奶奶拉隊杯葛 李悅彤Liddy為子搞冷清百日宴
2019年03月05日22:20

14年介入導演彭順同李心潔婚姻哄動一時,搞到人夫變賤男自己形象亦插水,被封最強「小三」的李悅彤Liddy,消聲匿跡一段時間,去年傳出已嫁澳門富商鮑偉業Ivan,更在11月成功誕下兒子James,終於修成正果,但原來幸福背後,今次Liddy又係搶走人夫拆散他人幸福家庭,這位「小三」新抱更未獲奶奶歡心,睇嚟想過奶奶一關,Liddy仲要落力從良洗底先得!

撰文:東方新地 圖片:新傳媒圖片、微博、李悅彤IG

延伸閱讀:

【台灣親子遊】宜蘭三大必去景點 走進幾米世界

【止咳消燥】雪蓮果椰棗海底椰瘦肉湯

李悅彤 陀B嫁富二代

「小三」本性難移,14年只有26歲仲係𡃁模的李悅彤 Liddy,就以青春無敵生擒48歲李心潔老公彭順,偷食事件搞到 滿城風雨,兩人極速斬纜,彭順最終獲李心潔原諒,不過做 「小三」被千夫所指,Liddy依然未有學乖,去年被揭陀B後自爆已經嫁人,但原來澳門富二代老公鮑偉業,同樣是人夫人父。

同彭順因拍戲撻著,但影大合照時刻意扮避忌。

做過彭順小三

14年介入彭順李心潔婚姻,被拍到同彭順親暱行商場,旁若無人攬腰又啜嘴,被封超強小三,幸好彭順獲李心潔原諒,夫妻和好,李心潔更在16年7月誕下一對孖仔。

解畫話識人老婆

其實早於15年,Liddy已經被拍到同鮑偉業孖住在銅鑼灣 行街撐枱腳,不過當時Liddy就只承認同對方是朋友關係,誰知報道出街,又再被讀者踢爆男方早有家室,當時Liddy迅速轉口風解畫,更指一早認識對方老婆,唔怕會被誤會云云,但事隔三年,Liddy已經踢走人妻做埋鮑太兼生埋仔。

去年被揭懷孕,李悅彤迅速自爆早於年初已同澳門富商鮑偉業結婚,眨吓眼兒子亦已經四個月大,上月底更為囝囝在旺角帝景酒店大搞百日宴,與港澳親朋慶祝。

圈中姊妹到賀

Liddy圈中好姊妹Coffee和藍莓亦有出席百日宴。

成為愛情贏家,Liddy去年11月更誕下兒子James,上月底 為兒子在旺角帝景酒店舉行百日宴,大宴港澳親朋,不過「小三」本性就未能過到奶奶一關,據知情者透露:「Ivan同前妻係門當戶對, 鮑母本來就好鍾意呢位賢淑新抱,個仔要離婚佢當然好反對, 見頭家就咁散晒梗係唔開心,加上Liddy同彭順單嘢搞到咁大,個底咁花,思想傳統嘅鮑母接受唔到,至今都仲未釋懷!」

派現金

當晚百日宴請來四川變臉大師表演外,更設有38,888元大抽獎,送現金給現場到賀的親友。

去年兒子 James滿月,李悅彤孖老公低調慶祝。

晒巨鑽

升呢做闊太,Liddy亦今時唔同往日,連湊仔都唔覺意騷吓大大粒鑽戒。

做公關成功埋身

嫁富商變上等人生活無憂,Liddy去年中更獲老公打本做 老闆娘在葵涌開設家品店,不過,多次受訪她都堅拒談老公, 封嘴原來有因。據知情者透露:「Liddy15年轉咗做活動策劃, 就係喺佢依家老公Ivan間公關公司打工,佢好快已經埋到老闆 Ivan身邊,唔止係得力助手,兩個仲發展埋戀情,本來Ivan同 老婆感情好好,又有個三歲嘅仔不知幾幸福,喺14年Ivan兩公婆仲結伴飛峇里參加過阿B同范姜嘅婚禮,不過,Liddy出現佢同老婆關係就唔同晒,最後Ivan為咗Liddy選擇同老婆離婚,關係咁複雜,加上男家屋企好低調,Liddy咪封口唔提!」幸福不是必然,成功嫁人上岸,Liddy真係要好好珍惜!

踢走正印

鮑偉業是澳門富二代,在澳門開有公關市場推廣公司及娛樂製作公司,同唔少圈中人稔熟,14年他就同當時老婆結伴出席阿B峇里婚宴,不過 15年鮑偉業同B哥卻牽涉金錢糾紛!

Liddy出現前,鮑偉業同老婆非常恩愛,經常秤不離砣!

狂晒幸福

成功搶走人夫的Liddy 母憑子貴不時在社交網大晒幸福。去年10月懷孕37周,就晒出大肚寫真,著住性感透視孕裝同 老公面貼面晒溫馨,老公又攞住紙牌公布 BB 性別。

成功嫁鮑偉業做幸福人妻,李悅彤亦有在社交網公開婚照,以勝利者姿態現身。

嫁入豪門做闊太

早前被邀出席Fendi皮草活動,優哉游哉!

升呢做闊太後,湊仔嘅奶粉袋當然用名牌。

出街人狗都一身名牌打扮,又獲老公打本在葵涌廣場開設生活百貨店,做埋老闆娘。

延伸閱讀:

【急口令大挑戰】10大最難廣東話急口令

關注我們Facebook專頁
    相關新聞
      更多瀏覽