傳峇里攬啜34D辣模!鄭俊弘否認背何雁詩偷食
2019年02月04日00:20

26歲何雁詩同35歲鄭俊弘(Fred),兩年前因拍〈真心真意〉MV秘密撻著,鄭俊弘更瞞住拍拖三年並已同居的未婚妻Beers劈腿偷食,被女方好友睇唔過眼,爆seed向傳媒爆料,事件爆煲後,何雁詩鄭俊弘亦唔再隱瞞十指緊扣高調認愛,小三渣男事業急插水,Fred一度遭公司雪藏,而何雁詩則不堪被冠「小三」之名,令壓力爆煲自殘,二人雖然屢傳「分」訊,但何雁詩多次作出否認!

不過近日又有人爆料指鄭俊弘疑似背住女友何雁詩偷食,去年中在峇里激咀爆乳女模Bebi,對此,鄭俊弘同何雁詩作出回應。

撰文:東方新地 │圖片:新傳媒圖片、Instagram

延伸閱讀:

C君向港台DJ女友求婚成功!想請XXX擔任星級兄弟!

王祖藍細說事業向上爬跌碰之路 「永遠同自己講唔好怕輸!」

鄭俊弘 峇里攬啜34D辣模?

近日有人向傳媒爆料,聲稱Fred於去年8月尾去峇里參加完朋友婚禮後,到當地一間酒吧夜蒲,其間與一名叫BeBi的女子搭上,二人更在夜店激咀,還遭同行朋友放上Ig story。不過所謂嘅咀嘴相,男方都係得個背面。

鄭俊弘
鄭俊弘
Fred鄭俊弘當日背未婚妻偷食何雁詩,一度被封為「世紀賤男」!
Instagram圖片

對此,何雁詩回應話早喺報道出街前,收到一個唔認識嘅人send相片畀佢,而佢同Fred溝通後選擇相信男友,又話相中男子唔係Fred,叫大家唔使擔心佢哋,睇嚟傳聞無損二人感情!

Instagram圖片
Instagram圖片

懶理是非 不時放閃

雖然屢次被傳分手,但何雁詩懶理傳聞,不時在社交網放閃,近日她在Ig story上載同Fred合唱短片。

Instagram圖片

而Fred獨唱時,何爸爸更像小fans般,為Fred亮起手機的燈打氣,睇嚟關係好融洽喎!

Instagram圖片
Instagram圖片

辣模BeBi的IG資料欄上她報稱是時裝模特兒,曾獲「15 Top Miss Popular DJ Hunt 2017」,會為男性雜誌拍攝性感內衣及泳衣照,所以她的IG上不乏性感相。

Instagram圖片
Instagram圖片

辣模BeBi勁晒34D火辣辣身材!

Instagram圖片
Instagram圖片
Instagram圖片
Instagram圖片

報道出街後,辣模Bebi在Ig story上載Fred的歌曲《投降吧》MV,但很快便刪掉,隨後以英文夾雜粗口澄清與她激咀的男子不是Fred:「我唔認識Fred,只係欣賞佢唱歌把聲,睇佢嘅video……it’s not fxxking Fred(激咀男),唔該唔好煩我。我只係佢嘅粉絲。」

Instagram圖片
Instagram圖片

買酒返香閨歎 何雁詩背鄭俊弘連環撻仔

唔通真係偷偷摸摸先夠刺激,戀愛大過天的何雁詩,兩年前秘撻已有拍拖三年未婚妻的鄭俊弘,懶理做小三成功將準人夫搶到手並火速同居,不過,激情過後,兩人早已濃情轉淡,對鄭俊 弘再冇火花的何雁詩,對住男友經常面燶燶,在外卻玩到癲連環 撻仔,早前以進修為由到美國,卻被發現夜夜笙歌兼啜爆巴西型男,唔單止咁,近月還與一名有律師界「黃浩然」之稱的靚仔律師Howie過從甚密,日前收工專登揸車去接Howie,然後一齊買紅 酒返自己位於大埔的香閨慢慢歎,完全當男友冇到!上次背未婚妻偷食的鄭俊弘,今次畀女友姣撻仔出賣,唔通真係現眼報!

26歲何雁詩同35歲鄭俊弘,兩年前因拍〈真心真意〉MV秘密撻著,鄭俊弘更瞞住拍拖三年並已同居的未婚妻Beers劈腿偷食,被女方好友睇唔過眼,爆seed向傳媒爆料,事件爆煲後,何雁詩鄭俊弘亦 唔再隱瞞十指緊扣高調認愛,小三渣男事業急插水,以為愛得轟烈 會好珍惜,但原來搶到手已係另一回事!

