進步,其實佢內心比我更焦 慮,驚令我失望。只要佢做足工夫,盡咗努力,成績已經唔重要。」自律精神間接幫助到馬在驤取得好成績,當他知道第二朝要練早水,前一晚會自律早瞓,Karen相信就是從小教導有功。「教小朋友係一秒一秒累積番嚟,唔係一次半次,千祈唔好意氣用事,令小朋友覺得媽咪都管理唔好情緒,咁你點會教好小朋友?」

10
10

玩樂大隊長 爸爸教運動

兒子已長大成人,Karen也放手讓兒子自己管理自己,獨立成材。Joe十分認同太太教導有方,令自己可以專心出外賺錢養家,做兒子的玩樂大隊長,令他有個 快樂童年。「由細到大我一下都冇打過佢,成日氹佢開心,我始終唔係成日喺香港,管教都係太太負責,我負責娛樂,我同阿仔最鍾意一齊睇電影,有時一齊游水、 打籃球。」兒子的游泳天分來自Joe,他指兒子小時候有哮喘,就帶他游水做運動鍛鍊體能,從自發掘潛能,更青出於藍!

9
9

媽咪身教 邊湊仔邊讀博士

Karen 自誕下小朋友後,沒有放棄學習,1998年懷孕期間開始,在科技大學攻讀社會科學哲學博士學位,邊讀邊照顧初生兒子,2003年畢業,為兒子樹立一個好榜 樣。「嗰段時間好開心,好似跟住囝囝成長學習咁,好似重新做一個人。我畢業時佢5歲,我哋就踏入人生另一階段。」

4
4
Karen邊學做新手媽媽邊讀博士,讓兒子知道媽咪沒有脫節,會跟着媽咪努力學習。

延伸閱讀:

【台灣親子遊】台北親子旅館 玩樂空間+免費寄明信片

關注我們Facebook專頁
    相關新聞
      更多瀏覽