嚴選7-11十大宵夜必試小食!雞髀、肉醬意粉定點心最正?
2019年01月23日19:10

每次去日本旅行,大家都必定會去Familymart、Lawson等便利店狂掃食物,回港後更大嘆為何香港沒有如此高質之物。但其實香港便利店的食物絕不失禮!以下由編輯選出的10大必食的7-11宵夜,未知當中有沒有大家的至愛?

編輯:新假期|相片:NM編輯部麻甩佬|原文:新Monday

延伸閱讀:

MOS Cafe 推日本和牛迷你漢堡包+香濃洋葱湯|Mos Burger新品

12款低卡宵夜推介2018 食完唔怕肥!OT/夜貓必備 |食是食非

嚴選7-11十大宵夜必試小食!

嗱今次呢就絕對無收取任何廣告費,全部都是編輯部一眾捱OT的單身麻甩佬㚒錢去7-11買的,所以我哋絕對有嗰句講嗰句!

7-11
7-11

這次嚴選了十多款7-11微波食品,由小食,到主菜再到甜品都一一收購,相信總有一款啱你心水!

(這次食評並不會給予任何分數,只會與大家分享食後感!)

7-11
7-11

小食、主菜類:

1. 雞髀(照燒、孜然)$19.4

兩者均附上膠盤以及手套,處理食物時倍加方便。而且雞髀從來都係要用手食,呢下堅持同細心要讚!

誠實食評(照燒):論肉汁,微波食物而言可謂高品質之作,不過照燒又係甜,瑞士都係甜,兩者分別較少。始終照燒乃日式造法,建議再多加一點芝麻扮下嘢。至於肉質方面,確實滑嫩,雞皮雞肉亦醃得夠入味。

誠實食評(孜然):孜然的味道較岀,但始終以汁煮方式入饌,很難要求它會有譚仔土匪雞翼的質地。肉質一樣有水準,夠滑之餘亦夠juicy。

2. 雞粒(燒烤$21.5、泰式$21)

誠實食評(燒烤):如無意外,它是選用雞髀肉作原材料,叮完外層夠乾,咬開亦有雞汁。調味理應選用上甜椒粉,帶微辣,夠惹味。不足之處是份量較少(得嗰五粒),一個男人怒啪三盒都未必夠。

誠實食評(泰式):泰式雞粒的設計較特別,盒內附有醬汁隔,以及一包沾醬,亦是所謂的泰式味道來源。雞肉繼續穩打穩紮,不過醬汁只是單一的酸辣,如果屋企有用剩的M記泰式甜辣醬,不妨轉用一下。

3. 點心拼盤 $16

誠實食評:內𥚃共有三粒燒賣、三粒牛肉球、兩粒蝦餃。味道都是大致如此,無雪味都當佢贏。豬肉燒賣有誠意,上方備有蟹籽,蝦餃亦有些少蝦味,至於牛肉球呢,下次俾埋喼汁就更好。

4.翠玉餃 $16

誠實食評:本以為是健康之選,但諗深一層,食微波小食又怎能要求健康?翠玉餃食落油膩感相對較少,但可能微波爐加熱與雪櫃儲存的關係抽乾了外皮水份,幸好,內裡的菜肉餡料足以濕潤口腔。

5.碗仔羹 $16

誠實食評:留意返,唔係碗仔翅!不過與碗仔翅無異,湯底加入大地魚,並以豬肉絲、香菇、粉絲以及雲耳豐富口感,食落夠濃稠,亦有頗強的胡椒味。必讚的是,包裝內備有膠羹、一包麻油一包紅醋,方便調味。

6.肉醬意粉 $18

誠實食評:張志明大愛之物,「它很咸,很不健康,又不多肉,不過喜歡就是喜歡。」由於記者是《志明與春嬌》的fans,所以好難中肯去批評意粉!經雪櫃抽乾意粉的水份後,質地夠al dente,醬汁調味確實偏咸,但又不會過酸,份量都足以撈均整碟!正!

7.紅咖哩雞配黃薑飯 $26

誠實食評:同事們稱它是此回的驚喜作!黃薑飯夠香,紅咖哩汁料亦夠綿滑濃稠,味道帶椰香偏辣,配料備有雞粒、車厘茄、木耳等(雞粒份量極少)不過包裝難拆,汁料亦易濺岀,大家小心。

甜品類:

8. 十勝大福本鋪甜夢忌廉(香港限定)

誠實食評:聲稱是香港限定之物,餅皮確實加入紫薯焗成,食落有蕃薯味回甘。至於紅荳餡料甜度適中,但忌廉不夠滑。

9. 牛奶忌廉瑞士卷

誠實食評:瑞士卷不會太乾,加上大量忌廉,食落其實幾爽。不過忌廉牛奶味不足,幸好夠綿滑,可加返少少分。

10.吉士忌廉泡芙

誠實食評:賣相不俗,泡芙亦夠空氣感。不過食落極乾身,吉士醬亦太實,直情與泡芙完美分離…

延伸閱讀:

8個遊客最愛拍攝的香港景點!|海邊攝影、懷舊香港樣樣齊

關注我們Facebook專頁
    相關新聞
      更多瀏覽