密會斷正 律師界黃浩然

半個月前的Boxing Day,何雁詩做完活動,衫都冇換,著住單薄緊身衫同熱褲火辣辣去會Howie,兩人結伴去買紅酒,何雁詩還細心推住門等身後攞住箱紅酒的Howie步出店舖。

谷胸開船P

曾經跟陳瀅傳出 緋聞的律師界黃浩然 Howie,透過陳瀅認識何雁詩,一班年輕人經常會 約埋聚會,早前兩人便一 齊出海開P,貼在Howie 身旁的何雁詩,仲谷胸 大騷火辣身材冧 仔。

陳瀅做掩護

拍拖兩年,兩人早已濃情轉淡,何雁詩更瞞住男友連環撻 仔,近日就趁鄭俊弘開新劇《法證先鋒4》睇唔實,與一名年約30多歲的靚仔律師「嫩 版 黃 浩 然」Howie過從甚密。 據知情者透露:「Stephanie(何雁詩)根本就好貪玩, Howie係陳瀅啲friend,佢哋 成日會大班人約出嚟玩,大家識咗好耐,Howie之前畀人影到同陳瀅行街傳出緋聞,其實係因為羅天宇同Howie都好熟,總之關係七國咁亂,其實好早之前,Stephanie都試過帶阿Fred(鄭俊弘)出過嚟,所 以Howie都見過Fred,大家都識又點,Howie生得靚仔又叻 仔,Stephanie 對佢早就嗒糖,成日借啲意黐實對方,呢排佢哋玩得 好埋,就算大班人約會都已經唔會預Fred,不過咁,Stephanie玩得好 精嘅,佢會搵陳瀅、劉佩玥做掩護,阿Fred問起都可以交代到,唔知係咪咁Stephanie覺得特別刺激,成日會主動約Howie!」

除咗大班人約會,兩人仲會單獨約會,儼如蜜運情侶。

對外扮恩愛

雖然早就濃情轉淡,不過何雁詩鄭俊弘對外就繼續扮恩愛,剛過去的除夕夜,兩人孖住做除夕倒數活動賺錢,何雁詩更嘟晒嘴同男友玩自拍,似足熱戀!

戰鬥格會Howie

日前,何雁詩出席完公開活動,直接著住出活動時的緊身Tee同熱褲,一副戰鬥格離開,並唔係約男友鄭俊弘,反而一個人揸車去科學園接Howie ,然後直駛去大埔超級城,兩人急步一齊行去揀紅 酒,近期對住阿Fred總會黑晒面的何雁詩,望住靚仔Howie反應完全兩樣,明顯嗒晒糖的她,揀紅酒期間,不停甜笑問對方邊隻酒好飲,兩人花了約15分鐘,便掃了幾支紅酒,由男方付款後並肩行去 攞車,然後一齊返何雁詩位於大埔的香閨慢慢歎!

打扮惹火

同律師界黃浩然Howie一齊,何雁詩表現如沐春風,打扮更非常惹火,貼身Tee 將其豐滿身材表露無遺。

連環𠝹巴西仔

除了姣撻Howie外,爛玩的何雁詩早前更藉去美國修讀短期演藝課程,唔 收斂在當地狂𠝹仔,以為山高皇帝遠就冇人知,同居於美國的兩位巴西型男 Bruno及Maarkin夜夜笙歌,不過,卻被男方拍片放上社交網,揭破她狂野撻仔 一面,片中在酒吧飲到爛醉的她,姣爆手舞足蹈又不停扭籮,同兩個巴西型男 頭貼頭喪笑,期間更啜爆Maarkin,讀書為名媾仔為實,似乎早已將男友鄭俊 弘拋諸腦後!

含情脈脈

何雁詩對住靚仔Howie全程表現雀躍,兩人落扶手電梯都傾唔停,何更含情脈脈望住對方。

兩人急步行去攞車,何雁詩揸車載Howie返自己位於大埔的香閨,一齊歎紅酒相當浪漫。

全程零交流

外出冧完仔,何雁詩繼續返西貢愛巢做回鄭俊弘女友,日前本刊便拍到兩 人結伴到西貢超市上糧,一齊行卻形同陌路,由落車一刻到入超市揀嘢都係零 交流,兩人更各有各睇,分別揀自己心頭愛放上手推車,最後買到成車嘢,繼 續黑住面行去攞車,陪在男友身邊的何雁詩,跟撻仔時冧到爆完全兩個樣! 往取車途中,何雁詩突然自High扭身跳晒舞,身旁的Fred見狀卻完全冇反 應,只自顧自推住購物車向前行,似乎對女友情緒突高漲表現司空見慣,一於 闊佬懶理,就算返到西貢寓所,阿Fred拎住一袋嘢亦懶理身後的何雁詩,自己 一支箭行返入屋,明顯已經甜蜜不再!

