素顏周汶錡晒與大仔盞鬼賣萌照 網友:皮膚幾好!
2019年02月09日18:15

名模周汶錡(Kathy)自從與法籍丈夫Julien Lepeu,誕下兩位可愛囝囝,便不時在社交網站大晒天倫樂,繼早前上載同兩位囝囝嬉水片段後,周汶錡日前就為大家送上與大仔Jacques萌到爆燈嘅合照,網民大讚大仔笑容可愛得意之外,亦周汶錡嘅素顏一面!

文:JK|資料來源、圖片來源:周汶錡Instagram|編輯:Kayla、東方新地

延伸閱讀:

45位紅星揮春迎豬年!

公開12種年花寓意、豬年年花吉位 擺錯隨時衰3年!

素顏周汶錡晒與大仔盞鬼賣萌照

可愛照中可見周汶錡同大仔Jacques一齊做起盞鬼表情,嘟嘴、眼仔碌碌同眯眼樣樣齊!相片不但有表情一向多多的大仔Jacques,同時兩母子互相依傍,更顯親情滿載。周汶錡就留言hashtag了「#funnyfaces」、「#mylove」、「#happyhoilday」、「#jacqueslepeu」、「#lepeufamily」。

0
0

不少網民都大讚Jacques可愛,「大仔的笑容真係靚,好可愛」,可愛得惹人想錫佢一啖!亦有人大讚周汶錡素顏也很美,事關除咗可愛嘅大仔成為焦點外,最難得係媽咪周汶錡今次係少有地素顏出鏡呢!

6個罕有又難讀星B英文名

|陳倩揚囡囡

陳倩揚10年與拍拖8年嘅男友陳浩然結婚,今年1月中,倩揚宣佈懷上第三胎,預產期係今年7月,幸福滿滿的一家4口開心迎接第5位家庭成員,即囡囡陳希桐,英文名Aurella。

View this post on Instagram

妹妹上星期滿咗月啦🌕💖 媽媽忙到而家先有時間整理相片 多謝妹妹嘅配合 初生呢一個月都算輕鬆過渡🙌🏻🙌🏻 雖然休息時間一定唔會足夠 但每次同妹妹換片片或洗白白時 見到逐漸build up嘅米🐽蓮肉肉 媽媽即刻覺得就算幾眼瞓、膞頭肩頸幾痛都抵嘅! 🤨👊🏻👊🏻 呢一個月完全跟足陪月姨姨嘅坐月食療 每日三餐、湯水、代茶、燉品等等絕無欺場 未唸過「減磅」呢兩個字 最緊要養好身體,建立好妹妹嘅糧倉 減肥並不急於一時嘛🙈🙈 9月我會恢復幕前/主持工作🎤 而家可以開始逐步調節體重同體脂📉 遲d可以同大家分享「我的減磅之路」😆💪💪 加油加油! 💜 #mommyof3 👦🏻👦🏻👧🏻 #妹妹 #滿月

A post shared by Skye Chan 陳倩揚 (@chansinyeung) on Aug 18, 2018 at 6:57am PDT

陳倩揚就改咗囡囡個名做Aurelie,呢個係個法文名,除咗喺法國之外就比較少人用,而且亦唔多人知呢個名點讀。

順帶一提,陳倩揚嘅仔女英文名都係以Au開頭,大仔叫Auryn,二仔就叫Audrick。

|官恩娜囡囡

官恩娜今年一月再喜添一位女兒,並取名Aurelie,同陳倩揚囡囡同名。由於Ella老公係個中法混血兒,所以呀女個名都係個法國名!

View this post on Instagram

今日妹妹第一次食提子,令我諗起妹妹出世之前特登再上一次兒童嬰兒急救班,仲叫埋屋企個姐姐上堂,萬一有緊急情況佢都知道要點處理,覺得都幾有用,而且令自己對照顧小朋友更有信心。 好想同大家分享下老師嘅說話,因為我發現原來有好多人都唔知道,每次見到個心都會離一離!提子、爆谷、藍苺、蘋果係Choking hazard 高危食物! 食嘅時候要小心處理! 提子藍莓最好切成4分長形,年幼嘅小朋友最好唔好食爆谷,蘋果係遇水會發脹嘅生果要切細去皮先俾小朋友食!老師話佢做急救咁多年,成日見小朋友比呢幾樣野哽親,甚至失去寶貴嘅性命,所以要多加注意! #auréliehélènemaurellet #8months #firsttime #grape

A post shared by ekMaurellet 官恩娜 (@koonella) on Sep 20, 2018 at 8:24pm PDT

囡囡個名就解好似金咁珍貴!

至於大囝Gabriel個名就比呀妹個名相對易讀,而且近年Gabriel呢個名都多咗人改,呢個名嘅意思喺基督教角度解「神是我的力量」。

|周汶錡囝囝

周汶錡老公同樣係個法國人,所以兩個囝囝都係個法名!

今年3歲嘅Jacques與英文嘅Jacob、James相似,意指完美;而上年出世嘅Avner就源自希伯來文,有父親嘅光意思。

|楊采妮囝囝

楊采妮13年與圈外男友邱韶智結婚,上年為老公誕下雙胞胎囝囝,並改英文名為Ignatius同Aloysius。

據了解,兩個名字都來自天主教聖人,有神嘅役使嘅意思。

Ignatius同Aloysius實在太特別,相信一般人都未必讀得啱個名!

延伸閱讀:

盤點8個韓星有效成功瘦身秘訣 節日過後要減啦!

關注我們Facebook專頁
    相關新聞
      更多瀏覽