陳瀅緋聞男友

律師界黃浩然靚仔又係專業人士,除咗何雁詩嗒糖,之前陳瀅亦同Howie傳過緋聞,兩人經常孖住出席朋友活動,更試過被拍到私下約會。

唔衰得扮恩愛

同鄭俊弘感情淡如水,但好勝何雁詩亦唔甘心畀人睇死,始終當年搶準人夫鄭俊弘戀情受爭議,現時感情再淡都唔衰得,同Fred繼續人前扮恩愛。剛過 去的聖誕和除夕賺錢黃金檔期,兩人更情侶檔孖住恩愛出埠登台及做除夕倒數 活動。據知情者透露:「Fred本身好大男人,同Stephanie 成日會因為啲瑣碎事嗌 大交, Stephanie情緒好易波動,鬧親交就會大發脾氣,仲有自殘傾向㖭!最初阿 Fred都會讓步,不過久而久之關係已經變得好僵,依家佢兩個一齊根本冇乜嘢 講,只係Stephanie硬頸唔衰得,先繼續同Fred向外扮恩愛,加上依家形象啱啱 先好番啲,既然又有人搵佢哋一齊做嘢,佢哋咪出嚟扮恩愛賺錢囉!」

燶面陪買餸

兩年情一早淡如水,何雁詩即使陪鄭俊弘到超市買餸,亦全程黑晒面,兩人更毫無交流。

借女過橋

冰凍三尺,非一日之寒,何雁詩好勝貪玩,被封圈中賤男的鄭俊弘更不是 省油燈,入行18年的他向來鍾意借女過橋用完即棄,01年參加「全球華人新秀大 賽」入行,翌年加入藝訓班演閒角,同秦沛女兒姜麗文發展地下情,女方借爸爸 人脈經常暗助他,不過Fred 13年憑「星夢傳奇」一夜成名,隨即狠撇為佢捱足六年的姜麗文,秘撻富家女Beers,拍拖一年已向女方求婚,不過最終又因劈腿媾 掂何雁詩,同Beers密冚三年訂婚戀事先爆煲分手。

各有各睇

入到超市,兩人分頭各自揀嘢,如果唔係啲嘢放入同一架手推車,仲以為佢哋唔識㖭!

愛女心切的何爸爸,兩年來一直反對女兒戀鄭俊弘。據知情者透露:「邊個 父母唔緊張個女吖!何況阿Fred個底咁花,之前收埋未婚妻單嘢搞到咁大,男 人咁多大話,何爸爸梗係擔心個女會畀人呃,一路都唔鍾意Stephanie同阿Fred 一齊,而且之前個女想做番運動員,又因為要幫阿Fred所以續約留無綫,女兒 再次放棄自己夢想,何爸爸真係好激氣,對阿Fred更加冇好感,但係個女硬頸 而且又有情緒病,佢哋都唔敢管得太嚴!個女鍾意亦由佢哋自由發展!」 既然愛得咁辛苦,倒不如撇脫下決定,睇怕何雁詩甩鄭俊弘,應該冇人會 替佢可惜,最開心嘅仲會係何爸爸!

飛釘益街坊

當日一身街坊裝的何雁詩,更加飛釘益街坊,相當豪邁!

零交流

鄭俊弘黑面推住購物車,同隔籬的何雁詩毫無交集,行行吓,何雁 詩忽然high爆起舞,不過身旁的Fred當睇唔到零反應。

返到西貢村屋寓所,都係冇兩句各自攞嘢入屋。

近日兩人經常各自揸車出動,兩部座駕停 泊在西貢寓所外。

父母反對戀Fred

出道即被爆有家底的何雁詩,是父母掌上明珠,不過何父何母 一直反對女兒戀鄭俊弘。

激咀巴西仔

上年底,何雁詩到美國修讀演藝課程,就爆出在當地同兩個巴西型男Bruno及Maarkin 夜夜笙歌玩到癲,在酒吧飲到high爆,同型男面貼面不停喪笑,還high爆激咀Maarkin,可惜被男方 拍片放上社交網,揭發她明目張膽瘟仔!

嘟晒嘴同Bruno頭貼頭喪玩!

啜爆

在酒吧同兩位巴西型男飲到面都紅埋的何雁 詩,突然啜爆Maarkin。

扭籮跳舞

High爆的她不停手舞足蹈喪笑,更加瘋狂扭籮,充滿挑逗!

High爆任摸

三人學外語時更有唔少身體接觸, 何雁詩high爆喪笑,更任由兩位巴 西男摸頭髮。

放相扮乖女

何雁詩在美國夜夜笙 歌,但在她個人IG Po 出的相片,就只 有跟女同學一起玩以 及簡樸的旅行相,完全兩回事!

獨自落吧獵食

同鄭俊弘激情不再,近期何雁 詩就經常一個人落酒吧消 遣,早前做完嘢,揸車送走助 手後未有即時返回同鄭俊弘的 同居竇,反而落吧同酒吧一位 外籍侍應吹水hea時間。

劈腿公開戀情

17年4月爆出鄭俊弘瞞住密冚三年的 同居未婚妻Beers,劈腿媾掂「巨聲 幫」何雁詩,兩人最初否認戀 情,只話係朋友關係,點知隔咗一 日,就十指緊扣公開認愛,鄭俊弘 亦承認同未婚妻已分手,不過拍拖 無耐已屢傳二人感情有變,又指何 雁詩不堪壓力𠝹手及搬返大埔娘 家,戀情存暗湧。

兩人拍真心真意MV戲假情真撻著,同鄭俊弘結婚一幕,何雁詩表現極之冧!

同場加映:鄭俊弘以前有個富貴未婚妻

鄭俊弘同何雁詩之前算係上位中的大台藝人,形象健康,愈來愈多機會喺不同劇集亮相。不過2017年4月被大爆,其實阿Fred有個已經收埋三年的富貴女友,佢更在15年向女友求婚成功!女方一家無論生活定感情上都對阿Fred照顧周到,但男方就唔知足去偷食,搞到何雁詩做咗第三者!

深圳求婚成功

話說早於2014年7月一個船P上,鄭俊弘認識由外國讀完船回港的富家千金,Fred暱稱對方為Beebs,據知兩人好快就打得火熱,去到見晒家長的地步。一年後的2015年7月31日,兩人為慶祝拍拖一周年,包了七人車去到深圳瑞吉酒店,並book了一間兩層複式房間,不過book房同埋單都係由女友負責。去到凌晨12點,Fred就突然換上禮服手執戒指求婚,Beebs亦當場答應!

喺MV入面阿Fred都同何雁詩求過婚!

旅行女家俾錢

既然阿Fred同Beebs都打算結婚,女方家人都當正佢係女婿一樣,每次一齊家庭旅行唔係坐頭等就係商務客位,就算係旅行使費,對方都唔會問阿Fred攞番;而近年沒有工作的Beebs亦專心替未來老公打理家中大小事務,由飲食到愛犬都照顧得無微不至,似乎係個賢妻喎!

Uber出事

不過,鄭俊弘同何雁詩拍完〈真心真意〉MV後,突然對Beebs態度有變、忽冷忽熱。一晚阿Fred相約未婚妻到自己愉景灣屋企玩煮飯仔,本來話自己會9點返到,點知最後話要開會搞到凌晨四點先到家,女友一早已經瞓咗。翌日Beebs如常替阿Fred處理單據時,發現對方開咗個新Uber戶口,見到佢凌晨3點由大埔滌濤山去中環碼頭,付款人仲係一個「Stephanie Ho」開頭的戶口!

發火刪除訊息

據知Beebs即時大興問罪之師,不過阿Fred不斷強調同何雁詩只係朋友,而Beebs亦一時心軟原諒對方,之後更煲咗愛心湯去男友愉景灣寓所。點知Beebs當時就發現阿Fred冧滋滋咁同何雁詩講電話,於是要求Check電話,阿Fred見事敗就即時大發脾氣話唔俾,仲delete晒自己同何雁詩的Whatsapp紀錄,不過同何雁詩的大量通話紀錄就仍然喺度。

依家阿Fred承認鍾意何雁詩,而Beebs亦終於睇清未婚夫的真面目。

延伸閱讀:

重溫40年來11張紅星經典賀年相 群星熱鬧賀新歲!

關注我們Facebook專頁
    相關新聞
      更多瀏覽